Nɔŋba 20:14 - Ŋ̀âla Kɔlɔ Maa Waai

¹⁴ Mose kɛ́ɛ Kedɛi, è kéla-ŋa tɛ̀ɛ Idɔŋ kaloŋ pɔ́ naa. Dí mò ma díyɛɛi, “Eezuɛ-ŋai nyii-ŋai díkaa a íkaa-yɔɔ-ŋai dí worɛ-woo ká ŋí. Í gɔ́lɔŋ berei kú tɛ̀ɛ la mɛni-kpɔlu támaa sui.

Nɔŋba 20:14 ပူးပေါင်းရင်းမြစ်များ

Zɛnɛse 25:23

Nya ƃe Yâwɛɛ è mò ma ǹyɛɛi, “Lɔii-ŋuŋ feerɛ káa íkponôi. Núu sîi feerɛ, nyii-ŋai ƃa pâi dímaa sɔlɔ ƃôi, da pâi kɛ̂i a díŋaa kɔlɛ́ɛ. Dɔnɔ a pâi kɛ̂i a ŋ̀wála-walaa é tɛ́ɛ m̀arâŋ ma. Ǹia-nuui a pâi kɛ̂i a ǹeɣe-nuui yée mu-nuu.”

Zɛnɛse 25:25

Ǹôloŋ maa-ŋuŋ kɔlɔ è kɛ̀ a gbɔlɔɔ ma, gɔlɔ-leɣa kɛ́ ƃò gwaa kélee yɛ̂ɛ sua lêɣa yokpo. Nya ƃe dí ǹáa sèe a Isɔɔ.

Zɛnɛse 25:26

Nàa pôlu ma dí ǹêɣe maa sɔlɔ ƃô, ǹyee kɛ́ ƃò Isɔɔ túme ma. Mɛni ma dí ǹáa sèe a Zeeka. Aise è kɛ̀ a kóraŋ buu lɔ́ɔlu mɛi da a tãi Lubɛka è ǹîa-pɛlɛɛi ŋí maa sɔlɔ ƃô lai.

Zɛnɛse 32:29

Nya ƃe Zeeka è marê kɛ̀ ǹyɛɛ mai, “Kpera yɛ̂ ílaa lɛ́ mâ.” Kɛ́lɛ è mò ǹyɛɛi, “Ƃa ńaa mare-kɛɛ kɛ̂i lé mɛni ma?” Nya ƃe è lûwa tòo ma nàa.

Ɛsedɔ 18:8

Nya ƃe Mose è mɛni-ŋai kélee ƃò m̀ɔ̂lɔ ma nyii Yâwɛɛ è gɛ̀ a Ize Kâloŋ, Eezuɛ-ŋai mɛni mai. È mɛni-soli-ŋai kélee mɛni ƃò mà nyii-ŋai kùla dîa berei su, da berei Yâwɛɛ è díŋuŋ ma ƃò la Ize-ŋai yêei.

Emɔ 1:11

Ɣâla Yâwɛɛ è mò ǹyɛɛ, “Idɔŋ ŋɔsɔnyɔ̂ŋ saaƃa kpaa náaŋ mɛni ma, fé pâi dɔŋ-kpɛ-maai siɣêi pôlu mà, kpɛ́ni fêi, è ǹêɣe kpɛ̀ a gbálai kɛ̀ ǹyéei, maloŋ-kaa kélee fé kɛ́ ní ǹyêei m̀ɛni ma, ŋɔlii-ŋwanai su è kɛ̀tɛ, è ƃò nɔ́ gíli ŋá wɔ́lɔ-wɔlɔ.

Malakai 1:2

Yâwɛɛ è mò ŋɔnûai dîa ǹyɛɛi, “Ŋá káwɛlini a tãi kélee.” Kɛ́lɛ dí zu tòo dîyɛɛi, “Ya íwɛli kɛ́ maa lɛ́ léŋ kûa?” Yâwɛɛ è zu tòo ǹyɛɛi “Isɔɔ da Zeeka dí kɛ̀ a lee-kaa tɔnɔ, kɛ́lɛ ŋá Zeeka wɛ́lini da ŋɔkáayɔɔ-ŋai

Nɔŋba 13:26

Dí pà Kedɛ Mose pɔ́ da Eelɔŋ é pɛ́lɛ Eezuɛ-ŋai kélee dîa. Kedɛ káa Paraŋ fɛ̃ɛ-kpalaŋ su. Dí díkoraŋ ƃò dîɛ da ǹûai kélee. Dí gbɔmɔ-ƃa tiyɔŋ lɛ̀ dîa nyii dí kùla la naai.

Nɔŋba 20:15

Í gɔ́lɔŋ máŋ berei kúnuu-pɔlɔ-ŋai dí lì la Ize lɔii su ƃɛ́i kwa dîa-ni kú kóraŋ támaa kɛ̀ naai. Kɛ́lɛ Ize-ŋai dí kúsòŋ a nyɔ́mɔɔ kwa kúnuu-pɔlɔ-ŋai.

Nɔŋba 20:22

Nya ƃe Eezuɛ-ŋai kélee dí kùla Kedɛ dí seri Ɔ̂ɔ yeei ma.

Dutɛrɔnome 23:7

“Káfe káyee kùla Idɔŋ-nuu mu. Gáa a káƃarâŋ-nuu. Káfe káyee kùla Ize-nuu mu, kpɛ́ni fêi, ká kɛ̀ a ŋɔ̃ya-ŋa Ize lɔii su.

Zasua 2:10

kpɛ́ni fêi, kú mɛ̀ni berei Yâwɛɛ è ǹyái kpàla la kátuɛ kákɛɛ kulâi Ize lɔii sui. Kú ŋɔ́nɔ mɛ̀ni berei ká Siɔŋ da Oŋ pàa la da diai kɛ̀ a Amɔra-ŋai díkâloŋ feerɛi Zɔdiŋ Ya-leei pôlu da berei ŋɔ́nɔ ká nàa-ƃelai pâa lai.

Zasua 2:9

ǹyɛɛ dîai, “Ŋá gɔ́lɔŋ a gɛ́ɛ Yâwɛɛ a ǹɔii ŋí tɛ́ɛ kápɔ. Kámaa tûŋ a seri kûa ǹyaŋ kúkelee kúkaa nâa yaôi kâa,

Zasua 9:10

da nyíi è gɛ̀ a Amɔra kaloŋ feerɛi kɛ̀ Zɔdiŋ Ya-leei polui, Ɛsibɔŋ kaloŋ Siɔŋ da Basãŋ kaloŋ Oŋ nyíi zeɛ́ɛ è kɛ̀ Asitarɔ taa-leei sui.

Zasua 9:9

Dí mò ma dîyɛɛi, “Kú kùla kwaa kóyaa ma. Kú pà, kpɛ́ni fêi, kú mɛnii mɛni Káɣâlai Yâwɛɛ è gɛ̀ Ize lɔii sui,