Nɔŋba 21:9 - Ŋ̀âla Kɔlɔ Maa Waai

⁹ Nya ƃe Mose è ƃara-kali kpɛ̀tɛ è ǹɔ́ wúru ŋá é dɔɔ. Ǹyaŋ ǹúui kélee kali è nyìŋ é m̀ara-kalii kâai, è ƃálo.

Nɔŋba 21:9 ပူးပေါင်းရင်းမြစ်များ

Kâloŋ Veerɛi 18:4

È ǹûai díɣâla-pɔkɔɔŋ fɛli-kwaa-ŋai ma su kàra-kara. È díɣâla-pɔkɔŋ-ŋai wòlo-wolo, é ŋúru kôyaa-ŋai kara-kara nyii ǹûai dí gbɛ̀tɛ ŋâla-pɔkɔɔŋ Asira fɛli mɛni mai. È m̀ara-kalii wòlo-wolo máŋ nyii Mose è wɔ́lɔ gbɛ̀tɛi. Ǹûai da kâa ǹáa tòli a Nesuta. Ɛsekaya é lɛ́ɛ pâi zu kàra-karai, Eezuɛ-ƃelai da kâa kéreŋ-sɛŋ kúŋ-nɛ̃ɛ kèreŋ m̀ara-kalii láai su.

Azaya 45:22

“Ka tínaŋ ḿbɔ naa pere ka ƃálo-laa sɔlɔ ƃó, káai a ŋ̀éniɛi su-ƃelai! Ka tínaŋ ḿbɔ naa pere, kpɛ́ni fêi, ńyãa nɔ́ ƃa Káɣâlai. Ɣâla da kpɛ́ni fé naa é kúla ḿbôlu.

Zɛkɛrâya 12:10

“Ǹyaŋ ŋa pâi Deeƃé ŋɔpɛ́rɛi mu-ƃelai da Zerusâlɛŋ-ƃelai láa fɛ̂ɛi a maloŋ-kâa-mɔleŋ da Ɣâla fɛliɛ, a gɛɛ da núu kàa nyii da bàai, dí wɔ́lɔ mɛni ma yɛ̂ɛ berei núu a wɔ̂lɔ la ŋɔlóŋ tɔnɔ kpéŋ saa mɛni ma, dí gbêɣei tóo mɛni ma yɛ̂ɛ berei núu a wɔ̂lɔ la ǹóŋ-surɔŋ maa-ŋuŋ saa mɛ̂ni mai.

Zɔ̂ŋ 1:29

Bôlu ma-ɣelei Zɔ̂ŋ e Zîsɛ kàa, gɛ pa bɔ-pere. E mò, ǹyɛɛi, “Ka Ɣâla Ŋɔƃála-loŋ káa, nyii a ǹɔii ŋɔsɔnyɔ̂ŋ sìɣei!

Zɔ̂ŋ 12:32

ǹyaŋ tãi da pâi ńdɛ̂i la ŋá kúla ǹɔii mai, ŋa pâi núu-kpune kélee ɣalâi ŋ́gbîŋ ma.”

Zɔ̂ŋ 6:40

Kpɛ́ni fêi, Ńâŋ ǹîa-mɛnii ká ŋí, a gɛɛ ǹúui nyii kélee a Nòŋ-nuui kàa é láa lai, a wɔlɔ-wɔlɔ fulu-laa sɔlɔ ƃò, ǹyaŋ ŋa pâi m̀u siɣêi a ŋ̀elei kpɛɛ ŋai.”

Lomaŋ 1:17

Duŋ Lɛ́lɛɛi su ƃé Ɣâla a ŋɔtɔ̃yâ laa-lai lɛ̂ la nûa dîa laa-la sârai mɛni ma, yɛ̂ɛ berei bɔ̃yɛɛ̂i lai, “Dɔ̃yâ-nuui a pâi kɛ-ɣeniɛi kɛ̂i laa-la sârai.”

Lomaŋ 8:3

Kpɛ́ni fêi, Ɣâla a mɛnii kɛ́ nyíi Dɔ̂ŋ fa pɔ̂ri gɛ̂i nyíi kúkpîŋ tua-perei e zu saai. È ǹyaa kpîŋ-Loŋ tɛɛ a gɛ́ɛ gbono e kɛ́ ma yɛ̂ɛ kúkpono nyíi ǹáa fɛɛ̂i a sɔnyɔ̂ŋ a gɛ́ɛ e saa sɔnyɔ̂ŋ mɛni ma. Berei-sii ŋí su ƃe e sɔnyɔ̂ŋ su kara la núu-kpune kpîŋ-tua-pere su,

Kɔleŋtiɛŋ Veerɛi 5:21

Kpɛ́ni fêi, Kôrai nyíi ve kɛ́ ni a sɔnyɔ̂ŋ kɔ́lɔŋɔɔ̂i, Ɣâla e sɔnyɔ̂ŋ pu mà kúmɛni ma a gɛ́ɛ ku kɛ́ a ǹyaa Ɣâla ŋɔtɔ̃yâ-ƃela Kôrai kponôi.

Ibulu 12:2

Kwaa kúŋɛi kɛ́ Zîsɛ ma nyíi kúlaa-lai kɔ́ɔ pìlaŋ é maa waai, nyíi zaa-wurui siɣe a ǹii-nɛ̃ɛi nyíi kɛ̀ ŋ̀ɛi-tuɛi é ŋ̀ɛi nàɣîŋ ŋumɛ mɛ́i é see Ɣâla ŋɔsee-sɛŋ láa-mii-yee mɛi.

Zɔ̂ŋ Maa-ŋuŋ 3:8

Ǹúui a sɔnyɔ̂ŋ kɛ̀i, gáa a Dɛ̂ƃele pɔ́ɔ, kpɛ́ni fêi, Dɛ̂ƃele è sɔnyɔ̂ŋ kɛ̀ é kúla gɔ́ɔ pîlanii. Sapoi Ɣâla Ǹóŋ è pà lai ƃa, a gɛɛ é Dɛ̂ƃele ŋɔtíi su kara.