Nɔŋba 24:17 - Ŋ̀âla Kɔlɔ Maa Waai

¹⁷ Ŋa tinaa-tuɛ pere kàa, ǹya ƃe ŋá Eezuɛ lɔii kâa. Kâloŋ tɔnɔ a pâi kulâi dílɔii su gɛ́ fòlo yɛ̂ɛ pɛmɛlɛŋ-kao. Kâloŋ-wuru a pâi kulâi Eezuɛ. A pâi Môa-ŋai tuɛ-ƃelai su karâi. É Sɛ̂ ŋɔsuui su-ƃelai kélee yée mɛi ɣále.

Nɔŋba 24:17 ပူးပေါင်းရင်းမြစ်များ

Zɛnɛse 49:10

Zudasi ŋɔkâloŋ-wuruii fé pâi kulâi ǹyêei. Ŋɔsuui su ƃelai da pâi wɔ́lɔ kɛ̂i nɔ́ a kâloŋ ŋa. Lɔii-ŋuŋ ŋai da pâi kɛ̂i nɔ́ ŋuŋ-fela-fei tɛɛ̂i bɔ́.

Samia Veerɛi 8:14

È kɔ́ kɔ́-ƃela díƃûu-ŋa tɔ̀ɔ Idɔŋ-ŋai dílɔii su. Idɔŋ-ŋai dí nâa kɛ̀ a ǹyée mu-ƃela. Yâwɛɛ è wála-wala-laa tɛ̀ɛ bɔ́ ƃɛ́i kélee è lì naai.

Samia Veerɛi 8:2

Naa pôlu ma è Môa-ŋai yée mɛi ɣàle máŋ. Nya ƃe è gɛ̀ ǹûai kélee dílaa ǹɔii ma. Ƃɛ́i dílaa naai, è naa kɔ̀ɔŋ a ɣɛli. Ƃɛ́i è naa kɔ̀ɔŋ a ŋ̀ɛlii laai feerɛi, è naa-ƃelai kélee pàa. Ƃɛ́i è naa kɔ̀ɔŋ a ŋ̀ɛlii laai tɔnɔi, è naa-ƃelai kélee ŋuŋ ma ƃò, díkɛ ƃò a ŋɔtíi-kɛ-ƃela díkɛ ŋuŋ-fela-fei tɛ̀ɛ bɔ́.

Kâloŋ Veerɛi 3:5

Kɛ́lɛ Eɣa saá pôlu ma, Môa Kaloŋ è tɔ̀ɔ Eezuɛ kaloŋ ma.

Kɔlɔnikɔ Maa-ŋuŋ 18:2

È ŋɔ́nɔ Môa-ŋai yée mɛi ɣále é díkɛ a ǹyee-mu-ƃela díkɛ ŋuŋ-fela-fei kɔlɛ m̀a.

Wule-woo-ŋa 110:2

Yâwɛɛ a pâi gɛ̂i íwala-wala-laai é seri Zãiyɔŋ, ǹyɛɛi, “Ya pâi nâa kɛ̂i íkpɔara-ƃelai mɛi.”

Wule-woo-ŋa 45:6

Gâloŋ-laai Ɣâla a dɛɛ ípɔi, gɔyaŋ fé ma. Ya ínûai mɛi kâai a teniŋ ƃô-pere.

Azaya 15:1

Ŋ̀orɛ̂-wooi ŋí pîlaŋɔɔi Môa ma. Âa taa-leei da Kîɛ taa-leei su-karaa a kpíni tɔnɔ Môa lɔii su mɛni a gɛ́ Môa lɔii a see tɔŋ.

Azaya 9:7

Ŋɔwála-walai kóyaŋ fé pâi wɔ́lɔ kɛ̂i ma. Lii-sêe a pâi wɔ́lɔ kɛ̂i nɔ́ ŋɔkâloŋ-laai su. Ǹyaa ƃé pâi kɛ̂i Gâloŋ Deeƃé pɔ́ɔ ŋá a kâloŋ. Wôya mɛni da kélee fé pâi kɛ̂i ŋɔkâloŋ-laai su wɔ́lɔ-wɔlɔ da wɔ́lɔ-wɔlɔ. Ǹyaŋ Ŋ̀wála-wâla Kélee Yâwɛɛ ƃé pâi m̀ɛni-ŋai ŋí kélee kɛ̂i dí kɛ́.

Zɛlemaya 48:1

M̀ɛnii ŋí ƃé Ŋ̀wála-wâla kélee Yâwɛɛ è mò é pîlaŋ Môa ma ǹyɛɛi, “Kpalo ƃêlaai Nibo-ƃelai dîa, dítaai a wólo! Da Kiliataiŋ soŋ, da ŋɔtaa-lêe tɔɔi kpanaŋɔɔi wólo, da ŋɔnûai ŋumɛ.

Zɛlemaya 48:45

Gɔ-pû-ƃelai nyíi-ŋai pɔri mâa fé kɛ́ ní dîɛi, dí lì dí tɔ́ɔ Ɛsibɔŋ koo mu. Ɛsibɔŋ ŋí ƃé kɛ̀ a daa-lêei Siɔŋ è wɔ́lɔ kɛ̀ naa mɛi. Dífe pɔri ní kɛ̀ tɛ̂i daai su, kpɛ́ni fêi, ŋɔŋ è kɛ̀ daai ma. Ŋɔŋ è ǹɔii ŋɔkɔyɛŋ-perei kêreŋ da ǹyée tôŋ su nyíi Môa-ŋai kɛ̀ a kɔ́ mɛni wɛ́liɛɛi dí kɛ̀ a díseɛɛ naai.

Zɛkɛrâya 10:4

Bɛ́rɛi zônoŋ-su-kɔni a pâi kulâi dísama, kêre-pîlaŋ-wuru da kɔ́kɔ-keraŋ, núu-mɛi-ƃela kélee da pâi kulâi dísama.

Zɛkɛrâya 12:10

“Ǹyaŋ ŋa pâi Deeƃé ŋɔpɛ́rɛi mu-ƃelai da Zerusâlɛŋ-ƃelai láa fɛ̂ɛi a maloŋ-kâa-mɔleŋ da Ɣâla fɛliɛ, a gɛɛ da núu kàa nyii da bàai, dí wɔ́lɔ mɛni ma yɛ̂ɛ berei núu a wɔ̂lɔ la ŋɔlóŋ tɔnɔ kpéŋ saa mɛni ma, dí gbêɣei tóo mɛni ma yɛ̂ɛ berei núu a wɔ̂lɔ la ǹóŋ-surɔŋ maa-ŋuŋ saa mɛ̂ni mai.

Nɔŋba 21:29

Kpalo ƃélai kâa káai a Môa-ŋai! Káai a Kemɔsi fɛli-ƃelai kpalo ƃelaâi kâai. Káɣâlai a ǹɛɛ naa kálônii-sinaai da kɛ́ a bîlaŋ-kɔɔ ma-ƃela, Kálônii-nɛyãai dí ƃò a Amɔra-kaloŋ Siɔŋ ŋɔkɔ́-soŋ-ŋa.

Nɔŋba 24:16

Ǹúui a m̀ɛnii mɛ̂ni Ɣâla a mòi, è dárei kɔ́lɔŋ a kûla Ŋ̀wála-wâla kélee Ɣalai yêei. Ŋá zĩa kàa a ŋákwaa káa ŋɛ́i. Zĩai nyii kula Ŋ̀wála-wâla kélee Ɣalai yêei

Lûu 1:78

Kúɣâlai ŋɔmaloŋ kaai sârai, tãi ɣele-ƃɔ́i a pâi pâi la kúmɛi é kúla ɣelei póŋ-póŋ,

Ibulu 1:8

Kɛ́lɛ, gáa lônoi gɛ́ pìlaŋ Ǹóŋ ma, ǹyɛɛi, “Óo Ɣâla, íkâloŋ-see-sɛŋ káa nɔ́ naa wɔ́lɔ-wɔlɔ da wɔ́lɔ-wɔlɔ. Deniŋ-mo wurui ƃa íkâloŋ-laai su-wuruii.

Ibulu 7:14

Gáa a tɔ̃yâ a gɛɛ Kúnuu-namui è kùla Zudasi ŋɔsuui su, ǹyaŋ Mose fé sâla láa soŋ-nuu-mɛni ƃo ni é pîlaŋ nuu-suui ti ma.

Pitɛ Veerɛi 1:19

Nyíŋi a ǹɛ kûa a gɛɛ Ɣâla ŋɔlóno-kɛ-ƃelai díwooi káa a tɔ̃yâ. A pâi kɛ̂i a mɛni lɛ́lɛɛ à kɛ̀ kà káwoli tɔ̀ɔ nyíŋi ma yɛ̂ɛ laŋpo ƃe sonîi kpinii é lɛ́ɛ la zu ɣele é ƃɔ́ ŋele-wala pɛmɛlɛŋ kaoi é kúla kálii su.

Zûu 1:11

Kpalo ƃélaâi dîa! Kpɛ́ni fêi, da sîa a Kîŋ ŋɔperei, díkɛ sɔnyɔ̂ŋ kɛ̀ sɛŋ-kao mɛni ma yɛ̂ɛ Bâlaŋ. Dí tɔ̀ɔ mà yɛ̂ɛ berei Koa è gɛ̀ lai. Ǹyaŋ dí sàa nɔ́ yɛ̂ɛ berei è sàa lai.

M̀ɛni-lɛɛi 1:7

Gáa, gáa pâi ɣele-kɔlɔŋ kole-ŋa su, ǹyaŋ ŋɛ́i kélee a pâi gâai diai zɔ̀ɔ a kpálai, ǹyaŋ sîi kélee gáa ǹɔii sui, a pâi wɔ̂lɔi m̀aa mɛ̂ni ma. Bere ƃe a pâi kɛ̂i la. É kɛ́ tí.

M̀ɛni-lɛɛi 11:15

È nâa kɛ̀ tí, Ŋ̀âla-taa kelai mɛi feerɛ-ɣelei è ŋɔturui fɛ̀ɛ, wóo su kɛ́tɛ támaa díkula Ɣâla-taa díyɛɛi, “Ǹɔii su-kaloŋ laai a kɛ́ a Kúnuu-namui ŋɔkâloŋ laai da Ŋɔkôrai, ǹyaŋ a pâi kɛ̂i m̀ɛi wɔlɔ-wɔlɔ da wɔlɔ-wɔlɔ.”

M̀ɛni-lɛɛi 22:16

“Ńyãa Zîsɛ, ŋá ŋákelai tɛ̀ɛ ípɔnaa a zere-faai ŋí Kôrai-toli-kpɔŋ-ŋai mɛni ma. Ŋ́gaa a Deeƃé ŋɔsame, ŋ́gɛ ƃo a ŋɔsuui-su-nuu, ńyãa ƃe ŋ́gaa a ŋele-wala pɛmɛlɛŋ-kao-foloɔɔi.”

Samia Maa-ŋuŋ 14:38

Sɔ̂ɔ è mò ŋɔnûai láa-tuɛ-ƃelai dîa ǹyɛɛi, “Kwaa kú gáa lé sɔnyɔ̂ŋ ƃé kwaâ sâa gɛ́ nyíi aâ gɛ́ Ɣâla fé kúwoo su toôi.