Nɔŋba 2:2 - Ŋ̀âla Kɔlɔ Maa Waai

² “Fɛ̂ɛ Eezuɛ-ŋai dí díƃûu-ŋai pu díkpulu ma díƃenâ-ŋai mu tɛ-tɛi. Dí dínûa-pɔlɔ-ŋai dípɛrɛ-ŋai maa ŋɛi-kɛ-maa-ŋai tɔ́ɔ naa. Dí díƃûu-ŋai lá tínaŋ Zua kɔlɔ seɣe pɛrɛ maa waai ma-pere m̀éla kélee ma.

Nɔŋba 2:2 ပူးပေါင်းရင်းမြစ်များ

Wule-woo-ŋa 74:4

Íkpɔara-ƃelai daâ Ípɛrɛ Maa waai naa sìɣe. Da ƃenâ-ŋa tɔɔ naa a yee mɛi ɣâle maa ŋɛi-kɛ-maa sãa. Díkaa naa dí kɛ́ làɣi ɣelêi pere.

Wule-woo-ŋa 76:11

Zãâi í íkono tèe la Íɣâlai Yâwɛɛ yêei, dɛɛ bɔ́. Káai kélee a ǹɔii-ŋûŋ-ŋai su-ƃelai, ka ká sama-sãai tɛ́ɛ bɔ́. Gáa a Ɣâla ǹyaŋ fɛ̂ɛ kú yao ma.

Azaya 12:6

Tɔɔ diai kélee Zãiyɔŋ Yeei mai dí láɣi ɣelêi pere a wule-wôo. Eezuɛ Ŋɔɣâla tɔnɔ maa waai kɛ̂tɛi. Gɛ̂i nɔ́ ƃa ŋɔnûai sáma.”

Azaya 18:3

Káai a ŋ̀éniɛi su-ƃelai kélee ka káwoli tɔ́ɔ ḿâ a gɛɛ ká ŋáƃenâi káa ǹyéei tôŋ su, ká tɔ́ɔ tɔ̀ŋ! Ka ŋáturui wóo mɛ́ni ká káwoli tɔ́ɔ ma a ǹɛ́lɛɛ.

Izikiɛ 43:7

“Núu-kpune ǹóŋ, gwaai ŋí ma ƃa ŋá kâloŋ sèe-sɛŋ ŋá. Ŋ́gɔɔ tɔɔ̂i ká ŋí. Ƃɛ́ ƃé ŋa pâi kɛ̂i naa Eezuɛ-ŋai sáma wɔ́lɔ-wɔlɔ da wɔlɔ-wɔlɔ. Ǹyaŋ Eezuɛ-ŋai dífe ŋɔ́nɔ pâi ńaa maa-waai maa tĩa karâi. Dia, kpaa máŋ gâloŋ-ŋai dífe ŋɔ́nɔ pâi ḿaa tĩa karâi a ɣâla da kpɛ́ni fɛliɛɛ kpaa máŋ a kâloŋ-ŋa pɔkɔɔŋ tɔɔ́ naa.

Zɛkɛrâya 9:16

Maa ɣêlei tí, Yâwɛɛ nyii gáa a Díɣâlai, a pâi díƃalôi, kpɛ́ni fêi, dia ƃé díkaa a ŋɔƃála-ŋai, kpɛ́ni fêi, díkaa yɛ̂ɛ gane-ŋai da kɛ̂ kâloŋ ŋûa-ƃɔrɔ mai, da pâi fôloi ŋɔlɔii su.

Nɔŋba 1:50

Kɛ́lɛ Liiva-ŋai kɛ́ Ŋásua kɔlɔ seɣe pɛrɛ maa waai mɛi da maa-sãa kélee. Dia nɔ́ ƃa pɔ̂ri liî a maa sãa kélee. Ƃɛ́i kélee da lî naai dí bîlaŋ, dí díƃûui tɔ́ɔ dí dínaŋ ma. Dia nɔ́ ƃa pɔ̂ri tíi kɛ̂i mu.

Nɔŋba 10:14

Zudasi ŋɔƃûui su-ƃelai ƃé tɔ̀ɔ tuɛ da díƃenâi mu-ƃelai, nyii-ŋai dítuɛ-nuui è kɛ̀ a Aminɛda ǹóŋ Nasuŋ.

Nɔŋba 10:18

Lubiŋ ŋɔƃûui su-ƃelai da díƃenâi mu-ƃelai ƃé lɛ̀ɛ naa pôlu díkpulu ma, nyii-ŋai dítuɛ-nuui è kɛ̀ a Sidu ǹóŋ Ilizɔ.

Nɔŋba 10:22

Ifiraŋ ŋɔƃûui-su-ƃelai ƃé lɛ̀ɛ nàa pôlu díkpulu ma, nyii-ŋai dítuɛ-nuui è kɛ̀ a Amiyu ǹóŋ Ilasama.

Nɔŋba 10:25

Daŋ ŋɔƃûui nyii lɛ̀ɛ m̀ûu-ŋai kélee pôlui, zu-ƃelai da díƃenâi mu-ƃelai dí lì díkpulu ma, nyii-ŋai dítuɛ-nuui è kɛ̀ a Amisadai ǹóŋ Aiezɛ.

Nɔŋba 2:1

Yâwɛɛ è mò Mose da Eelɔŋ dîa ǹyɛɛi,

Nɔŋba 2:10

“Nàa kwára-pere é kɛ́ Lubiŋ ŋɔƃenâi mu díkpulu ma. Lubiŋ ŋɔnûai túɛ-nuui ƃa Ilizɔ nóŋ Sidu.

Nɔŋba 2:3

“Diai pâi díwɔ̂ ƃuui tɔɔ̂i vóloi kulâi-perei dí kɛ́ Zudasi ŋɔƃenâi mu díkpulu ma. Zudasi ŋɔnûai túɛ-nuui ƃa Aminɛda ǹóŋ Nasuŋ.

Nɔŋba 24:2

Nàa ƃé è Eezuɛ-ŋai kàa naa díƃûu-ŋai púɔɔ dísuu ma tɛi-tɛi. Yâwɛɛ ŋɔmɔ̂leŋ è pà bɔ́,

Kɔleŋtiɛŋ Maa-ŋuŋ 14:33

Kpɛ́ni fêi, Ɣâla fé a yóo-yoo Ɣâla, kɛ́lɛ, gáa a lii-sêe Ɣala. Ŋ̀âla-ƃelai Díɣâla-pɛrɛ-ŋai kélee mu,

Kɔleŋtiɛŋ Maa-ŋuŋ 14:40

Kɛ́lɛ, fɛ̂ɛ m̀ɛnii kélee é kɛ́ a ǹɛ́lɛɛ gɛ ƃò a zã́a.

Felepiɛŋ 1:27

Ka ǹɛɛ nɔ́ naa kakɛ-ɣeniɛi kɛ-pere é kɛ́ Kôrai ŋɔtuŋ lɛ́lɛɛi ŋɔperei ma, a gɛ́ɛ a nɛ̃ɛ ma kpîŋ ŋá pá a gɛ́ɛ ŋá kákaa kpaa máŋ ŋá kɛ́ ŋ́ɛi pôlu, ŋá mɛni a gɛ́ɛ kákaa tɔɔ̂ni a gbanaŋɔɔ mɔlêŋ tɔnɔ su a kili-ŋa-sia tɔnɔ, kátɔɔ̂i kɛ́ ƃô tɔnɔ ká kɛ́ kɔ́ gîe ma Duŋ Lɛ́lɛɛi maa-laa-lai mɛni ma.

Kolasiɛŋ 2:19

Va gbonoi Ŋuŋ sôŋ a gbanaŋɔɔ, nyíi a gbonoi da ŋoŋo-ŋai ŋá kɔ̀ŋ é díɣiri díkîe ma gbulɔ̂ŋ-ŋai da ǹúu sarâi. Gbonoi ŋɔƃɔlɔi a kûla Ɣâla yêei.

Zasua 3:4

Nya ƃe pâi gɛ̂i ká berei kɔ́lɔŋ, kpɛ́ni fêi, káfe niî tɛɛ ní la a bɔlɔ. É máŋ kɛ́ tí, fɛ̂ɛ kákɛ a kámaa kúlaa gono-tee gãlai ma a kɔ́ɔ-ƃɔlɔni wála saaƃa (3,000). Káfe lɛ̀ɣɛ gɔlɛ ma.”