Nɔŋba 21:5 - Ŋ̀âla Kɔlɔ Maa Waai

⁵ Nya ƃe ǹûai dí tɔɔ-maa woo-ŋa ƃò é pîlaŋ Ɣâla ma da Mose díyɛɛi, “Lé mɛni ƃé ká kúkùla la Ize lɔii su a gɛɛ kú sáa vɛ̃ɛ-kpâlaŋ ŋí sui? Gáa kpólo fé ƃɛ́ da yá, ǹyaŋ mii-sɛŋ nyɔ́mɔɔi ŋí ƃɛlɛ fé kúkoi.”

Nɔŋba 21:5 ပူးပေါင်းရင်းမြစ်များ

Wule-woo-ŋa 68:6

Diai díkɛ̂i fé mai, a kwaa ma tɛ̀ɛ dípɔ. A diai ŋuŋ maa ƃò díkaa kpini-pɛrɛ-ŋa mui. Kɛ́lɛ a pâi gɛ̂i diai dí tɔɔ̂i ḿâi, díkɛ ƃò lɔii nyɔ́mɔɔ su.

Wule-woo-ŋa 78:19

Dí lòno a ǹyɔ́mɔɔ é pîlaŋ Ɣâla ma dîyɛɛi, “A pɔ̂ri mii-sɛŋ tɛɛ̂i kúpɔ vɛ̃ɛ-kpâlaŋ ŋí su?

Ɛsedɔ 14:11

Dí mò Mose ma dîyɛɛi, “ƃolôŋ fé Ize lɔii su, mɛni ƃé í pà la a kúa a gɛ́ɛ kú saa vɛ̃ɛ-kpâlaŋ su ƃɛ́i? Í kùla a kúa Ize lɔii su lé mɛni ma?

Ɛsedɔ 15:24

Nya ƃe ǹûai líi è ŋwàna Mose mà dîyɛɛi, “Lé ƃé kwa pâi kúkpelêi lai?”

Ɛsedɔ 16:15

Tãi Eezuɛ-ŋai dí gàa lai, dí díkîe-ni marê kɛ̀ dîyɛɛi, “Lé ƃé ŋí?” Kpɛ́ni fêi, dífe kɛ́ ní a gɔ́lɔŋɔɔ. Nya ƃe Mose è mò dîa ǹyɛɛi, “M̀ii-sɛŋ ká tí Yâwɛɛ a dɛɛ kápɔ mìi mɛ̂ni mai.

Ɛsedɔ 16:31

Eezuɛ-ŋai dí nâa gbóloi ŋí tòli a mana. È kɛ̀ yɛ̂ɛ mɛsɛ kao, golɛɛ. È kɛ̀ a nɛ̃ɛ yɛ̂ɛ kɔ̃́iŋ-wulɔ kpolo.

Táre-woo-ŋa 27:7

Ǹúui belâai va kɔ̃́iŋ-kpaŋ mìi, kɛ́lɛ ǹúui puru káa gɛ̂i, mii-sɛŋ ŋwánaa kélee nɛ̃ɛ̂i ǹá.

Izikiɛ 20:21

“Kɛ́lɛ ǹîa-pɛlɛɛ-ŋai dîa máŋ dítɔɔ ma. Dífe sia ni a ŋátɔ̂ŋ lá woo nyii a fulu-lâa tɛɛ diai pɔ́ da m̀ɛi káai. Dífe dí mɛi káa ni. Dí Ŋáfii-tɔɔ ɣelei maa-tĩa kara. Ŋá gbɛ̀tɛ a gɛɛ ŋá ńii ŋ́wana dîa vɛ̃ɛ-kpâlaŋ su.

Nɔŋba 11:20

Kɛ́lɛ ka pâi miî a ɣáloŋ tɔnɔ. Ka pâi lɛɛ̂i miî gúŋ é nyɔ́ŋ kásũai. M̀ii-wɛ̂li a pâi kpɛɛ̂i kâa. Kpɛ́ni fêi, káfe káyee see ní Yâwɛɛ ŋɔkɛ-naai mu kásama, kákɛ mò kâa, “Kú kùla Ize lɔii su lé mɛni ma?” ’ ”

Nɔŋba 16:41

Kɛ́lɛ bôlu ma ɣele walai Eezuɛ-ŋai dí díŋuŋ su-woo sàa é pîlaŋ Mose da Eelɔŋ dîa. Dí mò dîyɛɛi, “Ka Yâwɛɛ ŋɔnûai páa.”

Nɔŋba 17:12

Nya ƃe Eezuɛ-ŋai dí mò Mose mà dîyɛɛi, “Kúkelee kwa saa.

Kɔleŋtiɛŋ Maa-ŋuŋ 10:9

Kúfe Kúnuu-namui su kɔɔ̂ŋ yɛ̂ɛ berei ǹúui da-ni dí gɛ̀ lai. Kali ƃe dípaa.