Nɔŋba 21:7 - Ŋ̀âla Kɔlɔ Maa Waai

⁷ Nya ƃe ǹûai dí pà Mose pɔ́ dîyɛ mai, “Kwa sɔnyɔ̂ŋ kɛ́. Kpɛni fêi, kwa lóno nyɔ́mɔɔ kɛ́ Yâwɛɛ ma ka ǹyaa. Yâwɛɛ fɛli a gɛɛ é gali-ŋai kúla kúsama.” Nya ƃe Mose è Ɣâla fɛ̀li dímɛni ma.

Nɔŋba 21:7 ပူးပေါင်းရင်းမြစ်များ

Zɛnɛse 20:17

Nya ƃe Eberaɣɛ̃ɛ è Ɣâla fɛ̀li. Ɣâla é Abimelɛ ƃálo é ŋɔnɛnîi ƃálo máŋ da ǹúɛ nɛyâai a gɛɛ dí nîa-pɛlɛɛ maa sɔlɔ ƃó.

Zɛnɛse 20:7

Mɛni ma, nalôŋ ŋɔnɛnîi tɛ́ɛ pôlu bɔ́, kpɛ́ni fêi, gáa a ŋálono-kɛ-nuu. A pâi ḿvɛlìi ímɛni ma ífulu-laai su é kôyaa. Kɛ́lɛ ƃà wàla ŋɔnɛnîi tɛ́ɛ bɔ́ pôlu, gɛ̀ ní é kɛ́ íkili ŋá a gɛɛ ka ínûai ka pâi saa títi ƃôi.”

Kâloŋ Maa-ŋuŋ 13:6

Nya ƃe gâloŋ è mò ŋ̀âla naloŋ ma ǹyɛɛi, “Lóno Íɣâlai Yâwɛɛ pɔ́ í tela Ɣâla fɛli a gɛ́ɛ é ńyee ƃálo mî pôlu.” Nya ƃe Ɣâla ŋɔlóno kɛ́-nuui è lòno Yâwɛɛ pɔ́ màa mɛ̂ni ma, ǹyaŋ gâloŋ yée è ŋɔ́nɔ ƃàlo pôlu é kɛ́ yɛ̂ɛ berei è kɛ̀ la a bɔlɔi.

Kâloŋ Veerɛi 13:4

Zɛoazi è Yâwɛɛ fɛ̀li kpɔŋ-maa mɛni ma, ǹyaŋ Yâwɛɛ è berei kâa Gâloŋ Azae è kɛ̀ Eezuɛ-ŋai sonîi la a nyɔ́mɔɔi. È Zɛoazi ŋɔfɛli-wooi mɛ̀ni é zu tòo

Zôo 42:10

Zôo kɛ́ɛ a kpɛɛ a Ɣâla fɛliɛɛ m̀arâai mɛ̂ni mai, Yâwɛɛ è nâa gɛ̀ a tɔɔ-nuu é ŋɔsãai kélee pɔɔ-ŋa tôo tɛɛ bɔ́ feerɛ-feerɛ.

Zôo 42:8

M̀ɛni ma, ka niŋa-sirɛ lɔ́ɔlu mɛi-feerɛ da ƃála-sirɛ lɔ́ɔlu mɛi-feerɛ síɣe ká lí a dia ńyee mu-nuui Zôo pɔ́naa ká kéreŋ sala kula ká mɛni ma. À kɛ̀ tí, ńyee mu-nuui Zôo a pâi Ɣâla fɛlîi ká mɛni ma. Gɛ̀ ní ŋa pâi ńyee seêi ŋɔɣâla fɛli-wooi mu, ḿve pà ƃâa kulâi kâa yɛ̂ɛ berei ká tûa-pere káa lai. Káfe lóno ní a tɔ̃yâ-pere é pîlaŋ ḿâ yɛ̂ɛ berei Zôo è gɛ̀ lai.”

Wule-woo-ŋa 106:23

Ɣâla kɛ́ɛ a ǹíi ŋwána dîa a gbɛtɛ a gɛɛ é dísu karai, ŋɔtíi kɛ́ nuui Mose è lɔ̀ díloai da Ɣâla ni é dímaa kpera-fei kɛ́ a gɛɛ vé gɛ̀ tí.

Wule-woo-ŋa 78:34

Kɛ́lɛ tãi nɔ́ a kâa da-ŋa pàa lai, gbéli-ŋai da lɛ̂ɣɛ la. Da dílii pène dí Ɣâla fɛli kpɔ́ a gbanaŋɔɔ.

Ɛsedɔ 10:17

Mɛni ma ŋa kákperai fêi a gɛɛ ká ńzu-mɛni lɛ̀ɛ a tãi tɔnɔi ŋí ká Yâwɛɛ fɛ́li nyii gáa a Káɣâlai a gɛ́ɛ é zaa tɔŋ-kpɛ-maai ŋí kúla ǹyée mɛi.”

Ɛsedɔ 32:11

Kɛ́lɛ Mose è Ŋɔɣâla Yâwɛɛ kperai fè ǹyɛɛ mai, “Óo Yâwɛɛ, ƃa pâi ínûai nyii-ŋai í díkula Ize lɔii su a íwala-laai kɛ́tɛi su-karai a ílii-ŋwanai lé mɛni ma?

Ɛsedɔ 32:30

Mose è mò ǹûai dîa a bôlu ma-ɣelei ǹyɛɛi, “Ka sɔnyɔ̂ŋ kɛ́tɛ kɛ́. Ǹyaŋ ŋa pâi tɛ̂i ǹyéei ma Yâwɛɛ pɔ́ naa, tãi da ŋa pâi kásɔnyɔ̂ŋ maa kpera-fe kɛ̂i.”

Ɛsedɔ 8:28

Nya ƃe Gâloŋ è mò ǹyɛɛ, “Ŋ̀a pâi nɛɛ̂i naa ka lí a gɛɛ ka sâla kula Yâwɛɛ Káɣâla mâ vɛ̃ɛ-kpâlaŋ su. Kɛ́lɛ káfe lì kwaa kôyaa ma. Kàli, káɣâla fɛli mɛ̂ni ma.”

Ɛsedɔ 8:4

Ǹofo-ŋai da pâi máŋ tɛ̂i a íkpono. Dí tɛ́ a ínûai kpono da ítii-kɛ-ƃelai.’ ”

Ɛsedɔ 8:8

Nya ƃe Gâloŋ è Mose tòli da Eelɔŋ ǹyɛɛ diai, “Ka Yâwɛɛ fɛ́li a gɛɛ é ǹofo-ŋai kúla mâ kwa ŋánûai. Ŋa pâi ŋɔnûai lɛɛ̂i naa dí lí a gɛɛ dí sâla kula mâ.”

Azaya 26:16

Yâwɛɛ, ya ínûai kula maa kɛ̀. Da kɛ̀ kpîŋ maa mɛ̂ni kpɔ̂lui su, yá nɔ́ ƃé da kɛ̂ ífɛlîi.

Zɛlemaya 15:1

Nya ƃe Yâwɛɛ è mò ḿâ ǹyɛɛi, “Eêi kɛ̀ Mose da Samia dîi kɛ̀ tɔɔ̂ni ŋ́ɛi túɛ, dí kɛ́ ǹûai ŋí maa kpêra-fei kɛ̀, ḿvêi ŋ́gili-ŋa sìa é pîlaŋ ǹûai ŋí dîa. Dí kúla ŋ́ɛi. Ǹɛɛ náa dí lí.

Zɛlemaya 37:3

Nya ƃe Gâloŋ Zɛdikaya è Silɛmaya ǹóŋ Zeuka da Maaseia ǹóŋ Zɛfɛnâya nyíi kɛ̀ a zâla láa-soŋ-nuui tɛ̀ɛ a gɛɛ dí ḿarê kɛ́ a gɛɛ ŋá Kúɣâlai Yâwɛɛ fɛli kúlɔii mɛ̂ni ma.

Osia 5:15

“Ŋa pâi liî pôlu ḿbɔ naa é lɛ́ɛ la zu dí dísɔnyɔ̂ŋ kɔ́lɔŋ, dí ŋ́gɔri. Ǹyaŋ tãi da dímɛni-kpɔ̂lu-ŋai kɔ̂lɔŋ lai, da pâi ŋ́gɔ̂rii.”

Nɔŋba 11:2

Nya ƃe ǹûai dí wɔ̀lɔ Mose ma. Mose è Yâwɛɛ fɛ̀li, ŋɔŋ é líiŋ.

Maafîu 27:4

ǹyɛɛ diai, “Ŋa sɔnyɔ̂ŋ kɛ́. Ŋá kúla ǹúu lɛ́lɛɛi pôlu.” Kɛ́lɛ, dí mò m̀a dîyɛɛi, “Nyíti káa a lé kúmɛni ma? Ímɛni ká tí.”

Zia-ƃelai Kɛ́-mɛni-ŋai 8:24

Samaŋ ǹyɛɛ diai, “Ka Kúnuu-namui fɛli ḿɛni ma a gɛ́ɛ mɛni-ŋai ŋí ka m̀ôi, dɔnɔ kpîŋ fè kɛ̀ a ńyãa.”

Lomaŋ 10:1

Ŋánûa, ńii su mɛnii da Ŋáɣâla-fɛliɛɛi nyíi gáa dímɛni mai, nya ƃa a gɛ́ɛ dí ƃálo.

Dutɛrɔnome 9:20

È ǹíi ŋwàna kpîŋ Eelɔŋ ma. È kɛ̀ ŋ̀wɛ̂li é zu-kara. Kɛ́lɛ ŋá Ɣâla fɛ̀li m̀ɛni ma máŋ.

Zĩi 5:16

Mɛni ma ka kásɔnyɔ̂ŋ ƃó kákîe-ni dîa ká Ɣâla fɛ̀li kákîe-ni mɛni ma a gɛɛ ká ƃálo. Wála-wala káa tɔ̃yâ-nuu Ŋɔɣâla-fɛliɛɛi ŋɔtíi su.

Samia Maa-ŋuŋ 15:24

Sɔ̂ɔ è fàa ma ǹyɛɛi, “Ŋaâ sɔnyɔ̂ŋ kɛ́. Ŋá ka Yâwɛɛ wóo pìli. Ŋá kɛ̀ yaôi gɔ-kuluƃa-ŋai dîa. M̀ɛni ma, ŋá ŋ́oli tɔ̀ɔ dîa é tɛ́ɛ kâa.

Samia Maa-ŋuŋ 15:30

Sɔ̂ɔ ǹyɛɛ m̀ai, “Ŋaâ sɔnyɔ̂ŋ kɛ́. Kɛ́lɛ ye kpera yɛ̂ ƃaa-kɛ́-maa tɛ́ɛ ḿbɔ gɔ-kuluƃa-ŋai láa-tuɛ-ƃelai Eezuɛi díŋɛi. Pá pôlu kwa yá kú lí pôlu a gɛ́ɛ ŋá Íɣâlai Yâwɛɛ fɛli.”