Nɔŋba 25:3 - Ŋ̀âla Kɔlɔ Maa Waai

³ Nya ƃe Eezuɛ-ŋai dí pìlaŋ Môa-ŋai díɣâlai Bêe-Piɔ pôlu. Mɛni ma Yâwɛɛ líi è ŋwàna Eezuɛ-ŋai dîa.

Nɔŋba 25:3 ပူးပေါင်းရင်းမြစ်များ

Wule-woo-ŋa 90:11

Gbɛ̂ɛ ƃé ílii ŋwânai ŋɔwála-wala-laai kɔ́lɔŋ? Ílii ŋwâna su kɛ́tɛi a pâ a yao ŋánaa nuu kponôi.

Zɛlemaya 17:4

Ǹɔii nyíi ŋáwɔlɔ dɛ̀ɛ kápɔ a kákɔ̃liŋ, vé pâi ŋɔ́nɔ kɛ̂i a kápɔɔ. À kɛ̀ tí, ŋa pâi gɛ̂i ká tíi kɛ́ kákpɔara-ƃelai dîɛ ǹɔii su ƃɛ́i káfe ǹaa kɔ́lɔŋ. Ŋa pâi gɛ̂i tí kpɛ́ni fêi, ŋá lii ŋwânai káa yɛ̂ɛ ŋɔŋ. Ǹyaŋ a pâi kákerenîi, va liîŋ.”

Osia 4:14

Fé pâi kálônii-nɛyãai kula-maa kɛ̂i à kɛ̀ da wulu-wulu kɛ̀, kpaa máŋ kálônii sinaai dínɛyâai, à kɛ̀ da wulu-wulu kɛ̀. Zinâai dia kpîŋ da lî ŋ̀uru-wulu kɛ́ nɛyaa-nɛyãai pɔ́, díkɛ sâla kùla ŋ̀uru-wulu kɛ́ nɛyãai díkpɛ̀tɛ ɣâla-ŋai dîa. Diai táre fé díyêei dísu a pâi karâi.

Osia 9:10

Yâwɛɛ è mò ǹyɛɛi, “Tãi ŋá Eezuɛ-ŋai kàa lai, dí kɛ̀ yɛ̂ɛ kpɔmɔ-ƃa vɛ̃ɛ-kpâlaŋ su. Tãi ŋá dínâŋ-ni kàa lai, dí kɛ̀ yɛ̂ɛ fîi wuru-ƃa maa-ŋuŋ. Kɛ́lɛ tãi da ńɛɛ la dí tínaŋ Bêe-ɣalai pɔ́naa-perei, ŋa díkpɔara yɛ̂ɛ berei ŋá Bêe-ɣalai kpîŋ kpɔ̀ara lai.

Nɔŋba 25:5

Nya ƃe Mose è mò mɛni ŋá-tee-ƃelai dîa ǹyɛɛi, “Diai kélee pìlaŋ Bêe nyii gaa Piɔ pôlu kásuui sui, ka dípaa.”

Nɔŋba 31:16

É lɛ́ɛ kákili ŋá a gɛɛ nɛyâai ŋí ƃé gɛ̀ Bâlaŋ ŋɔlia-wooi sârai, a gɛɛ Eezuɛ-ŋai dí sɔnyɔ̂ŋ kɛ́ Piɔ. Ǹya ƃe gɛ̀ a gɛɛ zaa kɔlɔ-felai è pà Yâwɛɛ ŋɔnûai sáma.

Zasua 22:17

Zɔnyɔ̂ŋ kú gɛ̀ a Yâwɛɛ Piɔ taa-leei sui gíli fé lɛ́ɛ ní káŋa? Yâwɛɛ è kúkula maa kɛ̀ a kɔlɔ-fela berei máŋ kúkaa la a ŋɔnûai. Ǹyaŋ kúkaa niî mɔ̃lɛ̂i zɔnyɔ̂ŋ tí mɛni ma.

M̀ɛni-sâa Ƃó-ƃelai 2:11

Nya ƃe Eezuɛ-ŋai dí dípôlu tɔ̀ɔ Yâwɛɛ ma dí pɛ́lɛ Bêe Ɣalai fɛliɛɛ ma.

M̀ɛni-sâa Ƃó-ƃelai 2:13

Dí dípôlu tɔ̀ɔ Yâwɛɛ ma dípɛlɛ Keena-ŋai díɣâla-ŋai Bêe da Asitate fɛlîi.

M̀ɛni-sâa Ƃó-ƃelai 2:14

M̀ɛni ma Yâwɛɛ è ǹíi ŋwàna kpɔ́ dîa a ŋ̀ánaa é gɛ́ nûa dí tóo dîa dí díkɔ̃liŋ kélee síɣe. Yâwɛɛ è gɛ̀ Eezuɛ-ŋai kpɔara-ƃelai dí kɔ́ pɛ́lɛ dîa dí díyee mɛi ɣále. Pɔri mâa fé kɛ́ ní dîɛ a gɛ́ɛ dí díkpîŋ maa kɔ̃ɔ díkpɔara-ƃelai yêei.

M̀ɛni-sâa Ƃó-ƃelai 2:20

Ǹyaŋ tãi nɔ́ da kâa kɛ̀ tûai la a gɛ́ɛ tíi, Yâwɛɛ a kâa ǹíi ŋwàna kpɔ́ dîa a ŋ̀ánaa gɛ́ mò ǹyɛɛ, “Ǹûai ŋí dífe gbanaŋ-wooi mɛi káa ní nyíi ŋá wɔ́lɔ gɛ̀ dínûa pɔlɔ-ŋai dí m̀ɛi kâai, kpɛ́ni fêi, dífa díwoli tɔ̀ɔ ḿâ.