Nɔŋba 20:13 - Ŋ̀âla Kɔlɔ Maa Waai

¹³ Nyíŋi è kɛ̀ Mɛriba Yai lá ƃɛ́i Eezuɛ-ŋai dí kɛ̀ Yâwɛɛ láa karâi naai, da ƃɛ́i Yâwɛɛ è ŋɔmaa-waa-laai lɛ̀ naa diai.

Nɔŋba 20:13 ပူးပေါင်းရင်းမြစ်များ

Wule-woo-ŋa 81:7

Ká kɛ́ɛ mɛni kpɔ̂lu sui, ká ńdòli. Ŋá pà ŋá káŋuŋ maa ƃó. Ŋá kɛ̀ ŋ̀ele-gbâna ŋɔŋ su loo perei ŋá káwoo su too. Ŋá su-kɔɔŋ tɛ̀ɛ kápɔ Mɛriba ya-ɣɛli-pɛlɛɛ̂i kɔlɛ.

Wule-woo-ŋa 81:8

Ŋánûa, ká káwoli tɔ́ɔ ǹîa-wooi ma ŋa dɛɛ̂i kápɔi. Eezuɛ-ŋa, ŋa ŋ̀wɛ̂lii ká káwoli tɔ́ɔ ḿâ.

Wule-woo-ŋa 95:8

“Káfe kɛ̀ a wolii kpɔ̂lɔ-ƃela yɛ̂ɛ kánâŋ pɔlɔ-ŋai kɛ̀ Mɛriba a tãi dí kɛ̀ la vɛ̃ɛ-kpâlaŋ su Masa.

Ɛsedɔ 17:7

Mose è nàa tòli a Masa da Mɛriba. Kpɛ́ni fêi, Eezuɛ-ŋai dí laa-saa pɛ́lɛ Mose mà dí su-kɔɔŋ tɛ̀ɛ Yâwɛɛ pɔ́ a marê-kɛɛi dí gɛ̀ dîyɛɛi, “Yâwɛɛ káa kúkɔlɛ, kpaa vé kúkɔlɛ?”

Azaya 5:16

Kɛ́lɛ Ŋ̀wála-wâla kélee Yâwɛɛi maa fa wɔ́lɔ yèŋ. Gáa a Ɣâla Maa Waa. A ŋɔteniŋ ƃô-laai lɛ̂ ŋɔmɛni ŋá-teɛɛ sã́ai su nyii a gɛ̀ ŋɔnûai samai.

Izikiɛ 20:41

Ŋa pâi ka kulâi ǹɔii-ŋuŋ ŋai su ŋá pá a káa pôlu kákîe ma. Ŋa pâi ńyee seêi kákereŋ sala-ŋai mu. À kɛ̀ tí, ǹɔii ŋuŋ-ŋai da pâi gɔ́lɔnîi a gɛɛ ḿaa-waâi.

Izikiɛ 36:23

Ŋa pâi ńaa maa-waai nyii ká m̀aa-tĩa kàra ǹɔii-ŋûŋ-ŋai sûi ŋɔkɛ́tɛ-laai lɛ̂i ǹɔii-ŋûŋ-ŋai kpîŋ dîa. À kɛ̀ tí, ǹɔii-ŋuŋ-ŋai da pâi gɔlɔnii a gɛ́ɛ ńyãa ƃa Yâwɛɛ. Ńyãai a Ŋ̀wála-wâla kélee Yâwɛɛi ƃé mò tí. Ŋa pâi ńaa maa-waai lɛ̂i ǹɔii-ŋûŋ-ŋai dîa ká sârai.

Izikiɛ 38:16

Ya pâi pâi ŋánûai Eezuɛ mɛi yɛ̂ɛ Tuna-ya-kpini a ǹɔii mɛi pɛ̂lɛ. Ǹaa a kɛ̀ tí, ŋa pâi pâi a yá íkɔ pɛ́lɛ ŋálɔii ma a gɛɛ ŋ̀éniɛi su lɔii-ŋuŋ-ŋai dí gɔ́lɔŋ ǹúui ńyãai a Yâwɛɛ ŋ́gaa lai. Ŋa pâi ŋá maa wâa laai lɛ̂i a m̀ɛnii ŋa pâi gɛ̂i yá Gɔ̂ɔ ísarâi.

Dutɛrɔnome 32:51

A pâi kɛ̂i tí a yá kpɛ́ni fêi, ka Eelɔŋ ká ƃâa kùla ḿâ Eezuɛ-ŋai ŋɛ́i-tuɛ Ziŋ Fɛ̃ɛ-kpalaŋ su Mɛriba Kedɛ Yai lá. Káfe ŋámaa wâa-laai lɛ́ ní dîa naa.

Dutɛrɔnome 33:8

È mò Liiva-ŋai dîa ǹyɛɛi, “Yâwɛɛ, ítûa-pere nyii ya ŋ̀wɛ̂lii lɛ̂ Liiva-ŋai dîa a tãi da kɛ̂ tii kɛ̂i la a Uliŋ da Tumiŋ. Í dísu-kɔɔŋ Masa. Í díkɛ a tɔ̃yâ-ƃela Mɛriba Yai ma.