Nɔŋba 23:23 - Ŋ̀âla Kɔlɔ Maa Waai

²³ Núu ŋɔsále nyɔ́mɔɔ kpaa máŋ wulu-nuu Fa sɛŋ tá kɛ̀ a Eezuɛ ŋɔnûai. Dímaa tɛli kpɛ́ɛ káa nɔ́ kpɛ́ni-kpɛni. Nûa da pâi môi dîyɛɛi, ‘Ka mɛnii káa Ɣâla a gɛ́ dîɛi.’

Nɔŋba 23:23 ပူးပေါင်းရင်းမြစ်များ

Zɛnɛse 3:15

Ŋa pâi kpɔara lɔ̂i káloai ka nɛnîi, ísuui da nɛnîi ŋɔsuui. Da pâi ƃɔ́rɔni íŋuŋ ma, yáŋ ya pâi dínyinîi díkɔɔ ma.”

Wule-woo-ŋa 31:19

Íkɛ mɛni-ŋai káa a mɛni mĩli-mĩliɛɛ lɛ́lɛɛ-ŋa. Diai da yâo yâi, ya m̀ɛni lɛ́lɛɛ-ŋai ŋí tɛ̀ɛ dípɔ! Núu kélee è gɔ́lɔŋ berei ísɔŋ lɛ̂lɛɛi lai, da berei diai dílâai a yái, ya dímaa kɔ̃ɔ lai.

Wule-woo-ŋa 64:9

yao é pá díkɔlɔi. M̀ɛnii Ɣâla a gɛ̂i, da pâi kɛ̂i díkili-ŋa siâi ma, dí kɛ́ gɛ́ mɛ̂ni-ŋai ŋáa lɛ̀.

Azaya 41:4

Gbɛ̂ɛ ƃé gɛ̀ m̀ɛni-ŋai ŋí díkɛ kɛi? Gbɛ̂ɛ ƃé gɛ̀ m̀ɛni-ŋai ŋí dí kɛ́ kɛ̀ a gɔ́ɔ pîlani? Ńyãa Yâwɛɛ, ŋá kɛ̀ naa a gɔ́ɔ pîlanii. Ǹyaŋ ńyãa, Yâwɛɛ, ŋa pâi kɛ̂i naa a gbɛɛ ŋá ɣele.

Azaya 44:25

Ŋá dɛli kpɛ́-ƃelai ƃòo, ŋá dílii su kɛ́ yùu-yuu. Ŋá táre-ƃela dítarei maa fâleŋ. Ŋá ǹɛ́ dîa a gɛɛ dítarei káa a ƃoo tûa.

Izikiɛ 21:21

Kpɛ́ni fêi Babelɔŋ kaloŋ káa tɔɔ̂i bere-taɣãŋ la ƃɛi bere feerɛi è pìlaŋ náa gîe mai, gɛ berei nyii kɔ̂ri a pɔ̂ri lɛɛ̂i m̀ai. È ŋɔ sɔlai tôo a gɛɛ é berei kɔlɔŋ a pɔri lɛ̂ɛi mai. È zala-sɔlai líî-pere maa kpɛ̂ɛ a gɛɛ é berei kɔlɔŋ a pɔ̂ri lɛ̂ɛi m̀ai.

Danîa 9:15

“Óo Kúnuu-namui Ɣâla, yá ƃe kú kùla Ize lɔii su a íwala-wala yeei. Nyaŋ maa laai tí káa sâa yâ nyii pâi kɛ̂i naa wɔ́lɔ-wɔlɔ da wɔ́lɔ-wɔlɔi. Kwa sɔnyɔ̂ŋ kɛ́ a yá.

Maka 7:15

Yâwɛɛ, ŋɛi-kɛ-maa kpaya-kpaya kɛ́ kúmɛni ma yɛ̂ɛ berei í gɛ̀ la tãi í kúkùla la Ize lɔii sui.

Nɔŋba 24:1

Tãi Bâlaŋ è nâa gɔ̀lɔŋ la a gɛɛ gáa a Yâwɛɛ nîa-mɛni a gɛɛ é lûwa láa Eezuɛ-ŋai diai, vé ŋɔ́nɔ ŋɛi-kɛ-ma-sãa kɔ́ri-ni yɛ̂ɛ berei è gɛ̀ la a bɔlɔi, kɛ́lɛ è tìnaŋ vɛ̃ɛ-kpâlaŋ pɔ́ naa-pere.

Maafîu 12:25

Gɛ́ɛ a díkili-ŋa-siai kɔ́lɔŋ, è mò dîa, ǹyɛɛi, “Gâloŋ-laai nyii kélee zu-ƃela ŋá kɔlɛɛ̂i dítɔɔ díkîe-ni diai, a tôo. Taa, kpaa máŋ pɛ́rɛi mu-ƃela da kɛ̀ a díŋa kɔlɛɛ̂i dítɔɔ díkîe-ni diai, ve pâi tɔɔ̂i.

Maafîu 12:27

Ǹyaŋ à kɛ̀ ŋà nyînaŋ nyɔ́mɔɔ-ŋa kpɛ̀ Bɛɛziƃɔ ŋɔwala-wala-laai su, gɛ̀ ní gbɛ̂ɛ ŋɔwala-wala-laa su ƃe kálônii da díkpɛ̀ lai? Mɛni ma da pâi kɛ̂i a kámɛni ŋá-tee-ƃela.

Maafîu 16:18

Ŋá ŋɔnɔ m̀ó yâ a gɛɛ íkaa a Pitɛ. Ŋa pâi ŋátoli-kpɔŋ tɔɔ̂i gɔnii ŋí ŋá. Ǹyaŋ Dɛ̂ƃele ŋɔwala-walai fé pâi ǹyée m̀ɛi ɣálêi.

Zɔ̂ŋ 11:47

Nya ƃe zâla láa soŋ-ƃela kpaya-kpayai da Faresii-ŋai dí kɔyâŋ tòo dí m̀o, díyɛɛi, “Lé ƃe kwa pɔ̂ri gɛ̂i? Kpɛ́ni fêi, nalôŋ ŋí a ŋɛi-kɛ-maa támaa kɛ̂i.

Zia-ƃelai Kɛ́-mɛni-ŋai 10:38

Ɣâla è M̀ɔlêŋ Maa waai pù Nâzarɛ Zîsɛ kponôi é wála-wala tɛ̀ɛ bɔ́. È kɛ̀ liî a mɛni lɛ́lɛɛ kɛ́ɛ, gɛ́ diai ƃàlo Dɛ̂ƃele è kɛ̀ díkponôi, kpɛ́ni fêi, Ɣâla è kɛ̀ bôlu.

Zia-ƃelai Kɛ́-mɛni-ŋai 15:12

Gɛ́ɛ tí, gbɔŋ su-ƃelai kélee dí dímɛi sâa. Dí díwoli tɔ̀ɔ Banaba da Pɔ̂ɔ dîa nyíi-ŋai kɛ̀ ŋɛi kɛ́-maa-ŋai da mɛni kpaya-kpaya maa mɛni ƃôi dîa Ɣâla è gɛ̀ dísârai Zɛ̃tai-ŋai sámai.

Zia-ƃelai Kɛ́-mɛni-ŋai 4:16

Dí mò, dîyɛɛi, “Lé ƃé kwa pâi gɛ̂i a ǹûai ŋí? Zerusâlɛŋ-ƃelai kélee da nâa gɔ́lɔŋ a gɛ́ɛ ŋɛi-kɛ-maa kɛ́tɛi ŋí è kɛ̀ dísârai, nyíi kúfa pɔ̂ri zîa toôi.

Zia-ƃelai Kɛ́-mɛni-ŋai 5:12

Zia-ƃelai dí ŋɛi-kɛ-maa támaa da mɛni kpaya-kpaya-ŋa kɛ̀ ǹûai ŋɛ́i. Díkelee dí kɛ̀ zu tɔnɔɔ Saloma ŋɔkâlai ŋá.

Zia-ƃelai Kɛ́-mɛni-ŋai 5:14

Kɛ́lɛ ǹaa-la-ƃelai pà Kúnuu-namui ŋɔƃélai ma-pere a ɣele kéleei, dí kɛ̀ a dítamaa--sinaa da nɛyaa.

Lomaŋ 16:20

gɛ̀ ní, nii-see Ɣalai a pâi Sêtɔŋ lɔ̂i kákɔɔ mu a maa félaa. Kúnuu-namui Zîsɛ Kôrai ŋɔƃɛlɛ-sêei é kɛ́ kâa.

Dutɛrɔnome 3:24

‘Óo Yâwɛɛ, yaâ pɛ̀lɛ íwala-wala kɛ́tɛi lɛ̂i íyee mu-nuui ma. Lé Ɣala ƃé ɣeniɛ su a pɔ̂ri diî kɛ̂i ya gɛ̀i?

Zasua 13:22

Eezuɛ-ŋai dí dɛli kpɛ́-nuui Bâlaŋ pàa máŋ a tãi dí kɛ̀ gâloŋ-ŋai ŋí paâi lai. Bâlaŋ è kɛ̀ a Beɔ ǹóŋ surɔŋ.

M̀ɛni-lɛɛi 12:9

Dí ǹyao maa sua kɛ́tɛi tòo ǹɔii ma, nyíi gáa a gali pɔlɔi nyíi da dòli a Dɛ̂ƃele da Sêtɔŋ. Gáa a ǹɔii kélee pɛlɛ nuu. Dí dòo ǹɔii mâ da ŋɔkéla-ŋai kélee.