Nɔŋba 23:20 - Ŋ̀âla Kɔlɔ Maa Waai

²⁰ Ɣâla a ŋ́gɛ a gɛɛ ŋa ŋɔlûwai tóo, Mɛni mà fa pɔ̂ri ŋɔlûwa-wooi maa fálenîi.

Nɔŋba 23:20 ပူးပေါင်းရင်းမြစ်များ

Nɔŋba 22:12

Kɛ́lɛ Ɣâla è mò Bâlaŋ mà ǹyɛɛi, “Ka ǹûai ŋí káfe lì. Ífe Eezuɛ-ŋai fòo. Kpɛni fêi, ŋá lûwa làa dîa.”

Zɛnɛse 12:2

Ŋa pâi ísuui su kɛ̂tɛi ŋá lûwa láa yâ, ŋá ílaa tɛ́ ɣelêi a gɛɛ í kɛ́ a lûwa.

Zɛnɛse 22:17

ŋa pâi lûwa lâai yâ a zu kɛ́tɛ, ŋá ísuui táma yɛ̂ɛ Bɛmɛlɛŋ-kao-ŋai díkaa ŋ̀elei sui da Yúo ma ŋãyai. Ísuui a pâi ŋɔkpɔara-ƃelai yée mɛi ɣâlei.

Azaya 43:13

Ŋ́gaa a Ɣâla, ǹyaŋ ŋa pâi kɛ̂i a Ɣâla wɔ́lɔ-wɔlɔ da wɔ́lɔ-wɔlɔ. Núu da fa pɔ̂ri kulâi ŋáwala-walai mu. M̀ɛnii ŋa gbɛ̀tɛi, núu da fa pɔ̂ri m̀aa fálenîi.”

Nɔŋba 22:18

Bâlaŋ è Bâla ŋɔkéla-ŋai wóo su tòo ǹyɛɛi, “À nɛ̃ɛ ma kpîŋ é ŋɔpɛ́rɛi láa fɛ́ɛ a káne da gôo é dɛ́ɛ ḿbɔ, fa pɔ̂ri ŋánuu-namui Ɣâla wóo pilîi a dɔnɔ kpîŋ.

Pitɛ Maa-ŋuŋ 1:5

káai Ɣâla a kámɛi kâai a ŋɔwala-walai laa-la sarâi ƃalo-laa mɛni ma, nyíi gbɛtɛ̂i a gɛɛ é lɛ́ a tãi gbɛɛ ŋái.

Nɔŋba 22:38

Bâlaŋ è ŋ̀óo su tòo ǹyɛɛ mai, “Ŋaâ pá, vé tí? Wála-wala káa ńyêei a gɛɛ ŋa mɛni da kélee ƃó? Ŋ̀óoi Ɣâla a pâi bûi ńai, ǹyaa nɔ́ ƃé ŋa pâi môi.”

Zɛnɛse 27:33

Nya ƃe Aise líi è kàra-kara ǹyɛɛi, “Gɛ̀ ní gbɛ̂ɛ ƃé zuai pâa é pá la ŋá gélee míi í lɛ́ɛ pâi, ŋá lûwa láa mai? Tɔ̃yâ mà ǹûwai káa nâa mà.”

Nɔŋba 6:27

“Bere ƃé fɛ̂ɛ dí ńaa see la Eezuɛ-ŋai dîa, ńyaŋ ŋa pâi lûwa lâai dîa.”

Kɔlɔnikɔ Maa-ŋuŋ 17:27

Ŋa ímarê kɛ̂i a gɛ́ɛ í lûwa láa ŋánuu-suui ma é kɛ́ nɔ́ íwɛli-kɛ-maai su a tãi kélee. Yâwɛɛ yá ƃé yaâ lûwa láa dîa ǹyaŋ ílûwai a pâi kɛ̂i nɔ́ dîa wɔ́lɔ-wɔlɔ.”