Nɔŋba 22:38 - Ŋ̀âla Kɔlɔ Maa Waai

³⁸ Bâlaŋ è ŋ̀óo su tòo ǹyɛɛ mai, “Ŋaâ pá, vé tí? Wála-wala káa ńyêei a gɛɛ ŋa mɛni da kélee ƃó? Ŋ̀óoi Ɣâla a pâi bûi ńai, ǹyaa nɔ́ ƃé ŋa pâi môi.”

Nɔŋba 22:38 ပူးပေါင်းရင်းမြစ်များ

Kâloŋ Maa-ŋuŋ 22:14

Kɛ́lɛ Mikâya è mò ǹyɛɛi, “Yɛ̂ɛ berei Yâwɛɛ káa la ɣele ma a tɔ̃yâi, m̀ɛnii nɔ́ è mò ḿâ ǹyaa nɔ́ ƃé ŋa pâi m̀ôi.”

Kâloŋ Maa-ŋuŋ 22:16

Gâloŋ ǹyɛɛ m̀ai, “Tãi ɣɛɛlu ƃé fɛ̂ɛ ŋá íkɛ í ífoo la ńyêei a gɛ́ɛ ífe mɛni da kpɛ́ni ƃò mâ kɛ́lɛ fɛ̂ɛ nɔ́ dɔ̃yâi Yâwɛɛ láai sui?”

Kɔlɔnikɔ Veerɛi 18:13

Kɛ́lɛ Mikâya è ŋ̀oo su tòo ǹyɛɛ mai, “Tɔ̃yâ kpîŋ ma, ŋa ḿvôoi Yâwɛɛ ŋɛ́i, mɛnii nɔ́ Ɣâla a pâi môi, nya nɔ́ ƃé ŋa pâi môi mà.”

Wule-woo-ŋa 33:10

Yâwɛɛ a ǹɔii-ŋûŋ-ŋai su-ƃelai kíli ŋá pù. M̀ɛni nyɔ́mɔɔ-ŋai kélee da gbɛtɛi, ŋaa see fa kɛ̂ a dɔnɔ kpîŋ.

Wule-woo-ŋa 76:10

Ya gɛ̀ núu à kɛ̀ a ǹíi ŋwánaa, é ílaa maa tɛ́. Diai dífa sâa ílii ŋwânai sui, da íɣele kûu maa waa-ŋai mɛi kâa.

Táre-woo-ŋa 19:21

Núu-kpune líi-su-mɛni tâmai, kɛ́lɛ Ɣâla Yâwɛɛ nîa-mɛnii a pâi kɛ̂i.

Azaya 44:25

Ŋá dɛli kpɛ́-ƃelai ƃòo, ŋá dílii su kɛ́ yùu-yuu. Ŋá táre-ƃela dítarei maa fâleŋ. Ŋá ǹɛ́ dîa a gɛɛ dítarei káa a ƃoo tûa.

Azaya 46:10

M̀ɛni-ŋai pâi kɛ̂i é kúla gɔ́ɔ pîlani é tóo gbɛɛ ŋái mai, ŋá wɔ́lɔ dí maa mɛni ƃò kâa. M̀ɛni-ŋai kɛ̂i ŋá dímaa mɛni ƃò kâa tãi su-kôyaa tɛɛ pôlu ma. Ŋá m̀o kâa a gɛ́ɛ m̀ɛnii kélee ŋa m̀ôi, ŋaa see a kɛ̀. Ŋá m̀o kâa a gɛ́ɛ fa ŋ́oo sìɣe pôlu.

Azaya 47:12

Kɛ́ nɔ́ íponiŋ mɛni-ŋai da dɛli kpɛ́ mɛni-ŋai kɛ̂i. Ƃa lɛ̀ɛ díkɛ̂i é síɣe íloloŋ tãi ma. Tãi da da pâi kpɔŋ mâa tɛɛ̂i ípɔ. Kpaa máŋ dí kpɔ́ŋ mâa tɛɛ ípɔ í íkpɔara-ƃelai maa yáo.

Nɔŋba 22:18

Bâlaŋ è Bâla ŋɔkéla-ŋai wóo su tòo ǹyɛɛi, “À nɛ̃ɛ ma kpîŋ é ŋɔpɛ́rɛi láa fɛ́ɛ a káne da gôo é dɛ́ɛ ḿbɔ, fa pɔ̂ri ŋánuu-namui Ɣâla wóo pilîi a dɔnɔ kpîŋ.

Nɔŋba 22:37

Nya ƃe Bâla è mò Bâlaŋ mà ǹyɛɛi, “Fé nûa tɛɛ ní ítôlii? Ífe pá ní lé mɛni ma? Fa pɔ̂ri ƃaa-kɛ-maa tɛɛ̂i ípɔ?”

Nɔŋba 22:39

Nya ƃe Bâla da Bâlaŋ dí lì dí seri Uzo taa-leei su.

Nɔŋba 22:8

Nya ƃe Bâlaŋ è mò dîa ǹyɛɛi, “Ka nyii ƃɛ́ sâa. Mɛnii Yâwɛɛ a pâi môi ḿâi, ŋa pâi pâi pôlu ŋá mó kâa.” Nya ƃe Môa-ŋai dínuu tuɛ-ƃelai dí nyìi Bâlaŋ ŋɔpɛ́rɛi lá.

Nɔŋba 23:16

Nya ƃe Yâwɛɛ è ŋ̀óo tɛ́ɛ a Bâlaŋ ǹyɛɛ mai, “Lí pôlu í ŋ̀óo-ŋai ŋí ƃó Bâla ma.”

Nɔŋba 23:26

Bâlaŋ è ŋ̀óo su tòo ǹyɛɛi, “Fé m̀ó ní yâ a gɛɛ mɛnii nɔ́ ŋa pɔ̂ri môi ǹya ƃa nyii Ɣâla a bù ńai?”

Nɔŋba 24:13

a gɛɛ a nɛ̃ɛ ma kpîŋ í ípɛrɛi láa fɛ́ɛ a káne da gôo í dɛɛ ḿbɔ, fa pɔ̂ri Yâwɛɛ wóo pilîi a dɔnɔ kpîŋ. Mɛnii nɔ́ Yâwɛɛ a pâi môi ḿâi, ǹyaa nɔ́ ƃé ŋa pâi gɛ̂i.”