Nɔŋba 22:7 - Ŋ̀âla Kɔlɔ Maa Waai

⁷ Nya ƃe Môa-ŋai da Midiɛŋ-ŋai dínuu-pɔlɔ-ŋai dí lì a vòo-wooi maa fela-fei Bâlaŋ pɔ́ naa dí Bâla ŋɔworɛ̂-wooi ƃó ma.

Nɔŋba 22:7 ပူးပေါင်းရင်းမြစ်များ

Azaya 1:23

Í lɔii mɛi-ƃelai da tɔɔ Yâwɛɛ ma. Díwɛli kɛ́-maa ƃelai díkaa a ŋúma-ƃela tee-tee. Yee pɛlɛ ǹá-sɛŋ mɛni wɛ́li káa dîa a ŋ̀ánaa. Dífe kpáaŋ ní bɔɔ-nɛyãai da dee-noŋ-ŋai mɛ̂ni ma. Dífa bɔɔ-nɛyâai dímɛni-saai ƃô a tɔ̃yâ-pere.

Azaya 56:11

Díkaa yɛ̂ɛ mii-sɛŋ wɛli ɣîla-ŋa nyíi-ŋai dílii fa wɔ́lɔ làai. Mɛni ŋá káa târe da kélee fé díŋuŋ su. Dia kpîŋ dílii láa mɛni-ŋa nɔ́ ƃé da gɛ̀. M̀ála mɛi káa-ƃelai máŋ dífa mɛni ŋá kàa. Da tínaŋ díkpîŋ tûa-pere-ŋai pɔ́ pere. Díkelee da kɛ́ nɔ́ a sɛŋ wɛ̂li-ƃela díkɛ sɛŋ kɔ̂ri nɔ́ díkpîŋ mɛni ma.

Izikiɛ 13:19

Ka ƃâa kula ḿâ ŋánûai sama bale ŋɔ-yèe-laa fɛɛ mɛni ma, é pɛlɛ kpolo-kpua-kpua ŋa dîa. Ka ǹûai paa nyii maa fé nɛ̃ɛ ni ka dí pâai. Kakɛ́ diai maa fé nɛ̃ɛ ní dílɛɛ ɣele mai kɛ̀ díkɛ lɛɛ ɣele ma a ǹɛɛ̂i ka kɛ́ gɛi ŋánûai dîa díkɛ díwoli tɔɔ mai.”

Izikiɛ 21:21

Kpɛ́ni fêi Babelɔŋ kaloŋ káa tɔɔ̂i bere-taɣãŋ la ƃɛi bere feerɛi è pìlaŋ náa gîe mai, gɛ berei nyii kɔ̂ri a pɔ̂ri lɛɛ̂i m̀ai. È ŋɔ sɔlai tôo a gɛɛ é berei kɔlɔŋ a pɔri lɛ̂ɛi mai. È zala-sɔlai líî-pere maa kpɛ̂ɛ a gɛɛ é berei kɔlɔŋ a pɔ̂ri lɛ̂ɛi m̀ai.

Maka 3:11

Ǹúu-ŋuŋ túɛ-ƃelai da yee-pɛlɛ-ǹá sɛŋ sòŋ dímɛni-sâa ƃóɔɔi su. Zâla láa soŋ-ƃelai da dɔ̂ŋ lɛ̀ sɛŋ mɛni ma, ǹɛ́ɛ ɣala-woo ƃó-ƃelai díkɛ tuɛ-mɛni ƃò a lɛ́ɛ sɛŋ-kao mɛni ma. É máŋ kɛ́ tí, díkili tɔɔ̂i nɔ́ Yâwɛɛ ma dîyɛɛi, “Yâwɛɛ káa kúkɔlɛ, mɛni da kélee fa pɔ̂ri kɛ̂i a kûa.”

Nɔŋba 22:8

Nya ƃe Bâlaŋ è mò dîa ǹyɛɛi, “Ka nyii ƃɛ́ sâa. Mɛnii Yâwɛɛ a pâi môi ḿâi, ŋa pâi pâi pôlu ŋá mó kâa.” Nya ƃe Môa-ŋai dínuu tuɛ-ƃelai dí nyìi Bâlaŋ ŋɔpɛ́rɛi lá.

Nɔŋba 23:23

Núu ŋɔsále nyɔ́mɔɔ kpaa máŋ wulu-nuu Fa sɛŋ tá kɛ̀ a Eezuɛ ŋɔnûai. Dímaa tɛli kpɛ́ɛ káa nɔ́ kpɛ́ni-kpɛni. Nûa da pâi môi dîyɛɛi, ‘Ka mɛnii káa Ɣâla a gɛ́ dîɛi.’

Nɔŋba 24:1

Tãi Bâlaŋ è nâa gɔ̀lɔŋ la a gɛɛ gáa a Yâwɛɛ nîa-mɛni a gɛɛ é lûwa láa Eezuɛ-ŋai diai, vé ŋɔ́nɔ ŋɛi-kɛ-ma-sãa kɔ́ri-ni yɛ̂ɛ berei è gɛ̀ la a bɔlɔi, kɛ́lɛ è tìnaŋ vɛ̃ɛ-kpâlaŋ pɔ́ naa-pere.

Lomaŋ 16:18

Kpɛ́ni fêi, núu kɛɛ-ŋai ti dífa tíi kɛ̀ Kúnuu-namui Kôrai mi, fɛ̂ɛ díkpîŋ nia-mɛni kɛ́ɛ, ǹyaŋ da moo-ƃelai pɛ̀lɛ a wóo lɛ́lɛɛ-ŋa da laa-maa-tɛ woo-ŋa.

Taitɔ 1:11

Ǹyaŋ fɛ̂ɛ dí maa-ƃelai tí kpera, kpɛ́ni fêi, da pɛ́rɛ-mu-ƃela kélee kɛ̀ wúlee a sɛŋ-lɛ́ɛ nyíi maa fé nɛ̃ɛ ní a gɛɛ dí gɛ́, kɛ́lɛ, da gɛ̀ nɔ́ sɛŋ-kao mɛni mai.

Zasua 13:22

Eezuɛ-ŋai dí dɛli kpɛ́-nuui Bâlaŋ pàa máŋ a tãi dí kɛ̀ gâloŋ-ŋai ŋí paâi lai. Bâlaŋ è kɛ̀ a Beɔ ǹóŋ surɔŋ.

Pitɛ Veerɛi 2:15

Da díyee kúla dɔ̃yâ-perei mu da láŋ. Da pîlaŋ Beɔ ǹóŋ Bâlaŋ ŋɔperei pôlu, nyíi a ŋ̀wɛ̂lii é mɛni nyɔ́mɔɔ-kɛɛ zɔ̃ɔ sɔlɔ ƃói.

Zûu 1:11

Kpalo ƃélaâi dîa! Kpɛ́ni fêi, da sîa a Kîŋ ŋɔperei, díkɛ sɔnyɔ̂ŋ kɛ̀ sɛŋ-kao mɛni ma yɛ̂ɛ Bâlaŋ. Dí tɔ̀ɔ mà yɛ̂ɛ berei Koa è gɛ̀ lai. Ǹyaŋ dí sàa nɔ́ yɛ̂ɛ berei è sàa lai.