Nɔŋba 21:16 - Ŋ̀âla Kɔlɔ Maa Waai

¹⁶ Dí sìɣe naa dí lí ǹya-tôŋ ma Biɛ kɔlɛ ma ƃɛ́i Yâwɛɛ è mò naa Mose ma ǹyɛɛi, “Ǹûai ŋá tɛ́ díkîe ma, ńyaŋ ŋa pâi yá tɛɛ̂i dípɔ.”

Nɔŋba 21:16 ပူးပေါင်းရင်းမြစ်များ

Zɛnɛse 21:19

Nya ƃe Ɣâla è nɛnîi ŋɛ́i lá ƃò é ya-loa tɔnɔ káa. È lì é ŋɔya lêɣii lá fɛ́ɛ a yá é da tɛɛ ǹôloŋ pɔ́ é gbele.

Ɛsedɔ 17:6

Ŋa pâi tɔɔ̂i káŋɛi-túɛ gɔnii ma Orɛ. Ísia wuruii kîiŋ nɔ́ gɔnii ma, ǹyaŋ yá a pâi kulâi zu a gɛɛ ǹûai dí gbele.” Nya ƃe Mose è gɛ̀ tí Eezuɛ-ŋai dínuu-pɔlɔ-ŋai ŋɛ́i-tuɛ.

Azaya 12:3

Ɣâla a ŋɔnûai ŋuŋ ma ƃò, lii-nɛ̃ɛ támaa a kɛ̀ dîa, yɛ̂ɛ berei ya-lâɣi a kpele wɛ̂li ŋánaa namu líi sèe lai.”

Azaya 15:8

Ǹûai díkɛ̀ wɔ̂lɔi Môa lɔii gwaa kélee Igilaiŋ da Bɛɛriliŋ taa-lee-ŋai su-ƃelai díkɛ̀ ŋ̀ɔlɔ-woo-ŋai ŋí mɛnîi.

Azaya 43:20

Ǹɔɔ fɛnɛ-sãai da pâi ƃaa kɛ́ maa tɛɛ̂i ḿbɔ. Ǹɔɔ ɣîla-ŋai da dua-too ŋɔni-ŋai da pâi laa maa tɛ tɛɛ̂i ḿbɔ. Ŋá gɛ́ yá é láa vɛ̃ɛ-kpâlaŋ su a gɛ́ɛ ŋánûai ŋá dí sìɣe zui, díkɛ díkpele la.

Azaya 49:10

Puru da kpele wɛ̂li fé pâi wɔ́lɔ dípaâi. Dífe pâi wɔ́lɔ kɛ̂i vɛ̃ɛ-kpâlaŋ su fólo kɛ́ dí kêreŋ. A pâi kɛ̂i tí, kpɛ́ni fêi, dílaa túɛ nuui a pâi kɛ̂i a díwɛ̂liɛɛ. A pâi liî a dia ya-ɣɛ̂li pɛlɛɛ-ŋa ma.

Nɔŋba 20:8

“Zia-wuruii síɣe ka ílîa Eelɔŋ ká Eezuɛ-ŋai kélee ŋá tɛ́ díkîe ma, ká lóno gɔnii pɔ́ díkelee díŋɛi. Gɛ̀ ní yá a pâi kulâi zu. Bere-sii ŋí ƃé ka pâi yá kulâi la dímɛni ma a gɛɛ da dítaa-tulɛ-ŋai dí díkpele.”

Nɔŋba 33:46

Dí kùla Dibɔŋ Gâa dí díƃûui pú Dibilataiŋ.

Zɔ̂ŋ 4:10

Zîsɛ è ŋ̀óo su tòo, ǹyɛɛi, “Iî kɛ̀ a Ɣâla ŋɔsama-sɛŋ kɔlɔŋɔɔ, da ǹúui gáa môi yâi, ‘Yá tɛ́ɛ ḿbɔ ŋá gbélei,’ iî pɔ̂ri m̀are kɛ̂i, ǹyaŋ eêi pɔ̂ri fulu-laa ya tɛɛ̂i ípɔ.”

Zɔ̂ŋ 4:14

kɛ́lɛ, ǹúui nyii a ǹyái kpèle ŋa pâi dɛɛ̂i bɔi, kpele-wɛli fa ŋɔ́nɔ wɔ́lɔ gɛ̀. Ǹyái ŋa pâi dɛɛ̂i bɔi a pâi kɛ̂i gbonôi a yá-lee ŋwɔlɔ-wɔlɔ fulu-laai mɛni ma.”

M̀ɛni-lɛɛi 21:6

Nya ƃe è mò ḿâ, nyɛɛi, “Díŋa-see a kɛ́! Ŋ́gaa a Afa da Omiga, zu-kulâi ƃa gɔ́ɔ-pîlanii da gberâi. Diai kpele-wɛli káa diai, ŋa pâi vúlu-laa ya-loŋ da tɛɛ̂i dípɔ kpɛ́ni-kpɛni.

M̀ɛni-lɛɛi 22:1

Ǹaa kɛ́ɛ tíi, Ŋ̀âla-taa kelai è vulu-laa ya-leei lɛ̀ mâ, gɛ̀ fólo yɛ̂ɛ gɔnii da kɛ̂ ma kɔlesetɔi, gɛ̀ kùla Ɣâla da M̀ála-loŋ díkâloŋ-see-sɛŋ ma.

M̀ɛni-lɛɛi 22:17

Mɔlêŋ da Nɛnîi dí mò, díyɛɛi, “Pá.” Tɔɔ ǹúui a mɛni mɛnii, é m̀ó, nyɛɛi, “Pá.” Tɔɔ ǹúui kpele-wɛli káa mài, é pá, tɔɔ ǹúui ŋ̀wɛ̂lii, é vulu-laa-yai siɣe kpɛni-kpɛni zɔ̃ɔ fé ma.

M̀ɛni-sâa Ƃó-ƃelai 9:21

Zotaŋ è kɛ̀ yaôi ǹîa Abimelɛ ma. Nya ƃe è pù é lí é sée Biɛ.