Dí mò dîa dîyɛɛi, “Èei pɔ̂ri kɛ̂i a ǹɛ́lɛɛ a gɛɛ Yâwɛɛ é kúpaa Ize lɔii su. Kú kɛ̀ nàa kúkɛ kúlaa mìi a kúnîa-pere. Kɛ́lɛ ka pá a kúa vɛ̃ɛ-kpâlaŋ su ƃɛ́ puru kɛ́ kúpâa.”
Kɛ́lɛ kpele-wɛli è kɛ̀ ǹûai kɛ̂i a ŋánaa. Maa mɛni ma dí dílii ŋwana Mose ma dîyɛɛ mai, “Í kúkùla Ize lɔii su lé mɛni ma? Ƃa ŋ̀wɛ̂lii í kúpaa a kpele-wɛli kwa kúnîa-pɛlɛɛi da kútaa-tulɛ-ŋai?”
Ǹûai dí mò dîa dîyɛɛi, “Yâwɛɛ a mɛnii kâai ká gɛ̀i, ǹyaŋ a pâi tɔ̂ŋ kpɛ̂i kâa. Kpɛ́ni fêi, ka gɛ́ Gâloŋ da ŋɔtíi mɛi-ƃelai da kúkpɔara. Ka ƃóa-sɔ̂kpɔ lɔ́ díyêei a gɛɛ dí kúpaa.”
Kɛ́lɛ ka pâi miî a ɣáloŋ tɔnɔ. Ka pâi lɛɛ̂i miî gúŋ é nyɔ́ŋ kásũai. M̀ii-wɛ̂li a pâi kpɛɛ̂i kâa. Kpɛ́ni fêi, káfe káyee see ní Yâwɛɛ ŋɔkɛ-naai mu kásama, kákɛ mò kâa, “Kú kùla Ize lɔii su lé mɛni ma?” ’ ”
