Nɔŋba 20:6 - Ŋ̀âla Kɔlɔ Maa Waai

⁶ Nya ƃe Mose da Eelɔŋ dí kùla ǹûai sáma dí lí dí tɔ́ɔ Yâwɛɛ Ŋɔsua kɔlɔ seɣe pɛrɛi lá dí díŋuŋ ma pîlaŋ. Nya ƃe Yâwɛɛ ŋɔfólo-laai è pà dípɔ.

Nɔŋba 20:6 ပူးပေါင်းရင်းမြစ်များ

Kɔlɔnikɔ Maa-ŋuŋ 21:16

Deeƃé è ŋ̀âla-taa kelai kâa gɛ́ ƃò tɔ̂ɔni, kɛ́lɛ gɔ́ɔ fé kɛ́ ní a bîlaŋɔɔ ǹɔii ma. Ƃóa-sɔkpɔ è kɛ̀ ǹyêei zãa Zerusâlɛŋ pere. Da ǹúu-pɔlɔ-ŋai maloŋ-tôo-maa seɣe è kɛ̀ diai, dí pà dí díŋuŋ ma pîlaŋ ǹɔii ma.

Ɛsedɔ 16:10

Tãi Eelɔŋ è kɛ̀ lônoi la Eezuɛ-ŋai kélee pɔ́i, dí kɛ̀ vɛ̃ɛ-kpâlaŋ su-pere kâai, ǹyaŋ Yâwɛɛ ŋɔfólo-laai è kùla díŋɛi ɣele-kɔlɔŋ kole su.

Ɛsedɔ 17:4

Nya ƃe Mose è Ɣâla fɛ̀li kpɔ́ a gbanaŋɔɔ kpɔŋ-mâ mɛni ma ǹyɛɛi, “Lé ƃé ŋa pâi gɛ̂i a ǹûai ŋí? Da nâa díkpîŋ kpɛtɛ a gɛɛ dí ńzɔɔ a kɔni.”

Nɔŋba 12:5

Yâwɛɛ è yèŋ ɣele-kɔlɔ kolei su é tɔ́ɔ Zua kɔlɔ seɣe pɛrɛ maa waai láƃelei é Eelɔŋ da Miriaŋ dítòli. Dífeerɛŋɔɔ dí kùla dí tɔ́ɔ tuɛ-pere.

Nɔŋba 14:10

Kɛ́lɛ ǹûai kélee dí mò a gɛɛ dí dísɔɔ a kɔni. Nya ƃe Yâwɛɛ ŋɔfólo-laai è pà Eezuɛ-ŋai kélee pɔ́ Zua kɔlɔ seɣe pɛrɛ maa waai mɛi.

Nɔŋba 14:5

Nya ƃe Mose da Eelɔŋ dí díŋuŋ pìlaŋ Eezuɛ-ŋai kélee ŋɛ́i-tuɛ.

Nɔŋba 16:19

Nya ƃe Koa è ŋɔnûai kélee ŋá tɛ̀ ma Yâwɛɛ Ŋɔsua kɔlɔ seɣe pɛrɛ maa waai lá, dí díŋɛi tínaŋ Mose da Eelɔŋ pɔ́ naa pere. Yâwɛɛ ŋɔfólo-laai è pà díkelee dípɔ.

Nɔŋba 16:22

Mose da Eelɔŋ dí díŋuŋ pìlaŋ ǹɔii ma díyɛɛ mai, “Óo Ɣâla, ƃíai íkaa a fúlu-laa kpɛtɛ Ɣâlai, ƃa pâi ílii ŋwanâi ǹúui kélee ma núu tɔnɔ ŋɔsɔnyɔ̂ŋ mɛni ma?”

Nɔŋba 16:4

Tãi Mose è nyíŋi mɛ̀ni lai è ŋuŋ pìlaŋ ǹɔii ma.

Nɔŋba 16:42

Tãi Eezuɛ-ŋai dí díŋa tɛ̀ la díkîe ma a gɛɛ dí tɔ́ɔ Mose da Eelɔŋ diai, dí díŋɛi tìnaŋ Yâwɛɛ Ŋɔsua kɔlɔ seɣe pɛrɛ maa waai ma-pere. Nya ƃe ŋ̀ele-kɔlɔŋ kolei è bɛ́rɛ maa waai mɛi pɛ̀lɛ, dí Yâwɛɛ ŋɔfólo-laai káa.

Nɔŋba 16:45

“Ka kula ǹûai kpîŋ sáma a gɛɛ ŋá dísu kara a maa félaa.” Nya ƃe dí díŋuŋ pìlaŋ ǹɔii ma.

Nɔŋba 20:7

Yâwɛɛ è mò Mose mà ǹyɛɛi,

Maafîu 26:39

Nya ƃe è zu kùla dîa é lí a guro, é ŋ̀uŋ mâ pîlaŋ é Ɣâla fɛli, ǹyɛɛi, “Ńâŋ, à kɛ̀ pɔ̂ri à kɛ̀ naa, nɛ̀ɛ naa gbele-kɔɛi ŋí é tɛ́ɛ ḿâ. Kɛ́lɛ, ńîa-mɛni fêi fɛ̂ɛ ínîa-mɛnii é kɛ́.”

Zasua 7:6

Nya ƃe Zasua da ǹúu ŋuŋ túɛ-ƃelai kɛ́ Eezuɛ dí díseɣe-ŋai fàla dí luu pú díŋûa dí tóo ǹɔii ma Yâwɛɛ Ŋɔkono-têe gãlai ŋɛ́i túɛ é lɛ́ɛ la zu ɣele wulii é kɛ́.