Nɔŋba 26:20 - Ŋ̀âla Kɔlɔ Maa Waai

²⁰ Zudasi ŋɔsuui su-ƃelai ká ŋí. Sila da ŋɔnûai, Pêle da ŋɔnûai, é pɛ́lɛ Zera ma da ŋɔnûai.

Nɔŋba 26:20 ပူးပေါင်းရင်းမြစ်များ

Zɛnɛse 38:11

Nya ƃe Zudasi è mò ǹóŋ ŋɔnɛnîi Tama ma ǹyɛɛi, “Lí pôlu ínâŋ ŋɔpɛ́rɛi mu í lɛ́ɛ naa a pɔɔ-nɛni é lɛ́ɛ la zu ńoŋ Sila é naɣa.” Kpɛ́ni fêi, è kɛ̀ yaôi a gɛɛ Sila nyaa máŋ fé sàa yɛ̂ɛ berei ǹîa-ni dí sàa lai. Tama è lì ǹâŋ pɔ́ naa pôlu.

Zɛnɛse 38:14

è ŋɔpɔɔ-nɛni seɣei kùla mà é seɣe pɛ́lɛ ŋ̀ɛ́i é sée Inayiŋ taai ŋɔsiɣãŋ lá nyii kɛ̀ Tiŋna perei mai. Kpɛ́ni fêi, è kɛ̀ a gɔ́lɔŋɔɔ a gɛɛ Sila è nâa kɛ̀ a naɣa. Kɛ́lɛ dífe kɛ́ ní ŋ̀wɛ̂lii dí dɛ́ɛ bɔ́ a nɛnî.

Zɛnɛse 38:5

È ŋɔ́nɔ lóŋ-surɔ̂ŋ maa sɔlɔ ƃô é ǹáa sée a Sila. Maa tãi tí mâ, Zudasi è kɛ̀ Aizi.

Zɛnɛse 46:12

Zudasi da ǹônii-sinaai, Sila, Pɛrɛzi da Zera. (Kɛ́lɛ ǹônii-sinaai veerɛ Ɛɛ̂ da Onaŋ dí sàa Keena lɔii su.) Pɛrɛzi ǹônii-sinaai láa ƃé kɛ̀ a Ɛzɔrɔŋ da Amu.

Zɛnɛse 49:8

“Zudasi, ílêɣe da ílîa-ni da pâi ílaa ma tɛ̂i. Íyee a pâi kɛ̂i íkpɔara-ƃelai kɔŋ mâ. Ínâŋ ǹônii-sinaai da pâi pɛlɛ̂i íkɔɔ mu.

Kɔlɔnikɔ Maa-ŋuŋ 4:21

Sila è kɛ̀ a Zuda ǹônii-sinaai dɔnɔ. Ɛɛ̂ ƃé kɛ̀ a Leka ǹâŋ, Laada kɛ́ ƃò a Marisa ǹâŋ. Ŋɔsuui su ƃé zeɣe kole fɛŋ-fɛŋ pala-ƃelai díkùla naa. Díseɛɛ è kɛ̀ Bɛ-asibea-taa su.

Kɔlɔnikɔ Maa-ŋuŋ 9:4

Káa-laa ŋ̀uŋ lɔ́ɔlu mɛi da pôlu buu lɔ́ɔlu mɛi náaŋ (690) su-ƃela ƃé kùla Zuda nuu sii sáma dí sée Zerusâlɛŋ. Zudasi ǹóŋ-surɔŋ Pɛrɛzi ŋɔsuui su-ƃelai láa túɛ-nuui ƃé kɛ̀ a Amiyu ǹóŋ Utai. Amiyu ǹâŋ ŋɔnàŋ ƃé kɛ́ a Oŋri, Amiyu ǹâŋ pɔlɔ-ŋai ƃé kɛ̀ a Iŋri da Bani.

Kɔlɔnikɔ Maa-ŋuŋ 9:5

Siloŋ ǹônii-sinaai ƃé kɛ̀ a: Asaya nyíi kɛ̀ a Siloŋ ǹóŋ maa-ŋuŋ da ŋɔlonii-sinaai.

Niɛmaya 11:24

Pitaiya ƃé kɛ̀ a Eezuɛ-ŋai ŋɛ́i gáo Pɛsia kaloŋ ŋɔkâloŋ laai su. Pitaiya ǹâŋ láa ƃé kɛ̀ a Misizabɛ. Misizabɛ è kùla Zera ŋɔsuui su. Zera nuu suui ŋí séɛɛ è kɛ̀ Zuda lɔii kpiniŋ su.

Niɛmaya 11:4

Zuda da Bɛŋsima dí suui su-ƃelai da-ni dí sèe Zerusâlɛŋ. Zuda ŋɔsuui su-ƃelai veerɛ ƃé sèe Zerusâlɛŋ da dínûai. Ǹûa feerɛi ŋí láa ƃé kɛ̀ a Adaia da Maaseia. Adaia ŋɔnúu pɔ̂lɔ-ŋai láa ká ŋí. Maâlalɛ nyii kùla Pɛrɛzi ŋɔsuui sui ǹóŋ-surɔŋ ƃé kɛ̀ a Sifatia. Sifatia ǹóŋ-surɔŋ ƃé kɛ̀ a Amaria. Amaria ǹóŋ-surɔŋ ƃé kɛ̀ a Zɛkɛraya. Zɛkɛraya ǹóŋ-surɔŋ ƃé kɛ̀ a Uzia. Uzia ǹóŋ-surɔŋ ƃé kɛ̀ a Ataya. Maaseya ǹyaŋ ŋɔnúu pɔ̂lɔ-ŋai láa ká ŋí. Zɛkɛraya nyii kùla Sila ŋɔsuui sui, ǹóŋ-surɔŋ ƃé kɛ̀ a Zoyaribi. Zoyaribi ǹyaŋ ǹóŋ-surɔŋ ƃé kɛ̀ a Adaia. Adaia ǹóŋ-surɔŋ ƃé kɛ̀ a Azaya. Azaya ǹóŋ-surɔŋ ƃé kɛ̀ a Kowozɛ. Kowozɛ ǹyaŋ ǹóŋ-surɔŋ ƃé kɛ̀ a Maaseya.

Niɛmaya 11:6

Pɛrɛzi ŋɔsuui su-ƃelai sèe Zerusâlɛŋ, díkɛ̀ a kpakolo wála-walaa ŋuŋ náaŋ pôlu buu lɔ́ɔlu mɛi da kao lɔ́ɔlu mɛi saaƃa (468).

Nɔŋba 26:21

Pêle ǹônii-sinaa ƃé kɛ̀ a Ɛzɔrɔŋ da ŋɔnûai, é pɛ́lɛ Amu ma da ŋɔnûai.

Maafîu 1:3

Zudasi kɛ́ ƃò a Pɛrɛzi da Zera dínâŋ, nyii-ŋai da Tama dí dísɔlɔ ƃôi, Pɛrɛzi kɛ́ ƃò a Ɛzɔrɔŋ ǹâŋ, Ɛzɔrɔŋ kɛ́ ƃò a Araŋ ǹâŋ,

Lûu 3:33

nyii kɛ̀ a Aminɛda ǹóŋ, (nyii kɛ̀ a Adimiŋ ǹóŋ,) nyii kɛ̀ a Aani ǹóŋ, nyii kɛ̀ a Ɛzɔrɔŋ ǹóŋ, nyii kɛ̀ a Pɛrɛzi ǹóŋ, nyii kɛ̀ a Zudasi ǹóŋ,

M̀ɛni-lɛɛi 7:5

Dí gɔlɔ láa tɛ-sɛŋ pɛ́lɛ núu wála puu kao feerɛ (12,000) tôŋ lá Zudasi ŋɔsuui su, dí bɛ̀lɛ núu wála puu kao feerɛ (12,000) tôŋ lá Lubiŋ ŋɔsuui su. Dí bɛ̀lɛ núu wála puu kao feerɛ (12,000) tôŋ lá Gâa ŋɔsuui su.