Nɔŋba 24:24 - Ŋ̀âla Kɔlɔ Maa Waai

²⁴ Ǹûai da pâi kulâi Kitiŋ lɔii su da pâi Asiria-ŋai da Ibɛ-ŋai yée-mɛi ɣâlei. Kɛ́lɛ dia máŋ da pâi sâai wɔlɔ-wɔlɔ da wɔlɔ-wɔlɔ.”

Nɔŋba 24:24 ပူးပေါင်းရင်းမြစ်များ

Zɛnɛse 10:4

Zavaŋ ǹônii-sinaai ƃa, Ilaisa, Sipîŋ, Kitiŋ da Lôo.

Zɛnɛse 14:13

Ǹûai pûi, dɔnɔ è pà é Ibulu kaloŋ Eberaŋ kíli ŋá pono. Eberaŋ ŋɔsua kɔlɔ seɣe pɛrɛi è kɛ̀ Amɔra-nuui Mamera ŋɔwúru maa waa-ŋai kɔlɛ. Mamera è kɛ̀ a Ɛsekɔ da Anɛ-ni dília. Dí kɛ̀ a Eberaŋ ŋɔkpɔŋ-maa-ƃela.

Azaya 10:12

Ǹuu-namui è m̀o ǹyɛɛi, “Ŋà kpɛ̀ɛ ǹûai kula-maa kɛ̂i Zãiyɔŋ Yeei ma da Zerusâlɛŋ, ŋa pâi Asiria kaloŋ kula maa kɛ̂i ŋɔyoŋka tuai da ŋɔsu-mɛni kɛ̂tɛi mɛ̂ni ma.”

Azaya 10:5

Yâwɛɛ è mò ǹyɛɛi, “Asiria káa ńyêei a sɔnyɔ̂ŋ-ƃela kula maa kɛ́ lɔii. Ŋá dɛ̀ɛ ǹɔii ŋuŋ-ŋai su a gɛɛ é diai kula maa kɛ́ da ńii ŋwána mɛni kɛ̂i.

Azaya 23:1

Ɣâla ŋɔworɛ̂-wooi ká ŋí Taya lɔii mɛ̂ni ma. Káai a yá-ŋa-keleŋ su sia-kɛ́-ƃelai, ka wɔ́lɔ a ŋ̀ánaa! Ƃɛ́i kálɔii Taya su ya-ŋa-keleŋ-ŋai da kpêra naai, ǹaa kélee su a kara. Pɛ́rɛ dɔnɔ kpîŋ fé ŋɔ́nɔ naa. Ka m̀aa tuŋ mɛ̀ni tãi ká kùla la Sapɔrɔ lɔii sui.

Izikiɛ 27:6

Dí íƃeyai kpɛ̂tɛ a Ôo-wuru nyii dí gùla Basãŋ-lɔii su, dí íŋa-pu wuru-ƃelai kúla pãa-wuru su nyii kùla Sapɔrɔ-lɔii sui. Dí bɔ̃yɛ tôo a séle-nyiŋ.

Danîa 10:20

E m̀o ḿâ ǹyɛɛi, “Í gɔ́lɔŋ m̀ɛnii ŋá pà la ípɔi? Ŋa pâi kɔ́ pɛlɛɛ̂i Pɛsia lɔii ŋɔɣâla-taa kela kɛ́tɛi mà tãi kpɔ́ nɔ́ ŋa lî la pôlui. Ǹyaŋ tãi ŋa lî lai, Gurii lɔii ŋɔɣâla-taa kela kɛ́tɛi a pâi pâi.

Danîa 11:30

Yá ŋá kɔ-kɔ-keleŋ-ŋa támaa da pâi kulâi Kitiŋ dí pá dí kɔ́ pɛ́lɛ m̀a dí ǹyée mɛi ɣále. A pâi yaôi é lene pôlu bɔ́-taai a lii ŋwâna. “Gɛ̀ ní ŋɔlii ŋwânai su, a pâi kɔ̂i a gɛɛ é Ɣâla ŋɔnûai kpéra díɣâla mɛni kɛ́-mɛni-ŋai dîa. Diai pâi kɛ̂i gbanaŋ-wooi mɛi kâai da Ɣâla-ni díloai, a pâi ǹíi ŋwânai dîa. Kɛ́lɛ diai pâi gbanaŋ-wooi karâi da Ɣâla-ni díloai, a pâi dí féla fêi.

Danîa 11:45

A kɛ̀ tí a pâi ƃûu tɔɔ̂i yúo da ǹyéei loai ƃɛ́i Ŋ̀âla-pɛrɛi è kɛ̀ naai. Ǹaa pôlu ma a pâi toôi núu da fa kɛ̂ naa é kpɔ́ŋ m̀a. Ǹyaŋ a pâi saâi.”

Danîa 2:35

Nya ƃe gɔlii, m̀óo pɔrɔ ŋɔŋɔ́ɔi, m̀arai, gánei da gôoi dí wólo-wolo a tãi tɔnɔ. Dí kɛ́ nɔ́ yɛ̂ɛ mɔlɔŋ-kala ƃé mɔlɔŋ táŋ kwaa ma a fólo lá ƃóɔɔ ɣele. Vãai è kòoŋ a dia vé dɔnɔ kpîŋ lɛ̀ɛ ní naa. Kɛ́lɛ gɔnii tí sɔ̀ɔŋ dîai, è pene a yée kpɛɛ́ pôlu é ǹɔii mɛi pɛ́lɛ.

Danîa 2:45

Óo Gâloŋ, zĩ̂ai tɛ̀ɛ a yá é pîlaŋ gɔnii ma nyii kpùɛ ǹyée su é tóo nyii núu da fé gbuɛ-nii é gɔlii, gôoi, m̀arai, m̀óo pɔ̂rɔi da gánei fũa-fũai, su-kulâi ká ŋí. Gɔni-ŋai kɛ̀ ǹyéei sui, da è kpùɛ ma nyii núu da fé gbuɛ-nii. È tòo é gɔlii, m̀arai, m̀oo pɔ̂rɔi, gánei da gôoi fũa-fũa. M̀ɛnii pâi kɛ̂i tuɛ-perei Ŋ̀âla kɛ́tɛi a ǹɛ́ gâloŋ ma. Ŋaâ ísee-wooi da zu kulâi lɛ́ yâ nyii gáa a tɔ̃yâ. Láa la a gɛɛ m̀ɛni-ŋai ŋí da pâi kɛ̂i.”

Danîa 8:21

M̀oli sîrɛi í gàai ƃa Gurii kaloŋ-lai pɔkɔɔŋ. M̀ĩlai nyíi kɛ̀ ŋ̀ɛ́i-gao loai ƃa gâloŋ maa-ŋuŋ.

Nɔŋba 24:20

Tãi Bâlaŋ è Amɛlɛka-ŋai kàa la zĩai sui è ŋ̀óo-ŋai ŋí ƃò ǹyɛɛi, “Amɛlɛka-ŋai dílɔii ƃé kɛ̀ a ǹɔii maa-ŋuŋ, kɛ́lɛ dísu a pâi pûi a tãi gbɛɛ-ŋa wɔlɔ-wɔlɔ da wɔlɔ-wɔlɔ.”

Nɔŋba 24:23

Bâlaŋ è ŋɔ́nɔ zĩai-su wóo-ŋai ŋí ƃò ǹyɛɛi, “Gbɛ̂ɛ ƃé pâi lɛ̂ɛi ɣele mâ tãi Ɣâla a pâi nyiŋi kɛ̂i lai?

Maafîu 24:15

“Mɛni ma, tãi ka m̀ilisii-kpalo mɛnii kàa la, nyii Ɣâla ŋɔlóno-kɛ-nuui Danîa è mò gɛ́ɛ tɔɔ̂ni gwaa ma maa waai mai (tɔɔ ǹúui a ǹónoi é táre zu),

Lûu 20:24

“Ka zɛŋ-kaoi da lɛ́ mâ. Gbɛ̂ɛ pɔkɔɔŋ ƃe ma da ǹáai?” Dí mò, dîyɛɛi, “Gâloŋ Siizɛ.”

Zɔ̂ŋ 11:48

A kɛ̀ kwà nɛ̀ɛ naa é lí nɔ́ tí, ǹúui kélee a pâi lâai la, gɛ̀ ní Lomaŋ-ŋai da pâi pâi dí kúkɛ̂i maa waai su kara da kúnûai.”