Nɔŋba 20:21 - Ŋ̀âla Kɔlɔ Maa Waai

²¹ Idɔŋ-ƃelai dífe fáa ní a gɛɛ Eezuɛ-ŋai dí tɛ́ɛ dílɔii su-pere. Nya ƃe dí lène pôlu dí tɛ́ɛ a pere da kpɛ́ni.

Nɔŋba 20:21 ပူးပေါင်းရင်းမြစ်များ

Kɔlɔnikɔ Veerɛi 20:10

“Nya ká ŋí nûa daâ kula Amɔŋ, Môa da Siɣɛɛ yeei ma díkɛ pà a kɔ́. Tãi Eezuɛ-ŋai dí wɔ́lɔ kùla la Ize lɔii sui, ífe fáa ní ma a gɛ́ɛ dí kɔ́ pɛ́lɛ ǹûai ŋí dîa, m̀ɛni ma Eezuɛ-ŋai dífe wɔ́lɔ lɛɣɛ ní dîa.

Nɔŋba 21:23

Kɛ́lɛ Siɔŋ fé fáa ní ma a gɛɛ Eezuɛ-ŋai dí tɛ́ɛ ŋɔlɔii su-pere. È ŋɔkɔ́ kɔ́-ƃelai kélee ŋá tɛ̀ gîe ma é lí a dia vɛ̃ɛ-kpâlaŋ su Zaɣa kɔlɛ ma é kɔ́ pɛ́lɛ Eezuɛ-ŋai dîa.

Nɔŋba 21:4

Dí kùla Ɔ̂ɔ yeei ma dí tɛ́ɛ Ǹyúo Kpɔ̂lui ma-pere a gɛɛ dí Idɔŋ lɔii maa láa. Ǹûai líi è tòo pôlu berei ma.

Dutɛrɔnome 2:27

‘Ǹɛɛ naa ŋá tɛ́ɛ ílɔii su pere. Ŋa pâi kɛ̂i nɔ́ berei ma ŋ́gɛ lì.

Dutɛrɔnome 2:29

yɛ̂ɛ berei Isɔɔ ǹônii-sinaai nyii-ŋai kɛ̀ Idɔŋ da Môa-ŋai kɛ̀ Âa dí gɛ̀ la ḿîi é lɛ́ɛ la zu ŋá tɛ́ɛ Zɔdiŋ ŋá lí ǹɔii su Yâwɛɛ, Kúɣâlai è dɛ̀ɛ kúpɔi.’

Dutɛrɔnome 23:7

“Káfe káyee kùla Idɔŋ-nuu mu. Gáa a káƃarâŋ-nuu. Káfe káyee kùla Ize-nuu mu, kpɛ́ni fêi, ká kɛ̀ a ŋɔ̃ya-ŋa Ize lɔii su.

M̀ɛni-sâa Ƃó-ƃelai 11:17

Gɛ́ɛ tíi, Eezuɛ-ŋai dí kéla-ŋa tɛ̀ɛ Idɔŋ kaloŋ pɔ́-naa dîyɛɛ m̀ai, ‘Ǹɛɛ naa kú tɛ́ɛ ílɔii su kú lí kúpɔ-naa.’ Kɛ́lɛ Idɔŋ-ŋai díkâloŋ fé ŋ̀óli tɔɔ ní dîa. Eezuɛ-ŋai dí ŋɔ́nɔ kéla-ŋa tɛ̀ɛ Môa Kaloŋ pɔ́-naa. Ǹyaa máŋ vé fáa ní. M̀ɛni ma Eezuɛ-ŋai dí nâa sèe Kedɛ.

M̀ɛni-sâa Ƃó-ƃelai 11:18

Naa pôlu ma, dí sìa vɛ̃ɛ-kpâlaŋ su dí tínaŋ Idɔŋ da Môa-ŋai lɔii ma. Dí tɛ̀ɛ Môa-ŋai lɔii vóloi kulâi-pere. Dí lì dí díƃûui pú Ano Ya-leei m̀elâi nyíti ma. Dífe tɛɛ ní Môa-ŋai lɔii su, kpɛ́ni fêi, Ano Ya-leei ƃé kɛ̀ a Môa-ŋai dígɔyɛŋ-perei.

M̀ɛni-sâa Ƃó-ƃelai 11:24

À kɛ̀ íɣâlai Kemɔsi a lɔii kula yêei kɛ̀ à dɛ̀ɛ ípɔ, vé a íkɔ̃liŋ? Ǹyaŋ a kɛ̀ Yâwɛɛ a lɔii da kula yêei kɛ̀ à dɛ̀ɛ kúpɔ, maa lɔii kpîŋ fé a kúpɔɔ?