Nɔŋba 20:8 - Ŋ̀âla Kɔlɔ Maa Waai

⁸ “Zia-wuruii síɣe ka ílîa Eelɔŋ ká Eezuɛ-ŋai kélee ŋá tɛ́ díkîe ma, ká lóno gɔnii pɔ́ díkelee díŋɛi. Gɛ̀ ní yá a pâi kulâi zu. Bere-sii ŋí ƃé ka pâi yá kulâi la dímɛni ma a gɛɛ da dítaa-tulɛ-ŋai dí díkpele.”

Nɔŋba 20:8 ပူးပေါင်းရင်းမြစ်များ

Zɛnɛse 18:14

Mɛni da káa naa gbanaŋɔɔ̂i Yâwɛɛ ma? Kóraŋ tɔnɔ à tɛ̀ɛ ŋa pâi pâi pôlu ípɔ. Ǹyaŋ ínɛnîi Seera a pâi lóŋ-surɔ̂ŋ maa sɔlɔ ƃôi.”

Niɛmaya 9:15

“Tãi puru è kɛ̀ dí kɛ̂i lai, í mii-sãâ kùla ŋ̀elei su í dɛ̀ɛ dípɔ. Tãi kpele wɛ̂li è kɛ̀ dí kɛ̂i lai, í yá kùla kɔni su í dɛ̀ɛ dípɔ. Í mò dîa a gɛɛ dí lí dí ǹɔii síɣe nyii í wɔ́lɔ íkono tèe la dínuu pɔ̂lɔ-ŋai yêei, dí a gɛɛ sée naa.

Wule-woo-ŋa 105:41

È gɛ̀ yá é kúla gɔnii su gɛ́ ɣíliŋ vɛ̃ɛ-kpâlaŋ su yɛ̂ɛ ya lêe.

Wule-woo-ŋa 114:8

A kɔni-ŋa pène a póa, é gɔni kpanaŋɔɔ-ŋai kɛ́ a ya-ɣɛ̂li-ŋa.

Wule-woo-ŋa 33:9

È ŋ̀éniɛi kpɛ̀tɛ a ŋ̀óo. È lòno, ǹyaŋ m̀ɛni-ŋai kélee è m̀oi, ŋ̀aa-see è kɛ̀.

Ɛsedɔ 14:16

Ísia wuruii siɣe í íyee sãa la ǹyái mɛi a gɛ́ɛ ŋá é kɔ́lɛ, Eezuɛ-ŋai dí ǹyái tíyeŋ lɔii kpala ma.

Ɛsedɔ 17:9

Nya ƃe Mose è mò Zasua ma ǹyɛɛi, “Kpakolo da-ni siɣe kúmɛni ma, ka dîa-ni ka lí ká kɔ́ pɛ́lɛ Amɛlɛka-ŋai dîa. Ŋa pâi tínaa tɔɔ̂i ǹyéei tôŋ su zia-wuruii kɛ́ ƃò ǹyêei nyii Ɣâla è dɛ̀ɛ ḿbɔi.”

Ɛsedɔ 4:17

Ǹyaŋ zia-wuruii ŋí a pâi kɛ̂i íyêei nyii ƃa pâi ŋɛ́i-kɛ-maa-ŋai kɛ̂i lai.”

Ɛsedɔ 4:2

Yâwɛɛ è mò mà ǹyɛɛi, “Lé ƃé tí íyêei?” Mose ǹyɛɛ mai, “Sia-wuru.”

Ɛsedɔ 4:20

Nya ƃe Mose è ŋɔnɛnîi sìɣe da ǹônii-sinaai é dísee wɛlɛ-sôo mɛi dí lí pôlu Ize lɔii su. Mose è lì a zia-wuruii Ɣâla è mò ma a gɛɛ é ziɣei.

Ɛsedɔ 7:20

Mose da Eelɔŋ dí m̀ɛni-ŋai kɛ̀ Yâwɛɛ è mò diai. Eelɔŋ è zia-wuruii sìɣe é Ǹâai Yai lókwa la Gâloŋ ŋɛ́i-tuɛ da ŋɔtíi-kɛ-ƃelai. Ǹâai Ya-leei kélee è pène a ŋãa.

Azaya 43:20

Ǹɔɔ fɛnɛ-sãai da pâi ƃaa kɛ́ maa tɛɛ̂i ḿbɔ. Ǹɔɔ ɣîla-ŋai da dua-too ŋɔni-ŋai da pâi laa maa tɛ tɛɛ̂i ḿbɔ. Ŋá gɛ́ yá é láa vɛ̃ɛ-kpâlaŋ su a gɛ́ɛ ŋánûai ŋá dí sìɣe zui, díkɛ díkpele la.

Azaya 48:21

È díkùla vɛ̃ɛ-kpâlaŋ su fãai su. Kpele-wɛ̂li fé ŋɔ́nɔ dípaa ní. È gɔnii ƃêla, yá é kúla zu dí gbele.

Nɔŋba 20:11

Nya ƃe Mose è zia-wuruii sìɣe é gɔnii túa la gîei feerɛ. Yá támaa è kùla zu, ǹûai kélee da dítaa-tulɛ-ŋai dí díkpele la.

Nɔŋba 20:7

Yâwɛɛ è mò Mose mà ǹyɛɛi,

Nɔŋba 21:15

ǹyaŋ diŋ-tiŋ a yêŋ Âa taai ma-pere dí seri Môa lɔii kóyaŋ ma.”

Nɔŋba 21:18

Kâloŋ ŋɔtíi-kɛ ƃelai da ǹúu-tuɛ ƃelai ƃé ǹyá-loai ŋí tèe a díkâloŋ-wuru-ŋai da dísia-wûru-ŋai.” Dí kùla vɛ̃ɛ-kpâlaŋ su dí lí Matana.

Maafîu 21:21

Nya ƃe Zîsɛ è díwoo su tòo, ǹyɛɛ diai, “Ŋa tɔ̃yâ ƃoi kâa, à kɛ̀ laa-la káa káyêei, káfa sîa tòo, káfe pâi nɔ m̀ɛnii kɛ̂i nyii kɛ̀ a fîi-wuruii, kɛ́lɛ, à kɛ̀ máŋ kà mò ǹyéei ŋí ma, ‘Ímu siɣe í píli ǹyái su,’ a pâi kɛ̂i ti.

Lûu 11:13

À kɛ̀ berei kákaa la a kásɔŋ nyɔ́mɔɔi, ká sɛŋ lɛ́lɛɛ tɛɛ-pere kɔlɔŋ kálônii pɔ, Káɣâla-taa Naŋ a pâi M̀ɔlêŋ Maa Waai tɛɛ̂i máŋ diai pɔ da vɛ̀li mai, é tɛ́ɛ nyíti ma.”

Zɔ̂ŋ 16:24

Ǹyaŋ káfe niî sɛŋ da kélee mare-kɛɛ kɛ́ ni ńaâi su; ka maa mare-kɛɛ kɛ́, ka pâi zɔlɔ ƃôi, a gɛɛ kálii-nɛɛi láa e fɛɛ. Ǹyée a tɛɛ ǹɔii ma

Zia-ƃelai Kɛ́-mɛni-ŋai 1:14

Ǹûai ŋí kélee díkɛ̀ zu tɔnɔɔ dí díkpîŋ pu Ɣâla fɛliɛ su, da nɛyâai, Zîsɛ ǹee Mere da ǹêɣe-sinaâi.

Zasua 6:20

Zasua è mò zâla-laa soŋ-ƃelai dîa a gɛ́ɛ dí dúruii fɛ́ɛ. Ǹûai kɛ́ɛ da dúruii wóo mɛnii, dí làɣi a zu kɛ́tɛ, galai kɛ̀ daai mai è wólo, Gɔkuluƃa-ŋai dí tɛ́ daai su a kîrɛ dí naa síɣe.

Zasua 6:5

Zâla láa soŋ-ƃelai da pâi durui fɛ̂ɛi a ŋ̀óo su kɛ́tɛ. A kɛ̀ tí, kákelee ká láɣi a gîe. A kɛ̀ tí, ziɣãŋ a pâi wôloi, gɛ̀ ní gɔ́-kuluƃa-ŋai kélee da pâi tɛ̂i daai su a kîrɛ.”

M̀ɛni-lɛɛi 22:1

Ǹaa kɛ́ɛ tíi, Ŋ̀âla-taa kelai è vulu-laa ya-leei lɛ̀ mâ, gɛ̀ fólo yɛ̂ɛ gɔnii da kɛ̂ ma kɔlesetɔi, gɛ̀ kùla Ɣâla da M̀ála-loŋ díkâloŋ-see-sɛŋ ma.

M̀ɛni-lɛɛi 22:17

Mɔlêŋ da Nɛnîi dí mò, díyɛɛi, “Pá.” Tɔɔ ǹúui a mɛni mɛnii, é m̀ó, nyɛɛi, “Pá.” Tɔɔ ǹúui kpele-wɛli káa mài, é pá, tɔɔ ǹúui ŋ̀wɛ̂lii, é vulu-laa-yai siɣe kpɛni-kpɛni zɔ̃ɔ fé ma.