Nɔŋba 3:10 - Ŋ̀âla Kɔlɔ Maa Waai

¹⁰ Eelɔŋ lɛ́ da ǹônii a gɛɛ dí zâla-laa soŋ-tii kɛ́. Kɛ́lɛ núu da kpɛ́ni kélee à lɛ̀ɣɛ naa, maa-nuui a pâi saâi.”

Nɔŋba 3:10 ပူးပေါင်းရင်းမြစ်များ

Samia Veerɛi 6:7

Yâwɛɛ è ǹíi ŋwàna ma é bàa kpɔ́ nɔ́ ŋ̀áa ma, kpɛ́ni fêi, è ǹyée lɛ̀ɣɛ Gbanaŋ-woo-kɛɛ maa gãlai ma. È bàa naa gãlai kɔlɛ.

Kâloŋ Maa-ŋuŋ 12:31

Zɛroboaŋ è sâla kùla kwaa-ŋa ma kpɛ̀tɛ ǹyée tɔɔ-ŋai ma, é sâla láa soŋ-ƃela kula núu da kpɛ́ni-ŋa sáma ƃɛ́i kélee è kɛ̀ ŋ̀wɛ̂lii, berei máŋ dífe kɛ́ ní la a Liiva-ŋai.

Kɔlɔnikɔ Maa-ŋuŋ 6:32

Da kâa kɛ̀ wule tôoi naa Zua-kɔlɔ-seɣe pɛrɛi mu ŋɛ́i-tuɛ gɔyâŋ too kwaai ma é lɛ́ɛ la zu ǹyaa Gâloŋ Saloma é Yâwɛɛ ŋɔpɛ́rɛi tɔ́ɔ Zerusâlɛŋ. Da kâa dítii kɛ̀ a gɛ̀ tãi yɛ̂ɛ berei è kɛ̀ lai.

Niɛmaya 6:11

Ŋá ŋ̀óo su tòo ńyɛɛ mai, “Fé a ǹúui nyii a pû gɛ́ ǹooi. Ya gâai ŋà ńôo Ŋ̀âla-pɛrɛ Kɛ́tɛi mu núu da fá pɔ̂ri ḿbaâi? Fé liî naa.”

Ɛsedɔ 29:9

Í bɛ̂ti too díleŋei í ƃɔrɔ sée díŋûa. Da pâi kɛ̂i a ŋásâla láa-soŋ-ƃela wɔlɔ-wɔlɔ da wɔlɔ-wɔlɔ yɛ̂ɛ berei ŋá mò lai. Bere sii ŋí ƃé í Eelɔŋ da ǹônii see la dítii mɛi.

Izikiɛ 44:8

Káfe ŋa sãa maa-waa-ŋai mɛi káa ní kɛ́lɛ, ká dí tɛ̀ɛ ŋɔ̃ya-ŋa pɔ́ a gɛɛ díkɛ ŋápɛrɛi mɛi kâa.

Levetekɔ 22:10

“Ǹúui vé a zâla láa soŋ-ƃelai dísuui su nuui dai vé zama-sãa maa waai da mîi. Zâla láa soŋ-ƃelai da ŋɔŋɔ̃ya kpaa máŋ ŋɔtíi kɛ́ nuu da fé zama-sãai maa waai da mîi.

Nɔŋba 1:51

Liiva-ŋai nɔ́ ƃa pɔ̂ri Ŋásua kɔlɔ seɣe pɛrɛ maa waai pîlanii dí gula. Núu da kpɛ́ni kélee à lɛ̀ɣɛ Ŋásua kɔlɔ seɣe pɛrɛ maa waai kɔlɛ, maa-nuui a pâi sâai.

Nɔŋba 16:10

A gɛ̀ ka Liiva lônii kpéli-ŋai kélee ka lɛɣɛ gɔlɛ. Ǹyaŋ ka ŋ̀wɛ̂lii ká nâa kɛ́ a sâla láa-soŋ-ƃela máŋ.

Nɔŋba 16:35

Nya ƃe ŋɔŋ è kùla Yâwɛɛ yêei é núu ŋuŋ feerɛ pôlu buu lɔ́ɔlu (250) su kara nyii-ŋai kɛ̀ géreŋ-sɛŋ kúŋ-nɛ̃ɛi tɛɛ̂i.

Nɔŋba 16:40

Nyíŋi è kɛ̀ a kili-too-ŋa Eezuɛ-ŋai mɛni ma a gɛɛ diai kélee dífe a Eelɔŋ ŋɔsuui dai dífe pà ŋ̀âla-teƃelei ma kéreŋ-sɛŋ kúŋ nɛ̃ɛ kêrenii Yâwɛɛ mɛni ma. À kɛ̀ tí m̀aa-nuui su a pâi karâi yɛ̂ɛ Koa da ŋɔnûai. Mɛni-ŋai ŋí kélee è kɛ̀ yɛ̂ɛ berei Yâwɛɛ è mò la Ilieza ma Mose sârai.

Nɔŋba 18:3

Da pɔ̂ri tíi kɛ́i yɛ̂ da Zua kɔlɔ seɣe pɛrɛ maa waai mu-tii kélee. Kɛ́lɛ dífe lɛ̀ɣɛ Zua kɔlɔ seɣe pɛrɛ maa waai mu-sɛŋ-folo-ŋai kɔlɛ da ŋ̀âla-teƃelei. Dà lɛ̀ɣɛ díkɔlɛ, ka dîa-ni ka pâi saâi.

Nɔŋba 18:7

Kɛ́lɛ ka ílônii nɔ́ ƃé ká zâla-laa-soŋ tii-ŋai kélee kɛ́ nyii-ŋai díkaa ŋ̀âla-teƃelei mɛni ma da Gwaa Maa Waai Ŋɔkwaa Maa Waai mai. Ŋa kásâla laa soŋ-tii tɛ́ɛ kápɔ a sama-sɛŋ. Ǹyaŋ núu da kpɛ́ni à lɛ̀ɣɛ naa, a pâi saâi.”

Nɔŋba 3:11

Yâwɛɛ è mò Mose ma ǹyɛɛi,

Nɔŋba 3:38

È kɛ̀ a sɛŋ a gɛɛ Mose da Eelɔŋ é pɛ́lɛ Eelɔŋ ǹônii-sinaai dîa dí díƃûui tɔ́ɔ Zua kɔlɔ seɣe pɛrɛ maa waai ŋɛ́i-tuɛ vóloi kulâi-pere. À kɛ̀ núu da kpɛ́ni kélee a lɛ̀ɣɛ naa, da pâi maa-nuui tí paâi.

Lomaŋ 12:7

kpaa máŋ é kɛ́ a kpɔŋ-maa-tii kwaa ku gɛ; kpaa máŋ ǹúui gáa kɔlɔ lɛ̂i, é ǹɛ́;

Ifisiɛŋ 2:19

Mɛni ma ŋɔ̃yâ fa ŋɔ́nɔ a káa lɔii da kpɛni su, kɛ́lɛ, ka Ɣâla ŋɔnûai kákaa a lɔii tɔnɔ su-ƃela, ká ƃo a Ɣâla ŋɔnuu-suui su-ƃelai da.

Dutɛrɔnome 18:5

kpɛ́ni fêi, Káɣâlai Yâwɛɛ a dísiɣe zu ǹúu-suu-ŋai sáma Eezuɛ lɔii su a gɛɛ dí tíi kɛ́ mì wɔlɔ-wɔlɔ da wɔlɔ-wɔlɔ.

Ibulu 8:4

Ǹyaŋ eêi kɛ̀ ǹɔii ma, vêi kɛ̀ a sâla láa soŋ-nuu tɔnɔ kpîŋ, kpɛ́ni fêi, sâla láa soŋ-ƃela díkaa naa nyíi-ŋai da sama-sãa tɛ̀ɛ yɛ̂ɛ berei dɔ̂ŋ káa lai.

M̀ɛni-sâa Ƃó-ƃelai 17:5

Maka è gbɔ́ɔi kwaa ma kpɛ̀tɛ é zãâ pɔkɔɔŋ-ŋai pú naa gɛ́ dífɛli. È sâla láa soŋ nuu maa seɣe kpɛ̂tɛ é bú naa. È ǹônii sinaai dɔnɔ kɛ̀ a sâla láa soŋ-nuu naa mɛni ma.

Samia Maa-ŋuŋ 6:19

Ǹuu-namui Ɣâla è Bɛɛsimɛɛ sinaa buu-lɔ́ɔlu mɛi-feerɛ pàa, kpɛ́ni fêi, dí Ǹuu-namui Ŋɔkono-tee Gãlai su kàa. Malôŋ támaa è tòo Bɛɛsimɛɛ-ƃelai dîa, kpɛ́ni fêi, Ǹuu-namui è núu támaa pàa dísama.