Nɔŋba 26:53 - Ŋ̀âla Kɔlɔ Maa Waai

⁵³ “Ǹɔii ŋá kɔ́lɛ ǹûai dîa a díseêi yɛ̂ɛ berei dísuui láa káa lai.

Nɔŋba 26:53 ပူးပေါင်းရင်းမြစ်များ

Zɛnɛse 12:2

Ŋa pâi ísuui su kɛ̂tɛi ŋá lûwa láa yâ, ŋá ílaa tɛ́ ɣelêi a gɛɛ í kɛ́ a lûwa.

Zɛnɛse 12:7

Nya ƃe Yâwɛɛ è kùla Eberaŋ ŋɛ́i ǹyɛɛ mai, “Ŋa pâi ǹɔii ŋí tɛɛ̂i ísuui pɔ́.” Nya ƃe Eberaŋ è Ɣâla-teƃele kpɛ̀tɛ naa Yâwɛɛ mɛni ma nyii kùla ŋ̀ɛ́i.

Kɔlɔnikɔ Maa-ŋuŋ 16:18

È mò ǹyɛɛi, “Ŋa pâi Keena lɔii tɛɛ̂i kápɔ,” “A pâi kɛ̂i a kákpɔɔi pɔɔ.”

Wule-woo-ŋa 105:44

È nûa da kpɛ́ni-ŋa dílɔii-ŋa kùla díyêei é dɛ́ɛ Eezuɛ-ŋai pɔ, gɛ́ ƃo a díkɔ̃liŋ.

Wule-woo-ŋa 49:14

Díkaa yɛ̂ɛ ƃála-ŋa. Saa ƃa dímɛi káa-nuu, gɛ́ díteniŋ tɔ̀ɔ m̀olôŋ su. Deniŋ ƃô-ƃelai da pâi kɛ̂i siâi díƃolôŋ mɛi a ɣele-wala díkpono kɛ́ ƃò ǹɔii mu pere póŋ-poŋ gɛ́ lùla m̀olôŋ su saa táa.

Izikiɛ 47:22

Ǹɔii ŋí káa a kápɔɔ ka ŋɔ̃ya-ŋai díkaa kásamai da nîa-pɛlɛɛi dí dímaa-sɔlɔ ƃó naai. Dí káa a Eezuɛ lɔii su nia-pɛlɛɛ-ŋa nyii-ŋai dí dímaa sɔlɔ ƃô kásamai. M̀ɛni ma gáa a sɛŋ ká ǹɔii da tɛɛ dípɔ yɛ̂ɛ berei Eezuɛ-ŋai da pâi díwɔ̂i sɔlɔ ƃôi lai.

Danîa 7:27

Nyíŋi pôlu ma da pâi ŋ̀wála-wala-laai, gɛ́tɛ-laai da gâloŋ-laai kélee tɛɛ̂i Ŋ̀âla Kɛ́tɛi ŋɔnûai pɔ́ ǹɔii ma. Núu da fé pâi dílɔii-loŋ wála-wala-laai kulâi díyêei. Ǹúu láa túɛ-ƃelai kélee ǹɔii mai da pâi tíi kɛ̂i díyêei dí kɛ́ ƃaa kɛ́-maa tɛɛ dípɔ.”

Nɔŋba 26:52

Yâwɛɛ è mò Mose mà ǹyɛɛi,

Nɔŋba 26:54

Ǹûai nyii-ŋai dísuu kɛ̂tɛi ƃa pâi lɔii kɛ́tɛ tɛ̂ɛi dípɔ, ǹûai nyii-ŋai dísuu fé kɛ́tɛ níi, dílɔii fé pâi kɛ̂i a gɛ́tɛ. Núu-suu tɛi-tɛi kélee a pâi lɔii sɔlɔ ƃôi yɛ̂ɛ berei dísuui kɛ̂tɛi lai.

Nɔŋba 33:54

Ka ǹɔii ŋa kɔ́lɛ a kpɛyɛŋ toɔɔ yɛ̂ɛ berei kásuu-ŋai láa káa la tɛi-tɛi. Ǹûai nyii-ŋai dísuu kɛ̂tɛi, ka lɔii kɛ́tɛ tɛ́ɛ dípɔ. Ǹûai nyii-ŋai dísuu fé kɛ́tɛ ní, ka lɔii kpua-loŋ tɛɛ dípɔ. Berei gbɛyɛŋ a pâi toôi lai bere nɔ́ ƃé ǹúui a pâi ŋɔ̀i sɔlɔ ƃôi la.

Maafîu 5:5

Lûwa káa diai dîa dílii maa yeŋɔɔ̂i, kpɛ́ni fêi, dîa ƃe dípɔɔ ƃa ǹɔii.

Zasua 1:6

Tɔɔ a gbanaŋɔɔ, í ílii kpele, kpɛ́ni fêi, yá ƃé pâi gɛ̂i ǹûai ŋí dí see ǹɔii ma ŋá ŋ́gono tèe la dínâŋ-ni yêei.

Zasua 11:23

Nya ƃe Zasua è ǹɔii kélee sìɣe yɛ̂ɛ berei Yâwɛɛ è mò la Mose mai. È ŋ̀áa kɔ̀lɛ Eezuɛ-ŋai dîa yɛ̂ɛ berei dísîi káa lai. Nya ƃe Eezuɛ-ŋai dí nâa kɛ̀ lii-see su.

Zasua 14:1

Ǹyaŋ ǹɔii ká ŋí Eezuɛ-ŋai dí zɔlɔ ƃô Keena lɔii sui. Diai ǹɔii ŋí ŋáa kɔ̀lɛ Eezuɛ-ŋai dîai dia ƃa zâla láa soŋ-nuui Ilieza, Nuŋ ǹóŋ Zasua da Eezuɛ-ƃelai dísuu láa túɛ-ƃelai.

M̀ɛni-lɛɛi 21:27

Kɛ́lɛ, sɛŋ nyíi kélee maa fé waa níi, vé pâi lîi zu, kpaa máŋ núu kélee a ŋwana-lɔ̂ɔ maa kɔ̂rii, kpaa máŋ wôya-mɛni, kɛ́lɛ, fɛ̂ɛ nɔ́ diai dílaa pɔ̃yɛɛ̂i M̀ála-loŋ ŋɔfúlu-laa-kɔlɔi sui.

M̀ɛni-lɛɛi 5:10

Ya díkɛ a Kúɣâlai ŋɔkâloŋ-laai su-ƃela da ŋɔsâla láa soŋ-ƃela kpaya-kpaya, ǹyaŋ da pâi kɛ̂i ǹɔii mɛi.”