Nɔŋba 25:2 - Ŋ̀âla Kɔlɔ Maa Waai

² Môa-nɛyãai dí maa kpakolo-ŋai ŋí tòli díɣâlai ŋɔsâla-kula-kûui su. Nya ƃe Eezuɛ kpakolo-ŋai ŋí dí zâla mii-sɛŋ mìi dí Môa-ŋai díɣâlai fɛ́li.

Nɔŋba 25:2 ပူးပေါင်းရင်းမြစ်များ

Kâloŋ Maa-ŋuŋ 19:18

É máŋ kɛ́ tí, ŋa pâi núu wála lɔ́ɔlu mɛi feerɛ lɛɛ̂i a dífulu Eezuɛ diai nyíi dífe pîlaŋ ní díŋume ŋá tɛi-tɛi Bêe ŋɛ́i-tuɛi da diai kélee dífe díla-gbɔ-ŋai see ní mai.”

Wule-woo-ŋa 106:28

Kɛ́lɛ ǹia-wooi ŋí fé lɛ̀ɛ ní díkili ŋá. Dí pɛ̀lɛ ŋɔ́nɔ ŋ̀âlai fɛlîi nyii da kɛ̂ m̀a Bêe nyii vúlu fé zui Piɔ Yeei ma, dí kɛ́ zâla sãai mîi nyii da dɛ̀ɛ zaa-ƃelai pɔi.

Ɛsedɔ 20:5

Ífe pɛ̀lɛ díkɔɔ mu kpaa máŋ í dífɛli. Kpɛ́ni fêi, ńyãai a Yâwɛɛ Íɣâlai, ŋ́gaa a tólo Ɣala. Ŋa lóŋ-naŋ-ŋa kélee dísɔnyɔ̂ŋ maa tɔ̂ŋ pú dílônii dîa. Ŋa bù dílônii díwɔ-lônii dîa da díwɔ lonii nyii-ŋai da ŋ́gbɔarai.

Ɛsedɔ 22:20

“Ǹúui kélee a sâla kùla ɣâla da kpɛ́ni mâ é kúla ḿbôlu Ńyãai Yâwɛɛ, fɛ̂ɛ dí maa ǹûui tí páa.

Ɛsedɔ 23:24

Káfe pɛ̀lɛ díɣâla-ŋai kɔ́ɔ mu kpaa máŋ ka dífɛli kpaa máŋ ka tûa yɛ̂ɛ dîa. Kɛ́lɛ ka díɣâla-ŋai kélee su kara ká díkɔni-ŋai wólo nyii-ŋai da dísiɣe a maa waai.

Ɛsedɔ 32:6

Nya ƃe ǹûai dí dímu sìɣe a bôlu ma ɣele-wala pɛ̀pɛi, dí kéreŋ sala kula dí lii-see sala kula. Dí sée dí dílaa míi, dí dímu sìɣe dí pɛ́lɛ pêle kɛ́ɛ ma.

Zɛlemaya 40:11

Ǹaa kɛ́ɛ tíi, Eezuɛ-ƃelai nyíi-ŋai kɛ̀ Môa, Amɔŋ, Idɔŋ da ǹɔii da kpɛ́ni-ŋa sui, dí m̀ɛni a gɛɛ Babelɔŋ kaloŋ è ǹûai da-ni lɛ̀ɛ Zuda é Gidalia kɛ́ dímɛi a kâloŋ.

Osia 9:10

Yâwɛɛ è mò ǹyɛɛi, “Tãi ŋá Eezuɛ-ŋai kàa lai, dí kɛ̀ yɛ̂ɛ kpɔmɔ-ƃa vɛ̃ɛ-kpâlaŋ su. Tãi ŋá dínâŋ-ni kàa lai, dí kɛ̀ yɛ̂ɛ fîi wuru-ƃa maa-ŋuŋ. Kɛ́lɛ tãi da ńɛɛ la dí tínaŋ Bêe-ɣalai pɔ́naa-perei, ŋa díkpɔara yɛ̂ɛ berei ŋá Bêe-ɣalai kpîŋ kpɔ̀ara lai.

Maka 6:5

Óo ŋánûa, gíli é lɛ́ɛ káŋa m̀ɛnii Môa kaloŋ Bâla è gbɛ̀tɛ a gɛɛ é gɛ́ a kaai, da berei Beɔ ǹóŋ Bâlaŋ è ŋ̀óo su tòo lai. M̀ɛnii kɛ̀ berei su é síɣe Akasia é lí Geegai é lɛ́ɛ kákili-ŋá. Nyíŋi kélee é lɛ́ɛ kákili ŋá a gɛɛ ká gɔ́lɔŋ m̀ɛnii ŋá gɛ̀ a gɛɛ ŋá ká ŋuŋ-ma ƃôi.”

Kɔleŋtiɛŋ Maa-ŋuŋ 10:20

Kpao, ŋa m̀ôi a gɛ́ɛ zãâi diai dífe láa ní a Ɣalai da gùla a salâi, da gùla a sâla nyinaŋ nyɔ́mɔɔ-ŋai dîa, kɛ́lɛ Ɣâla fei. Fé ŋ̀wɛ̂lii a gɛ́ɛ ka nyinaŋ nyɔ́mɔɔ-ŋa ká kɛ́ zu tɔnɔɔ.

Dutɛrɔnome 32:38

Ŋ̀âla-ŋai ká kásâla mii-sãai da ŋwãai ǹɛ́lɛɛ-ŋai tɛ̀ɛ dípɔi dia kɔ̀ɔ? Dí pá wɛ̂ dí kpɔ́ŋ kâa, dí ká mɛi káa.

Zasua 22:17

Zɔnyɔ̂ŋ kú gɛ̀ a Yâwɛɛ Piɔ taa-leei sui gíli fé lɛ́ɛ ní káŋa? Yâwɛɛ è kúkula maa kɛ̀ a kɔlɔ-fela berei máŋ kúkaa la a ŋɔnûai. Ǹyaŋ kúkaa niî mɔ̃lɛ̂i zɔnyɔ̂ŋ tí mɛni ma.

Zasua 23:16

À kɛ̀ kà wàla Káɣâlai Yâwɛɛ ŋɔkpanaŋ-wooi ŋ̀aa-see kɛ́, ká kɛ́ ɣâla da kpɛ́ni-ŋa fɛ̀li, a pâi ǹíi ŋwânai é kákula maa kɛ́. À kɛ̀ tí, gɛ̀ ní kátɔnɔ da kpîŋ fé pâi lɛɛ̂i ǹɔii lɛ́lɛɛi ŋí ma è dɛ̀ɛ kápɔi.”

Zasua 23:7

Ǹɔii-ŋuŋ-ŋai lɛ̂ɛ kákɔlɛ mai, káfe da ŋɔɣâla-ŋai da fɛ̀li, kpaa máŋ ká káfoo a díɣâla-ŋai da láa. Ka dîa-ni káfe kɛ̀ loai-laa su.

M̀ɛni-lɛɛi 2:14

Kɛ́lɛ, mɛni da-ni káa naa ńdɔɔ̂i la yâ. Maa mɛni-ŋai ƃa núu da-ni káa naa íyeêi nyíi-ŋai da Bâlaŋ ŋɔsɛŋ-lɛɛi sòŋ a gbanaŋɔɔ̂i, nyíi sɛŋ lɛ̂ Bâla ma a gɛɛ é Eezuɛ ǹônii perêi kpáaŋ a gɛɛ dí mii-sɛŋ mii da gùla a sâla ŋ̀âla-pɔkɔɔŋ-ŋai diai, dí wulu-wulu-kɛ́ɛ maa kɔ̂ri.