Nɔŋba 22:12 - Ŋ̀âla Kɔlɔ Maa Waai

¹² Kɛ́lɛ Ɣâla è mò Bâlaŋ mà ǹyɛɛi, “Ka ǹûai ŋí káfe lì. Ífe Eezuɛ-ŋai fòo. Kpɛni fêi, ŋá lûwa làa dîa.”

Nɔŋba 22:12 ပူးပေါင်းရင်းမြစ်များ

Zɛnɛse 12:2

Ŋa pâi ísuui su kɛ̂tɛi ŋá lûwa láa yâ, ŋá ílaa tɛ́ ɣelêi a gɛɛ í kɛ́ a lûwa.

Kɔlɔnikɔ Veerɛi 31:10

Nya ƃe Azaria nyíi kɛ a zâla láa-soŋ-nuu kɛ́tɛi, nyíi kula Zadɔ ŋɔsuui sui è ŋ̀óo su too ǹyɛɛi, “E siɣe kpɔ́ tãi ma ǹûai dí pɛlɛ la pâa ma a zãai Yâwɛɛ ŋɔpɛ́rɛi lai, mii-sãa támaa káa ƃɛ kú m̀ii, kú da lâai kɛ. Kpɛni fêi Yâwɛɛ a lûwa too ǹûai dîa, m̀ɛni ma m̀ii-sãai dámaa a lɛɛ.”

Wule-woo-ŋa 144:15

Lûwa káa ǹɔii-ŋuŋ ma nyii m̀ɛnii ŋí kàa a tɔ̃yâi. Lûwa káa diai dîa Díɣâlai ƃa Yâwɛɛi.

Wule-woo-ŋa 146:5

Lûwa káa diai dîa Zeeka Ŋɔɣâlai a kpɔŋ mâ tɛ̀ɛ dí pɔi, da diai da díkili tɔ̀ɔ Díɣâlai Yâwɛɛ mai,

Azaya 61:9

Ǹɔii-ŋûŋ-ŋai kélee da pâi díkɔlɔnîi. Diai nyii pâi ŋánûai kâai, da pâi ŋánûai kɔ́lɔnîi a gɛ́ɛ díkaa a ŋánûa nyii-ŋai ŋá lûwa tòo dîai.”

Maka 6:5

Óo ŋánûa, gíli é lɛ́ɛ káŋa m̀ɛnii Môa kaloŋ Bâla è gbɛ̀tɛ a gɛɛ é gɛ́ a kaai, da berei Beɔ ǹóŋ Bâlaŋ è ŋ̀óo su tòo lai. M̀ɛnii kɛ̀ berei su é síɣe Akasia é lí Geegai é lɛ́ɛ kákili-ŋá. Nyíŋi kélee é lɛ́ɛ kákili ŋá a gɛɛ ká gɔ́lɔŋ m̀ɛnii ŋá gɛ̀ a gɛɛ ŋá ká ŋuŋ-ma ƃôi.”

Nɔŋba 22:11

‘Ǹûa da kùla Ize lɔii su da ǹɔii gwaa kélee síɣe. Mɛni ma, pá í dífoo. Tãi da kwa pâi pɔ̂rii díyee mɛi ɣâlei kú díkpɛ ǹɔii ma.’ ”

Nɔŋba 22:13

Ɣele ƃɔ́ɔi Bâlaŋ è lì Bâla ŋɔworɛ̂ ƃó-ƃelai pɔ́ naa ǹyɛɛ diai, “Ka lí pôlu kapɔ-taai, kpɛ́ni fêi, Yâwɛɛ fé fáa ní ma a gɛɛ kwa kâa-ni kú lí.”

Nɔŋba 22:6

Mɛni ma pá í dífoo. Kpɛni fêi, dítâmaai é tɛ́ɛ kûa. Tãi da kwa pâi pɔrîi díyee mɛi ɣâlei kú díkpɛ ǹɔii ma. Kpɛni fêi, ŋá gɔ́lɔŋ a gɛɛ ǹúui ƃa lûwa tòo mai a lûwa sɔlɔ ƃô, ǹyaŋ ǹúui ƃa vòoi vòo-wooi a zòŋ.”

Nɔŋba 23:23

Núu ŋɔsále nyɔ́mɔɔ kpaa máŋ wulu-nuu Fa sɛŋ tá kɛ̀ a Eezuɛ ŋɔnûai. Dímaa tɛli kpɛ́ɛ káa nɔ́ kpɛ́ni-kpɛni. Nûa da pâi môi dîyɛɛi, ‘Ka mɛnii káa Ɣâla a gɛ́ dîɛi.’

Nɔŋba 23:3

Bâlaŋ è mò Bâla mà ǹyɛɛi, “Tɔɔ íkereŋ-salai kɔlɛ. Ŋa pâi liî ŋá gáa a kɛ̀ Yâwɛɛ a ŋ̀wɛ̂lii é lóno ḿbɔ. Mɛnii kélee a pâi nɛ̂i mâi, ŋa pâi môi yâ.” Nya ƃe è lì é tɛ́ yée tɔnɔ tôŋ su.

Nɔŋba 23:8

Ŋa pɔ̂ri dífôoi léŋ ǹyaŋ Ɣâla fé dífoo ni? Ŋa kpalo ƃéla dîa léŋ ǹyaŋ Yâwɛɛ fé kpalo ƃéla ní dîa?

Nɔŋba 24:9

Eezuɛ káa yɛ̂ɛ yala-sulu wála-walaa. A kɛ̀ nyîi, núu da fé naa é lɛ́ɣɛ mà. Ǹúui a lûwa làa Eezuɛ mai lûwa káa mà. Ǹúui a Eezuɛ fooi, foo-woo a pâi kɛ̂i maa ǹúui ma.”

Maafîu 27:19

Gɛ́ɛ seêni ŋɔmɛni-saa-ƃo see-sɛŋ ŋái, ŋɔnɛnîi è worɛ̂ɛ tɛ̀ɛ bɔ-naa, ǹyɛɛi, “Ífe mɛni da kɛ̀ a dɔ̃yâ-nuui tí, kpɛ́ni fêi, ŋá sâa mɛni-soli támaa kàa nyiî pere m̀ɛni ma.”

Lomaŋ 11:29

Kpɛ́ni fêi, Ɣâla fa ŋɔsama-sãai da ŋɔtólii siɣe pôlu.

Ifisiɛŋ 1:3

Lûwa é kɛ́ Ɣâla ma nyíi gáa a Kúnuu-namui Zîsɛ Kôrai Ǹâŋ, nyíi a lûwa láa kûa Kôrai kponôi a Ŋ̀âla-lûwai kélee kùla Ɣâla-taai.

Dutɛrɔnome 2:7

“Yâwɛɛ a lûwa láa kâa m̀ɛnii su ka gɛ̂i. È m̀ɛnii kɔ́lɔŋ ká tɛ̀ɛ zu vɛ̃ɛ-kpâlaŋ sui. Góraŋ buu náaŋ ká gɛ̀ naa è kɛ̀ kákɔlɛ. Sɛŋ da gôlo fé tòo ní kâa.

Dutɛrɔnome 23:5

Kɛ́lɛ Yâwɛɛ fé fáa ní mà a gɛɛ é kɛ́ tí. È naɣaŋ-laai kɛ̀ a lûwa kámɛni ma, kpɛ́ni fêi, è káwɛli ní.

Dutɛrɔnome 28:6

“Yâwɛɛ é gɛ̀ lûwa é kɛ kâa kálɔii su gɛ́ ƃò kâa lɔii da kpɛ́ni su.

Dutɛrɔnome 33:29

Óo Eezuɛ, kálii nɛ̃ɛ̂i a ŋánaa! A lûwa támaa láa kâa a tɛɛ ǹɔii-ŋuŋ kpéli-ŋai dîa. Yâwɛɛ a kámɛi kâai gɛ́ kámaa kɔ̃ɔ. Yâwɛɛ nyaa kpîŋ ƃa kámaa kɔ̃ɔ kɔli-kalaŋ da kákɔ-kɔ ƃoa-sɔkpɔi, gɛ́ kámaa kɔ̃ɔ kákɛ kákpɔara-ƃelai yée mɛi ɣàle. Ká kpɔara-ƃelai da pâi pâi díkɛ ká marê kɛ̀ a gɛɛ ká dímalôŋ káa, a kɛ̀ tí ka pâi ƃɔlɔnii dîa.

Dutɛrɔnome 7:14

A pâi lûwa támaa lâai kâa é tɛ́ɛ ǹúui gbéli-ŋai dîa. Káta fé pâi wɔ́lɔ kɛ̂i a kpóma-nuu. Kátaa-tulɛ-ŋai da fé pâi kɛ̂i naa nyii ǹóŋ fé pâi kɛ̂i bôlui.