Nɔŋba 23:12 - Ŋ̀âla Kɔlɔ Maa Waai

¹² Bâlaŋ è ŋ̀óo su tòo ǹyɛɛi, “Mɛnii nɔ́ ŋa pɔ̂ri môi ǹya ƃa nyii Ɣâla a bù ńaai.”

Nɔŋba 23:12 ပူးပေါင်းရင်းမြစ်များ

Ɛsedɔ 4:15

M̀ɛnii ƃa ŋ̀wɛ̂lii í mói, ƃa pɔ̂ri môi mà a gɛɛ é mó. Ŋa pâi kpɔnîi káfeerɛ kâa ŋá m̀ɛnii ƃó kâa ka pâi m̀ôi da m̀ɛnii ka pâi gɛ̂i.

Táre-woo-ŋa 26:25

À wóo lɛ́lɛɛ ƃò, ífe làa la, kpɛ́ni fêi, kpɔara támaa káa goi.

Nɔŋba 22:20

Maa-kpinii tí Ɣâla è pà Bâlaŋ pɔ́ naa é mó mà ǹyɛɛi, “À kɛ̀ ǹûai ŋí dí pà ítôlii, ímu síɣe ka dîa-ni ká lí. Kɛ́lɛ mɛnii ŋa pâi môi yâi, ǹyaa nɔ́ ƃé í gɛ́.”

Nɔŋba 22:38

Bâlaŋ è ŋ̀óo su tòo ǹyɛɛ mai, “Ŋaâ pá, vé tí? Wála-wala káa ńyêei a gɛɛ ŋa mɛni da kélee ƃó? Ŋ̀óoi Ɣâla a pâi bûi ńai, ǹyaa nɔ́ ƃé ŋa pâi môi.”

Nɔŋba 23:13

Nya ƃe Bâla è mò Bâlaŋ mà ǹyɛɛi, “Kú lí kwaa ta kpɛ́ni ma ƃɛ́i ƃa pɔ̂ri Eezuɛ-ŋai da-ni kâai naai. Nàa ƃé í dífoo naa ḿî.”

Nɔŋba 23:20

Ɣâla a ŋ́gɛ a gɛɛ ŋa ŋɔlûwai tóo, Mɛni mà fa pɔ̂ri ŋɔlûwa-wooi maa fálenîi.

Nɔŋba 23:26

Bâlaŋ è ŋ̀óo su tòo ǹyɛɛi, “Fé m̀ó ní yâ a gɛɛ mɛnii nɔ́ ŋa pɔ̂ri môi ǹya ƃa nyii Ɣâla a bù ńai?”

Nɔŋba 23:3

Bâlaŋ è mò Bâla mà ǹyɛɛi, “Tɔɔ íkereŋ-salai kɔlɛ. Ŋa pâi liî ŋá gáa a kɛ̀ Yâwɛɛ a ŋ̀wɛ̂lii é lóno ḿbɔ. Mɛnii kélee a pâi nɛ̂i mâi, ŋa pâi môi yâ.” Nya ƃe è lì é tɛ́ yée tɔnɔ tôŋ su.

Nɔŋba 24:13

a gɛɛ a nɛ̃ɛ ma kpîŋ í ípɛrɛi láa fɛ́ɛ a káne da gôo í dɛɛ ḿbɔ, fa pɔ̂ri Yâwɛɛ wóo pilîi a dɔnɔ kpîŋ. Mɛnii nɔ́ Yâwɛɛ a pâi môi ḿâi, ǹyaa nɔ́ ƃé ŋa pâi gɛ̂i.”

Lomaŋ 16:18

Kpɛ́ni fêi, núu kɛɛ-ŋai ti dífa tíi kɛ̀ Kúnuu-namui Kôrai mi, fɛ̂ɛ díkpîŋ nia-mɛni kɛ́ɛ, ǹyaŋ da moo-ƃelai pɛ̀lɛ a wóo lɛ́lɛɛ-ŋa da laa-maa-tɛ woo-ŋa.

Taitɔ 1:16

Da díkpîŋ lɛ̀ a gɛɛ dí Ɣâla kɔ́lɔŋ, kɛ́lɛ, da m̀aa-sia tòo dítûa-perei su. Nûa dífe díkɛ-naai wɛ̂li ní. Dífe a woo-mɛni-ƃela dífa pɔ̂ri mɛni lɛ́lɛɛ sii kélee da kɛ̂i.