Nɔŋba 28:2 - Ŋ̀âla Kɔlɔ Maa Waai

² “Mó Eezuɛ-ŋai dîa a gɛɛ ŋámii-sɛŋ salai nyii gáa a kéreŋ-sala kúŋ nɛ̃ɛ ḿɛni mai, dí dɛ́ɛ ḿbɔ a dɛɛ tãi.

Nɔŋba 28:2 ပူးပေါင်းရင်းမြစ်များ

Zɛnɛse 8:21

Tãi Yâwɛɛ è géreŋ sala kúŋ nɛ̃ɛi kúŋ mɛ̀ni lai, è mò ǹyɛɛi, “Fé pâi ŋɔ́nɔ wɔ́lɔ ǹɔii náɣanîi núu-kpune mɛni ma, kpɛ́ni fêi, núu-kpune ŋɔkili-ŋa-sîai nyɔ́mɔɔ̂i é síɣe gɔ́ɔ pîlanii. Fé pâi ŋɔ́nɔ wɔ́lɔ fúlu sɛŋ kélee su karâi ǹɔii mâ yɛ̂ɛ berei ŋá gɛ̀ lai.

Kɔlɔnikɔ Maa-ŋuŋ 23:31

Da kâa wule tòo Yâwɛɛ m̀a da kɛ̀ kéreŋ sala kulâi m̀a a Vii-tɔɔ-ɣelei, Ŋ̀áloŋ Ninai da gúu-ŋai da kpɛ́ni-ŋai kélee ŋ̀ele yɛ̂ɛ berei m̀aa nɛ̃ɛ̂i kɛ̀ dí gɛ́ la a ɣele kélee Yâwɛɛ ŋɛ́i-tuɛi.

Kɔlɔnikɔ Veerɛi 23:18

Naa pôlu ma, Zioada è Yâwɛɛ ŋɔpɛ́rɛ kɛ́tɛi mɛi káa mɛni lɛ̀ɛ zâla láa-soŋ-ƃelai nyii-ŋai kɛ̀ a Liiva-ŋai yêei, nyii-ŋai Deeƃé è wɔ́lɔ dí lɛ̀ Ŋ̀âla-pɛrɛ Kɛ́tɛi mu a gɛ́ɛ díkɛ kéreŋ sala kula Yâwɛɛ mɛni ma yɛ̂ɛ berei bɔ̃yɛɛi la Mose ŋɔtɔ̂ŋ kɔlɔi sui a gɛ́ɛ da kɛ̀ sâla kulâi díkɛ lii-nɛ̃ɛ kùla díkɛ wule tòo yɛ̂ɛ berei Deeƃé è wɔ́lɔ mò lai.

Kɔlɔnikɔ Veerɛi 31:3

Galoŋ è sãa kula gɔ̃lîŋ su a ɣele-wala da ɣele-wulii kéreŋ sala mɛni ma, da kɛ́ ƃó kéreŋ sala kula mɛ̂ni ma vii-tɔɔ ɣelei mɛni ma, ŋ̀áloŋ ninai da gúu-ŋai mɛni ma yɛ̂ɛ berei è kɛ a bɔ̃yɛɛ la Yâwɛɛ ŋɔtɔ̂ŋ sui.

Ɛzura 3:2

Nya ƃe Ziozada ǹóŋ-surɔ̂ŋ Zasua da m̀arâa sala láa-soŋ-ƃelai, Siatiɛ ǹóŋ Zɛrubabɛɛ da ŋɔnûai dí díŋa tɛ̀ díkîe ma. Dí Eezuɛ-ƃelai Díɣâlai ŋɔsâla-ŋai kúla kwaai ma tɔ̀ɔ pôlu dí kɛ kéreŋ sala kula naa yɛ̂ɛ berei bɔ̃yɛɛ̂i la Ŋ̀âla-nuui Mose ŋɔtɔ̂ŋ kɔlɔi sui.

Ɛzura 3:3

Dí gwaai ŋí ma tɔ̀ɔ pôlu berei máŋ yao è kɛ̀ la díkɔlɔ̂i é pîlaŋ diai dîa dí páa pôlui, dí dí kàa ǹɔii mai. Nya ƃe dí pɛ̀lɛ ŋɔ́nɔ kéreŋ sala-ŋa kulâi naa Yâwɛɛ ma yɛ̂ɛ berei da kâa gɛ̀ la a bɔlɔ a kpíni da fóloi.

Niɛmaya 10:34

Kúai a zâla láa soŋ-ƃelai, Liiva-ŋai da ǹûai kélee, kwa gbɛ̀tɛ a gɛɛ kwa pâi pâi a Ŋ̀âla-pɛrɛi ŋɔkɔi sama sãai kúnâŋ ni dísuui ma a kóraŋ kélee. Kwa pâi kɛ̂i gɔi-ŋai ŋí kérenîi Kúɣâlai Yâwɛɛ ŋɔteƃelei ma Ŋ̀âla-pɛrɛ Kɛ́tɛi mu yɛ̂ɛ berei Mose ŋɔtɔ̂ŋ è ǹɛ la kûai.

Wule-woo-ŋa 81:3

Ka túru fɛ́ɛ gúu kɛ́tɛi su ŋáloŋ a tɔ̀ɔ a nina da tãi ǹá a fɛ̂ɛ lai.

Ɛsedɔ 23:15

Ka dɛ́-sɛŋ fé zu kpoloi maa kûui mɛi káa. Yɛ̂ɛ berei nɔ́ ŋá m̀ó la kâai, ka dɛ́-sɛŋ fé zu kpoloi míi a ɣele-kûu lɔ́ɔlu mɛi feerɛ tãi ma ŋá nɛ̀ Abi-ɣaloŋ sui. Kpɛ́ni fêi, ka kùla Ize lɔii su maa-ɣaloŋ tí su. Núu da fé pà ŋɛ́i a ǹyée fôlo.

Ɛsedɔ 29:18

Gélee kéreŋ a sâla ŋ̀âla-teƃelei ŋá. Gáa a kéreŋ-sala da sâla kúŋ nɛ̃ɛ ḿɛni ma.

Izikiɛ 16:19

Ŋá mii-sɛŋ ŋá dɛɛ í pɔi, ŋá felaƃai, ŋá ɔle-wulɔi, da ŋá kɔ̃́iŋ-wulɔi í gula dîa a sala-sɛŋ kuŋ nɛ̃ɛ a gɛɛ dí líi é nɛ̃ɛ.” Ńyãa Ŋ̀wála-wâla kélee Yâwɛɛi ƃé mò tí.

Izikiɛ 20:41

Ŋa pâi ka kulâi ǹɔii-ŋuŋ ŋai su ŋá pá a káa pôlu kákîe ma. Ŋa pâi ńyee seêi kákereŋ sala-ŋai mu. À kɛ̀ tí, ǹɔii ŋuŋ-ŋai da pâi gɔ́lɔnîi a gɛɛ ḿaa-waâi.

Izikiɛ 45:17

Eezuɛ láa-tuɛ nuui ƃé pâi pâi a daa-tulɛi géreŋ-salai mɛ̂ni ma, m̀ii-sɛŋ, mii-sɛŋ-salai kula sɛŋ, da gbele sɛŋ, gbele-sɛŋ-salai kula mɛ̂ni ma ǹûai kélee mɛ̂ni ma. Da pâi kɛ̂i zãâi ŋí tɛɛ̂i ŋ̀áloŋ-ninai da Vii-tɔ̂ɔ-ɣelei é pɛ́lɛ gúu-ŋai kélee díkaa Eezuɛi dí mɛni ma. Gáa a sɛŋ é zɔnyɔ̂ŋ-salai, m̀ii-sɛŋ-salai, géreŋ-salai, da ǹii-see-salai kula sãa tɛɛ kwa Eezuɛ-ŋai kúloai kpɛ̂tɛ mɛ̂ni ma.”

Levetekɔ 1:13

Kɛ́lɛ dí goi sãai da gbɔ̂rɔ-ŋai maa wáa a yá. Zâla láa-soŋ-nuui é gélee kéreŋ ŋ̀âla-teƃelei ŋá a kéreŋ sâla-sɛŋ nyii géreŋ kuŋ lɛ̂lɛɛi Yâwɛɛ mɛni mai.

Levetekɔ 1:17

É zóŋ a goôŋ veerɛ é zu-ƃéla, kɛ́lɛ vé gula ŋ̀á. Zâla láa-soŋ-nuui é géreŋ gɔi mɛi ŋɔŋ ŋá ŋ̀âla-teƃelei ŋá. Gáa a kéreŋ sama sɛŋ kuŋ nɛ̃ɛ Yâwɛɛ mɛni ma.”

Levetekɔ 1:9

Kɛ́lɛ dí goi sãai da gbɔ̂rɔ-ŋai maa wáa a yá. Zâla láa-soŋ-nuui é gélee kéreŋ ŋ̀âla-teƃelei ŋá a kéreŋ sâla-sɛŋ nyii géreŋ kuŋ lɛ̂lɛɛi Yâwɛɛ mɛni mai.

Levetekɔ 21:6

Fɛ̂ɛ zâla láa soŋ-ƃelai díkɛ a dímaa waa Díɣâlai ŋɛ́i, dífe ƃâa kùla ǹáa ma, kpɛ́ni fêi, dia ƃé da m̀ii-sɛŋ sala sãai kêreŋ Yâwɛɛ mɛni ma. M̀ɛni ma, fɛ̂ɛ dí kɛ́ a dímaa waa.

Levetekɔ 21:8

Fɛ̂ɛ ká zâla láa soŋ-ƃelai síɣe a dímaa waa kpɛ́ni fêi, dia ƃé da m̀ii-sɛŋ salai kula sãai kêreŋ Yâwɛɛ mɛni ma. Ńyãai a Yâwɛɛ nyii kámaa waai, Ḿaa waai.

Levetekɔ 3:11

Zâla láa soŋ-nuui é zãai ŋí kéreŋ ŋ̀âla-teƃelei ma. Gáa a mii-sɛŋ sama-sɛŋ Yâwɛɛ mɛni ma.

Malakai 1:12

Kɛ́lɛ káfa ƃâa kɛ̀ ḿâ à kɛ̀ kà mò kâa ŋáteƃelei káa kpɛ́ni-kpɛni, ǹyaŋ káa kɛ́ mii-sɛ̂ŋ pù ŋá nyii káfe ŋ̀wɛli níi.

Malakai 1:7

Berei ká ŋí ká káŋɛi naɣînii la ḿɛi. Ka sâla-sɛŋ nyɔ́mɔɔ pù ŋáteƃelei ma. Ǹyaŋ ka marê-kɛ̂ɛ kɛ̂i, ‘Kwaa fɛɣɛ-pere kɛ́ léŋ a ŋumɛ-mâa tɛɛ́ ípɔ?’ Ŋa m̀ôi kâa, kpɛ́ni fêi, káfe ŋumɛ-mâa tɛɛ̂i ŋáteƃelei pɔ́.

Nɔŋba 15:24

gɛ̀ ní à kɛ̀ káfe gíri ní ká díkara, fɛ̂ɛ kákelee ká pá a niŋa-naɣa, kéreŋ-sala mɛni ma nyii ǹɛ̂lɛi a ńîai. Ka pa la da mii-sɛŋ-sala kula-sãai é pɛ́lɛ gbele-sɛŋ-sala kula-sãai dîa yɛ̂ɛ berei dɔ̂ŋ láa-wooi káa lai, ká tela pá a ƃoli-sirɛ kásɔnyɔ̂ŋ su-mɛni lɛɛ maa-sala kula mɛni ma.

Nɔŋba 15:3

ka pâi sâla kulâi naa Yâwɛɛ ma a niŋa, ƃála kpaa máŋ ƃoli a kéreŋ-sala kpaa máŋ lii-see sala, kákono-teei mɛni ma kpaa máŋ zâlai nyii a kula kálii sui, kpaa máŋ nyii ka gùla a káɣele kɛ́tɛ-ŋai maa-tãi. Zâla-ŋai ŋí kúŋ lɛ̂lɛɛi a Yâwɛɛ nîa.

Nɔŋba 15:7

Fɛ̂ɛ é kpele-sɛŋ sala kula máŋ a ŋwãai sane tɔnɔ da gbura. Géreŋ sâla-ŋai ŋí kéreŋ kuŋ lɛ̂lɛɛi a Yâwɛɛ nîa.

Nɔŋba 28:1

Nya ƃe Yâwɛɛ è mò Mose mà ǹyɛɛi,

Nɔŋba 29:39

Fɛ̂ɛ ká zâla-ŋai kúla Yâwɛɛ mɛni ma a gúu-ŋai kɛ́-tãi. Zâla-ŋai ŋí díkaa géreŋ-sala-ŋai, da mii-sɛŋ-salai-ŋai da gbele-sɛŋ-salai-ŋai é pɛ́lɛ ǹii-see-sala-ŋai dîa kuláa pôlu ma nyii-ŋai núu-kpune tɛ-tɛi-ŋa da dɛɛ Ɣâla pɔ́ é kúla díkono-tee wooi su kpaa máŋ dílii sui.

Nɔŋba 9:13

Kɛ́lɛ ǹúui m̀aa waâi vé tela sia mai, à wàla dɛɛ-mɛi-kuui kɛ́ a gɛ́-tãi, fɛ̂ɛ dí maa-nuui kúla ŋɔnûai sáma, kpɛ́ni fêi, vé ŋásama-sɛŋ tɛɛ ní a dɛɛ-tãi. Ǹyaŋ fɛ̂ɛ maa-nuui é ŋɔsɔnyɔ̂ŋ maa-fela-fei kɛ́.’

Nɔŋba 9:7

“Kúmaa fé waa ní, kpɛ́ni fêi, kú lɛ̀ɣɛ saa ma. Kɛ́lɛ lé mɛni ƃé da kúkulâi la kúƃarâai sáma a gɛɛ kwa dîa-ni kúfe kúsama-sɛŋ tɛɛ Yâwɛɛ pɔ́ a dɛɛ-tãi?”

Kɔleŋtiɛŋ Veerɛi 2:15

Kpɛ́ni fêi, kúkaa a Kôrai maa-wuru-ya kúŋ nɛ̃ɛ Ɣâla mɛni ma diai sáma díƃaloɔ̂i da diai díkaa saâi.

Ifisiɛŋ 5:2

ka sia wɛli-kɛ-maa su yɛ̂ɛ berei Kôrai máŋ è kúwɛli la é gbîŋ tɛɛ kúmɛni ma yɛ̂ɛ kereŋ-sɛŋ kúŋ nɛ̃ɛ da sâla kúlaa Ɣâla ma.

Felepiɛŋ 4:18

Ŋa fela-fei sɔlɔ ƃo a ǹáa fɛɛ, dɛɛ nyíti ma máŋ. Náa fɛɛ̂i. Zama-sɛŋ ká dɛ̀ɛ a Ipafulɔditɔi, ŋá zɔlɔ ƃò. È kɛ̀ a sâla-sɛŋ kúŋ nɛ̃ɛ nyíi Ɣâla è ǹyée see mu lii-laa sui.