Nɔŋba 22:8 - Ŋ̀âla Kɔlɔ Maa Waai

⁸ Nya ƃe Bâlaŋ è mò dîa ǹyɛɛi, “Ka nyii ƃɛ́ sâa. Mɛnii Yâwɛɛ a pâi môi ḿâi, ŋa pâi pâi pôlu ŋá mó kâa.” Nya ƃe Môa-ŋai dínuu tuɛ-ƃelai dí nyìi Bâlaŋ ŋɔpɛ́rɛi lá.

Nɔŋba 22:8 ပူးပေါင်းရင်းမြစ်များ

Kâloŋ Maa-ŋuŋ 13:8

Kɛ́lɛ ŋ̀âla naloŋ è gâloŋ wóo su tòo ǹyɛɛ m̀ai, “A nɛ̃ɛ ma kpîŋ í ítɔɔ-sãai gbûra tɛ̀ɛ ḿbɔ, fé pâi lɛɛ̂i ípôlu kpaa máŋ ŋá mii-sɛŋ mii kpaa ŋá yá kpéle ƃɛ́,

Kâloŋ Maa-ŋuŋ 22:14

Kɛ́lɛ Mikâya è mò ǹyɛɛi, “Yɛ̂ɛ berei Yâwɛɛ káa la ɣele ma a tɔ̃yâi, m̀ɛnii nɔ́ è mò ḿâ ǹyaa nɔ́ ƃé ŋa pâi m̀ôi.”

Zɛlemaya 12:2

Ya dísi, dísame a ǹɔii sóŋ, da ƃɔlɔ dí kɛ̀ ƃà. Da ílaa maa tɛ̀ nɔ́ a díla-gbɔ. Kɛ́lɛ í maa mɛ̂ni fé dí líi su.

Izikiɛ 33:31

À kɛ̀ tí, da pâ yɛ̂ɛ ŋá nûa dí sée díkɛ ŋ̀óoi mɛ̀ni nyii ya kɛ̂ môi dîai. Kɛ́lɛ dífe pâi m̀ɛnii kɛ̂i ya mò dîai. Kpɛ́ni fei, da ŋ́wɛ̂li nɔ́ a díla-gbɔ, kɛ́lɛ díkili tɔɔ̂i nɔ́ nîi dísɛŋ wɛ̂lii ma.

Nɔŋba 12:6

Yâwɛɛ è mò dîa ǹyɛɛ, “Ka ŋ́oo mɛ́ni. À kɛ̀ Ɣâla ŋɔlóno kɛ́-nuu káa kásama, ńyãai a Yâwɛɛ ŋá ŋ́gbîŋ lɛ̀ mà zĩa su, ŋá lóno bɔ́ seêi-pere.

Nɔŋba 22:18

Bâlaŋ è Bâla ŋɔkéla-ŋai wóo su tòo ǹyɛɛi, “À nɛ̃ɛ ma kpîŋ é ŋɔpɛ́rɛi láa fɛ́ɛ a káne da gôo é dɛ́ɛ ḿbɔ, fa pɔ̂ri ŋánuu-namui Ɣâla wóo pilîi a dɔnɔ kpîŋ.

Nɔŋba 22:38

Bâlaŋ è ŋ̀óo su tòo ǹyɛɛ mai, “Ŋaâ pá, vé tí? Wála-wala káa ńyêei a gɛɛ ŋa mɛni da kélee ƃó? Ŋ̀óoi Ɣâla a pâi bûi ńai, ǹyaa nɔ́ ƃé ŋa pâi môi.”

Nɔŋba 22:7

Nya ƃe Môa-ŋai da Midiɛŋ-ŋai dínuu-pɔlɔ-ŋai dí lì a vòo-wooi maa fela-fei Bâlaŋ pɔ́ naa dí Bâla ŋɔworɛ̂-wooi ƃó ma.

Nɔŋba 22:9

Nya ƃe Ɣâla è pà Bâlaŋ pɔ́ naa é marê kɛ́ ǹyɛɛi, “Gbɛ̂ɛ ƃa ǹûai ŋí ípɛrɛi mui?”

Nɔŋba 23:12

Bâlaŋ è ŋ̀óo su tòo ǹyɛɛi, “Mɛnii nɔ́ ŋa pɔ̂ri môi ǹya ƃa nyii Ɣâla a bù ńaai.”

Nɔŋba 23:3

Bâlaŋ è mò Bâla mà ǹyɛɛi, “Tɔɔ íkereŋ-salai kɔlɛ. Ŋa pâi liî ŋá gáa a kɛ̀ Yâwɛɛ a ŋ̀wɛ̂lii é lóno ḿbɔ. Mɛnii kélee a pâi nɛ̂i mâi, ŋa pâi môi yâ.” Nya ƃe è lì é tɛ́ yée tɔnɔ tôŋ su.

Nɔŋba 24:13

a gɛɛ a nɛ̃ɛ ma kpîŋ í ípɛrɛi láa fɛ́ɛ a káne da gôo í dɛɛ ḿbɔ, fa pɔ̂ri Yâwɛɛ wóo pilîi a dɔnɔ kpîŋ. Mɛnii nɔ́ Yâwɛɛ a pâi môi ḿâi, ǹyaa nɔ́ ƃé ŋa pâi gɛ̂i.”