Nɔŋba 24:20 - Ŋ̀âla Kɔlɔ Maa Waai

²⁰ Tãi Bâlaŋ è Amɛlɛka-ŋai kàa la zĩai sui è ŋ̀óo-ŋai ŋí ƃò ǹyɛɛi, “Amɛlɛka-ŋai dílɔii ƃé kɛ̀ a ǹɔii maa-ŋuŋ, kɛ́lɛ dísu a pâi pûi a tãi gbɛɛ-ŋa wɔlɔ-wɔlɔ da wɔlɔ-wɔlɔ.”

Nɔŋba 24:20 ပူးပေါင်းရင်းမြစ်များ

Zɛnɛse 36:12

Tiŋna è kɛ̀ a Isɔɔ ǹóŋ-surɔ̂ŋ Ɛlifa ŋɔnɛyâai dɔnɔ. Ǹyaŋ da ǹyaa dí Amɛlɛki maa sɔlɔ ƃô. Isɔɔ ŋɔnɛnîi Ada ǹóŋ lônii ká ŋí.

Kɔlɔnikɔ Maa-ŋuŋ 4:43

Simiɔŋ ŋɔsuui è ŋɔ́nɔ lì é Amɛlɛka-ƃelai nyii-ŋai wɔ́lɔ pù dí sée ǹɔii tí sui díkelee dípaa. Díkaa naa é tóo sâa ma.

Ɛtɛ 3:1

M̀ɛni-ŋai ŋí kɛ́ɛ pôlu ma, Gâloŋ Atasɛra è Emaŋ kɛ̀ a gɔlɛ ma nùu. E gɛ̀ a ŋɔlɔii kâloŋ-ŋai kélee láa túɛ-nuu. Emaŋ ǹâŋ láa ƃé kɛ̀ a Amedata. Amedata è kɛ̀ a Aga ŋɔsuui su ǹúui da.

Ɛtɛ 9:14

Gâloŋ è fàa Ɛtɛ wóo ma. È wála-wala-laa tɛ̀ɛ Zuda-ŋai pɔ́ a gɛɛ dí Emaŋ ǹônii-sinaa puui poma sɛ̂lɛŋ ŋ̀úru yeŋkeŋ-ŋai ma Susa taa-leei su.

Ɛsedɔ 17:14

Nya ƃe Yâwɛɛ è mò Mose mà ǹyɛɛi, “M̀ɛnii ŋí pɔ̃yɛ kɔlɔ ma a gɛɛ é lɛ́ɛ kákili ŋá í m̀ó Zasua ma a gɛɛ ŋa pâi Amɛlɛka-ŋai dísuui kélee su karâi ŋ̀éniɛi su.”

Ɛsedɔ 17:16

Mose è mò ǹyɛɛ, “Ka káyee kɛ́ Yâwɛɛ ŋɔƃenâi ma! A pâi kɔ̂i Amɛlɛka-ŋai pɔ́ wɔlɔ-wɔlɔ da wɔlɔ-wɔlɔ.”

Ɛsedɔ 17:8

Amɛlɛka-ŋai dí pà dí kɔ́ pɛ́lɛ Eezuɛ-ŋai dîa Lɛfidiŋ.

Nɔŋba 24:19

Eezuɛ lɔii a pâi kɛ̂i ŋɔkpɔara-ƃelai mɛi, ǹyaŋ a pâi diai lɛɛ a dífului yée mɛi ɣâlei dítaa-lee-ŋai su.”

Nɔŋba 24:24

Ǹûai da pâi kulâi Kitiŋ lɔii su da pâi Asiria-ŋai da Ibɛ-ŋai yée-mɛi ɣâlei. Kɛ́lɛ dia máŋ da pâi sâai wɔlɔ-wɔlɔ da wɔlɔ-wɔlɔ.”

Nɔŋba 24:7

Tuna támaa a pâi pûi dílɔii su da pâi ŋɔsí-sɛŋ sîi yá-lɔii ma. Díkâloŋ ŋɔkâloŋ-laai a pâi kɛ̂i a gɛtɛ é tɛ́ɛ Aga m̀a, ŋɔkâloŋ-laa a pâi kɛ̂i a zu kɛ́tɛ.

M̀ɛni-sâa Ƃó-ƃelai 6:3

Eezuɛ-ŋai da kâa sí-sãa sì, Midiɛŋ-ŋai, Amɛlɛka-ŋai da ǹûai kùla vóloi kulâi-pere da pâ dí kɔ́ pɛ́lɛ dîa.

Samia Maa-ŋuŋ 14:48

A kâa ŋɔkpɔara-ƃelai yée mɛi ɣale kɔ́ kélee su.

Samia Maa-ŋuŋ 15:2

‘Eezuɛ-ŋai kɛ́ɛ da kùla Ize lɔii su díkɛ pâi, Amɛlɛka lɔii su-ƃelai dí pɛ̀lɛ dîa a kɔ́. Ńyãai a ŋ̀wála-wala kélee Yâwɛɛ, ŋá pâi gɛ̂i Amɛlɛka-ŋai dí m̀ɛnii ŋí fela-fei kɛ́!

Samia Maa-ŋuŋ 30:1

Deeƃé da ŋɔkɔ-kuluƃa-ŋai dí kɛ̀ Zikila a ŋ̀ele kûui zaaƃa ɣelei. Dí tɛ́ɛ naai, dí gàa a gɛ́ɛ Amɛlɛka-ŋai da tòo Zuda kwára pere da ǹaa sãai síɣe da pɛ̀lɛ Zikila ma da naa kéreŋ,

Samia Maa-ŋuŋ 30:17

Deeƃé è kɔ̀ dípɔ é síɣe ɣele-ƃɔi kpini ma é lɛ́ɛ la zu vólo-kaoi é tóo a bôlu ma ɣelei. Díta fé kùla ní é tée nɔ́ ǹyaŋkpa ŋ̀uŋ náaŋ (400) ma nyíi-ŋai tɛ̀ soo-fáleŋ-ŋai mɛi dí púi.