Nɔŋba 19:3 - Ŋ̀âla Kɔlɔ Maa Waai

³ Ka dɛ̀ɛ zâla láa-soŋ-nuui Ilieza pɔ́, é ǹûai kɛ́ dí lí la m̀ûui pôlu-pere dí báa Ilieza ŋɛ́i-tuɛ.

Nɔŋba 19:3 ပူးပေါင်းရင်းမြစ်များ

Levetekɔ 16:27

Ǹiŋai da m̀olii dí díkula a zɔnyɔ̂ŋ salai dí lí a díŋãa Gwaa Maa Waai ma, sɔnyɔ̂ŋ su mɛni lɛɛ mɛni mai, da pâi kulâi a dípoma m̀ûui su. Da pâi díkɔlɔ, díluu da díkoi sãai kêrenii.

Levetekɔ 24:14

“M̀ó ǹûai dîa dí kúla la m̀ûui su dí lí la díkpɔŋ gîe ma kwaai ḿa, diai kélee ŋ̀óo mɛnii dí díyee pɛ́lɛ ŋ̀ûa dí fáa ma a gɛɛ bere ƃé è m̀o la. A kɛ̀ tí, gbɔŋ su-ƃelai kélee dí zɔɔ a kɔni é lɛ́ɛ la zu é sáa.

Levetekɔ 4:11

Kɛ́lɛ é niŋa-sirɛi kɔlɔ síɣe da ǹúu, da ŋ̀uŋ da gbɔ̂rɔ, da goi sãai é pɛ́lɛ buru ma, é kúla a gélee mûui su é lí la gwaa ma waai ma ƃɛ́i da ǹuui pîli naai, é géreŋ naa.

Levetekɔ 4:21

É kúla a niŋa-sirɛi m̀ûui su é géreŋ yɛ̂ɛ berei è gɛ̀ la a niŋa-sirɛi maa-ŋuŋ. Gáa a sɔnyɔ̂ŋ su mɛni lɛ̀ɛ maa sâla sɛŋ Eezuɛ-ŋai mɛni ma.

Nɔŋba 15:36

Nya ƃe Eezuɛ-ŋai kélee dí kùla la m̀ûui su dí zɔɔ a kɔni dí bàa yɛ̂ɛ berei Yâwɛɛ è mò la Mose mai.

Nɔŋba 19:9

A kɛ̀ tí, ǹúui maa waai, é niŋa-kereŋ-luui ŋá tɛ́ ma é bû kwaa maa waa mâ m̀ûui pôlu-pere. Dí bû naa Eezuɛ-ŋai dímɛni maa waa yai kpɛtɛ-mɛni ma.

Nɔŋba 3:4

Kɛ́lɛ Nada da Abiu dí sàa Yâwɛɛ ŋɛ́i-tuɛ Sana Fɛ̃ɛ-kpalaŋ su tãi dí kéreŋ-sala kùla-ŋɔŋ tɛ̀ɛ la Yâwɛɛ pɔ́, nyii vé kɛ́ ní a maa waai. Mɛni ma Ilieza da Itama dí sâla-laa soŋ-tii kɛ̀ dínâŋ Eelɔŋ mu tãi è kɛ̀ la ɣele mai.

Nɔŋba 5:2

“M̀ó Eezuɛ-ŋai dîa dí gɔlɔ kâra-maa kɔlɔ-fela-ƃelai kúla mûui su da diai kɔlɔ-fela nyɔ́mɔɔ káa dîa nyii a gɛ̀ yá kɛ́ kúla diai, da diai kélee dímaa fé waa ní, kpɛ́ni fêi, dí lɛ̀ɣɛ saa mai.