Nɔŋba 28:3 - Ŋ̀âla Kɔlɔ Maa Waai

³ “Kɛ́ dîa, géreŋ-salai fɛ̂ɛ ká gula Yâwɛɛ mai, ǹyaa ká. Kóraŋ tɔnɔ ƃála-sirɛ feerɛ nyii-ŋai pɔ́ɔ fé diai ká díkula a kéreŋ-sala a ɣele kélee.

Nɔŋba 28:3 ပူးပေါင်းရင်းမြစ်များ

Kɔlɔnikɔ Maa-ŋuŋ 16:40

a gɛ́ɛ díkɛ kéreŋ sala kùla Yâwɛɛ ma géreŋ sala kula ɣâla-teƃelei ŋá a ɣele-wala da ɣele-wulii kélee yɛ̂ɛ berei bɔ̃yɛɛ̂i la Yâwɛɛ ŋɔtɔ̂ŋ su è dɛ̀ɛ Eezuɛ-ŋai pɔ́i.

Kɔlɔnikɔ Veerɛi 8:13

È zâlai ŋí kùla yɛ̂ɛ berei Mose è wɔ́lɔ nɛ̀ la e pîlaŋ Vii-tɔɔ-ɣelei, ŋáloŋ ninai da gúu saaƃai da kâa gɛ̀ kóraŋ kélee sui. Gúu-ŋai kpîŋ ƃé kɛ̀ a: Dɛ́-sɛŋ fé zu kpoloi, Ǹɔ́ɔkûu-tɔnɔ kuui, da Mûui-su tãi maa kuui.

Ɛzura 3:5

Dí pɛlɛ ŋɔ́nɔ géreŋ sama-sãai kéleŋɔɔ ma yɛ̂ɛ berei díkɛ̀ gɛ̂i la a bɔlɔɔi, díkɛ ŋáloŋ ninai maa kûui maa salai kûla da Ɣâla ŋɔkúu-ŋai gbéli-ŋai maa salai, díkɛ dí lii kûla sama-sãai kélee gáa Yâwɛɛ mɛni mai tɛ̀ɛ bɔ́.

Danîa 11:31

Ŋɔkɔ kɔ́-ƃelai da pâi mɛni nyɔ́mɔɔ-ŋa kɛ̂i Ŋ̀âla-pɛrɛ Kɛ́tɛi mu. Da pâi ǹûai díɣele kélee sala kula mɛ̂ni-ŋai kperâi. Da pâi zɛŋ nyɔ́mɔɔ kɛ́tɛi seêi Ŋ̀âla-pɛrɛ Kɛ́tɛi mu.

Danîa 12:11

“É kúla ŋ̀ele kélee sala kula mɛ̂ni-ŋai kpera tãi ma da tãi a pâi zɛŋ nyɔ́mɔɔ kɛ́tɛi seêi la Ŋ̀âla-pɛrɛ Kɛ́tɛi mui, ɣele kûu wála tɔnɔ pôlu ŋuŋ feerɛ pôlu buu lɔ́ɔlu mɛi náaŋ (1,290) a pâi tɛɛ̂i.

Danîa 8:11

È ŋ̀elei su kɔkuluƃa-ŋai kélee Láa Túɛ-nuui maa fôo. È ŋɔɣele kélee sala kula mɛni-ŋai kpèra é Ŋ̀âla-pɛrɛ Kɛ́tɛi maa tĩa kara.

Danîa 8:13

Nya ƃe ŋá Ɣala-taa kela feerɛ kàa. Ŋá dɔnɔ wóo mɛni ǹyɛɛ m̀arâŋ-nuui m̀ai, “Tãi ɣɛɛlu ƃé m̀ɛni-ŋai ŋí kɛ̀ zĩ̂ai su a pâi kɛ̂i lai? Tãi ɣɛɛlu ƃé m̀ɛni nyɔ́mɔɔ maa pɔlɔ-pɔlɔɔ-ŋai ŋí da pâi ŋ̀ele kélee salai pɔ́ɔ-ŋa siɣêi lai? Tãi ɣɛɛlu ƃé ŋ̀âla-taa kɔkuluƃa-ŋai da Ŋ̀âla-pɛrɛ Kɛ́tɛi da pâi kɛ̂i mɔ̃lɛi lai?”

Levetekɔ 3:5

Zâla láa soŋ-ƃelai dí zãai ŋí kélee kéreŋ da géreŋ sâla-sɛŋ gbéli-ŋai ŋ̀âla-teƃelei ŋá. Gáa a kéreŋ sama-sɛŋ nyii gúŋ lɛ̂lɛɛi Yâwɛɛ mɛni mai.

Levetekɔ 6:9

“M̀ó Eelɔŋ ma da ǹônii yɛ̂ɛi, géreŋ sâla sɛŋ maa tɔ̂ŋ-ŋai ká ŋí. Zâla sɛŋ é nyíi ŋ̀âla-teƃelei ŋá, ŋɔŋ é nyíi sonîi naa.

Emɔ 4:4

Ɣâla Yâwɛɛ è mò, ǹyɛɛ, “Ka lí Bɛtɛ ká sɔnyɔ̂ŋ kɛ́. Ka lí Geega ká kásɔnyɔ̂ŋ su kɛ́tɛ. Ka pá a kásâla-sãai a ɣele-wala kélee, kákɛ kákɔ̂liŋ buu-ɣelei tɛ̀ɛ a ɣele saaƃa kélee kpɛɛ ŋá.

Nɔŋba 28:10

Vii-tɔɔ-ɣelei kélee ŋɔkéreŋ-salai ká ŋí nyii búɔi ŋ̀ele kélee salai ma da ŋɔkpele-sɛŋ salai.

Nɔŋba 28:15

Ka ƃoli-sîrɛ tɔnɔ kula máŋ a sɔnyɔ̂ŋ su-mɛni-lɛɛ sâla Yâwɛɛ mɛni ma. Ka zâlai ŋí kúla a ŋ̀ele kélee salai da maa kpele-sɛŋ salai kula pôlu ma.

Nɔŋba 28:24

Bere tɔnɔi tí nɔ́ ƃé ká mii-sɛŋ sala kula la a ɣele kélee ɣele-kuu lɔ́ɔlu mɛi feerɛ yée mu nyii gáa a kéreŋ-sala kúŋ nɛ̃ɛ Yâwɛɛ mɛni mai. Ka nyíŋi kúla ŋ̀ele-kelee kereŋ-salai da maa kpele-sɛŋ salai kuláa pôlu ma.

Nɔŋba 28:31

Ka zâla-ŋai ŋí kúla da maa kpele-sɛŋ salai, ŋ̀ele-kelee kereŋ-salai da maa mii-sɛŋ-salai tɛɛ pôlu ma.”

Nɔŋba 28:4

Dɔnɔ kula a sâla a ɣele-wala, í dɔnɔ kula a ɣele-wulii.

Nɔŋba 29:11

Ka ƃoli-sirɛ tɔnɔ kula a sɔnyɔ̂ŋ su-mɛni-lɛɛ sâla. Zâlai ŋí káa zɔnyɔ̂ŋ su-mɛni-lɛɛ sâlai tɛɛ pôlu ma da ŋ̀ele-kelee kereŋ-salai da maa mii-sɛŋ sâlai é pɛ́lɛ maa kpele-sɛŋ-salai ma.

Nɔŋba 29:16

Ka ƃoli-sirɛ kula a sâla sɔnyɔ̂ŋ su-mɛni lɛɛ mɛni ma, ka zâlai ŋí kúla ŋ̀ele-kelee kereŋ-salai da maa mii-sɛŋ-salai é pɛ́lɛ maa kpele-sɛŋ-salai kuláa pôlu ma.

Nɔŋba 29:6

Ka zâla-ŋai ŋí kúla ŋáloŋ ŋɔɣele-kuui maa-ŋuŋ ŋɔkéreŋ-salai da maa mii-sɛŋ-salai tɛɛ pôlu ma é pɛ́lɛ ŋ̀ele-kelee kereŋ-salai kuláa ma da maa mii-sɛŋ-salai, bɛ́lɛɛ maa kpele-sɛŋ-salai mâ. Díkaa a kéreŋ-sala kúŋ nɛ̃ɛ Yâwɛɛ mɛni ma.

Zɔ̂ŋ 1:29

Bôlu ma-ɣelei Zɔ̂ŋ e Zîsɛ kàa, gɛ pa bɔ-pere. E mò, ǹyɛɛi, “Ka Ɣâla Ŋɔƃála-loŋ káa, nyii a ǹɔii ŋɔsɔnyɔ̂ŋ sìɣei!

Ibulu 9:6

Mɛni-ŋai ŋí kélee da kpɛtɛ, zâla láa soŋ-ƃelai da lî loŋpoi maa-ŋuŋ su a tãi kélee, díkɛ dísâla-kula tii-ŋai kɛ̀ naa.

M̀ɛni-lɛɛi 13:8

Diai kélee díkaa ǹɔii sui, da pâi vɛlîi. Diai kélee dílaa fé niî pɔ̃yɛ ni M̀ála-loŋ ŋɔfúlu-laa kɔlɔi su, nyíi dí bàa ǹɔii kɔ́ɔ pîlaŋ tãi é lɛ́ɛ serii.