Nɔŋba 20:5 - Ŋ̀âla Kɔlɔ Maa Waai

⁵ Ká kúkùla Ize lɔii su ká pá a kúa ǹɔii nyɔ́mɔɔi ŋí su lé mɛni ma? Ǹyaŋ sí-sɛŋ fa kpɛ̂tɛ ƃɛ́, fîi wuru fé ƃɛ́. Kpɔmɔ-ƃa fé ƃɛ́ da pɔmegurane. Yá kpîŋ fé ƃɛ́ gbèle mɛ̂ni ma.”

Nɔŋba 20:5 ပူးပေါင်းရင်းမြစ်များ

Niɛmaya 9:21

Góraŋ buu náaŋ dí gɛ̀ vɛ̃ɛ kpâlaŋ sui, í dímɛi kâa. Sɛŋ da ƃalâŋ fé too ní dîa. Seɣe fé saa ní dîa, díkɔɔ fé tela soli-ni.

Zɛlemaya 2:2

a gɛɛ ŋá lí ŋá ŋ̀orɛ̂-wooi ŋí ƃó Zerusâlɛŋ-ƃelai kélee dîa. “Tãi kákɛ̀ la a nîa-pɛlɛɛi, kákili è lɛ̀ɛ ŋá kálaa-laai maa mɛ̂ni ma, berei kákɛ̀ la a ŋ́wɛliɛi a tãi ŋá ká kùla la a nɛniî. Kákɛ ḿbôlu vɛ̃ɛ-kpâlaŋ su, ǹɔii sú nyíi sí-sɛŋ fé kɛ́ ní a zíɛɛ naai.

Zɛlemaya 2:6

Dífe kɛ́ ní dîɛ Yâwɛɛ kɔɔ, berei ŋá díkula yêei kɛ̀ la Izei, ŋá tɛ́ɛ a dia vɛ̃ɛ-kpâlaŋ sui, ǹɔii nyíi fɛ̃ɛ-kpâlaŋ da lóa-ŋa díkaa naai, ǹɔii nyíi yá fé zui, nyíi mɛni nyɔ́mɔ káa zui, ǹɔii nyíi núu da fa tɛ̂ɛ zui, ǹɔii nyíi núu da fa sêe zui.

Izikiɛ 20:36

Berei ŋá kánâŋ ni dímɛnii ŋá-têe la díŋɛi téniŋ mai, bere ƃé ŋa pâi kámɛnii ŋá-teei la Sana Fɛ̃ɛ-kpalaŋ su.” Ńyãai a Ŋ̀wála-wâla kélee Yâwɛɛi, ńyãa ƃe mò tí.

Nɔŋba 16:14

Tɔ̃yâ mà ífe pá ní a kúa mii-sɛŋ kpɛtɛ-lɔii lɛ́lɛɛ mâ. Ífe tela kúsee-lɔii lɛ́ ní kûa da kpɔmɔ-ƃa-kpalaŋ. Ƃa ŋ̀wɛ̂lii í kúpɛlɛ? Kúfe pâi liî naa.”

Nɔŋba 20:24

“Eelɔŋ a pâi saâi, vé pâi serîi gono-tee-lɔii mâ nyii ŋá dɛ̀ɛ Eezuɛ-ŋai pɔ́i, kpɛ́ni fêi, káfeerɛŋɔɔ ká ŋ́oo kàra Mɛriba Yai ma.

Nɔŋba 27:14

Kpɛni fêi, ká ŋ́oo kàra Ziŋ vɛ̃ɛ-kpâlaŋ su. Tãi Eezuɛ-ŋai dí kɛ̀ díŋuŋ su-woo sâai la é pîlaŋ ḿâi, káfe ŋámaa-waa-laai ŋɔwála-walai maa-mɛni ƃó ní Eezuɛ-ŋai dîa ǹyái kɔlɛ.” (Mɛriba Yai ká ŋí Kedɛ kɔlɛ ma Ziŋ fɛ̃ɛ-kpalaŋ su.)

Dutɛrɔnome 8:15

È kɛ̀ kátuɛ vɛ̃ɛ-kpâlaŋ su nyɔmɔɔ̂i tí su. Kali nyɔmɔɔ-ŋa da zɛŋkpɛ-ŋa díkɛ̀ naa. Yá fé kɛ́ ní naa a gɛɛ ká gbele, kɛ́lɛ è yá kùla gɔnii su é dɛ̀ɛ kápɔ ká gbèle.