Nɔŋba 26:29 - Ŋ̀âla Kɔlɔ Maa Waai

²⁹ Manasɛ ǹônii-sinaai ká ŋí. Makiɛ da ŋɔnûai é pɛ́lɛ Gilia ma da ŋɔnûai. Makiɛ è kɛ̀ a Gilia ǹâŋ.

Nɔŋba 26:29 ပူးပေါင်းရင်းမြစ်များ

Zɛnɛse 48:14

Nya ƃe Zeeka è ǹáa mii yee sãa é bɛlɛ Ifiraŋ ŋûa, nyii kɛ̀ a ǹeɣe-ɣelei, é gɔɔ yêe sã́a é bɛlɛ Manasɛ ŋûa, nyii kɛ̀ a Zosɛ ǹóŋ maa-ŋuŋ.

Zɛnɛse 50:23

Zosɛ è lɛ̀ɛ ɣele ma é Ifiraŋ ǹônii da díwɔ̂ lonii káa. Manasɛ ǹóŋ Makiɛ ŋɔnîa-pɛlɛɛi dí kɛ̀ máŋ a Zosɛ ŋɔpɛ́rɛi mu-ƃelai da.

Kɔlɔnikɔ Maa-ŋuŋ 2:21

Ɛzɔrɔŋ kɛ́ɛ a kóraŋ buu lɔ́ɔlu mɛi dai, è Makiɛ ǹóŋ-nɛnîi kùla a ŋɔnɛnî. Ǹɛnîi ŋí è kɛ̀ a Gilia zaaƃɔlɔ. Ɛzɔrɔŋ da ǹyaa dí lóŋ-surɔŋ maa sɔlɔ ƃò dí ǹáa sée a Segu.

Nɔŋba 36:1

Makiɛ ŋɔsuui su-ƃelai túɛ-ƃelai dí pà Mose pɔ́ da Eezuɛ-ŋai dísuui su-ƃelai túɛ-ƃelai kpéli-ŋai. Gilia ŋí è kɛ̀ a Makiɛ ǹóŋ, Makiɛ kɛ́ ƃò a Manasɛ ǹóŋ, Manasɛ kɛ́ ƃò a Zosɛ ǹóŋ.

Dutɛrɔnome 3:15

“Ŋá Gilia tɛ̀ɛ Makiɛ ŋɔsuui pɔ́, nyii-ŋai díkaa a Manasɛ ŋɔsuui su ƃelai dai.

Zasua 17:1

Ǹɔii ká ŋí Zasua è dɛ̀ɛ Zosɛ ǹóŋ maa-ŋuŋ Manasɛ pɔ́i. Makiɛ ƃé kɛ̀ a Manasɛ ǹóŋ maa-ŋuŋ. Makiɛ ǹóŋ láa kɛ̀ a Gilia. Zasua è Gilia da Basãŋ lɔii tɛ̂ɛ Maka pɔ́, kpɛ́ni fêi, è kɛ̀ a kɔ-kûluƃa.

M̀ɛni-sâa Ƃó-ƃelai 5:14

Gɔ kɔ́-ƃelai dí kula Ifiraŋ lɔii kpiniŋ su ƃɛ́i Amɛlɛka-ŋai dí wɔ́lɔ kɛ̀ seêni naai, dí pá diŋ-tiŋ su. Bɛŋsima suui su-ƃelai díkɛ̀ dítuɛ-pere. Dí kɔ kɔ́-ƃelai láa túɛ-ƃelai dí pà dí kúla Makiɛ. Dí núu kpaya-kpayai dí kùla Zɛbulɔŋ.