Nɔŋba 19:16 - Ŋ̀âla Kɔlɔ Maa Waai

¹⁶ À kɛ̀ núu a ǹyée pɛ̀lɛ nuu-poma ma nyii dí bàa a ƃóa-sɔ̂kpɔ, kpaa máŋ nyii saa gbɔ́ɔi yee ma panaŋ ma, kpaa é ǹyée pɛ̀lɛ nuu-káo ma kpaa máŋ ƃolôŋ ma, maa-nuui maa fé pâi kɛ̂i a ŋwaa a ɣele-kuu lɔ́ɔlu mɛi feerɛ.

Nɔŋba 19:16 ပူးပေါင်းရင်းမြစ်များ

Azaya 52:11

Káai kélee ka Ŋ̀âla-pɛrɛ Kɛ́tɛi mu-sãai mɛi kâai, ka ká kpîŋ maa wáa, ká kúla Babelɔŋ, Káfe lɛ̀ɣɛ sɛŋ da ma nyii m̀aa fé wàa níi.

Izikiɛ 44:26

Tãi a m̀aa waa lai, fɛ́ɛ é maa-kpɛŋ kɛ́ a fólo lɔ́ɔlu-mɛi feerɛ.

Levetekɔ 21:1

Yâwɛɛ è mò Mose ma ǹyɛɛi, “M̀ó Eelɔŋ ǹônii nyii-ŋai díkaa a zâla láa soŋ-ƃelai dîa a gɛɛ dífe pêle kɛ̀ saa kûu su. Da gɛ̀ tí dífe pâi kɛ̂i a dímaa waa.

Nɔŋba 19:11

“Ǹúui a ǹyée pɛ̀lɛ poma mai, maa-nuui maa fé waa ní a fólo lɔ́ɔlu mɛi feerɛ.

Nɔŋba 19:15

Bɛ́rɛ tí mu sɛŋ-foloi kélee ǹáa ƃoɔi nyii ǹá-tɛ-sɛŋ fé mai, maa fé waa ní.

Nɔŋba 31:19

Kákelee ka lɛɛ ƃɛ́ káfe lɔ̀ m̀ûui su a ɣele-kuu lɔ́ɔlu mɛi feerɛ. Ǹúui kélee a núu páa kásamai, kpaa máŋ ǹúui kélee a ǹyée pɛ́lɛ núu-poma mai, fɛ̂ɛ da maa nuui wáa da kákɔ-soŋ-nɛyãai a ŋ̀ele-kuui zaaƃa-ɣelei da mɛi feerɛ-ɣelei.

Nɔŋba 5:2

“M̀ó Eezuɛ-ŋai dîa dí gɔlɔ kâra-maa kɔlɔ-fela-ƃelai kúla mûui su da diai kɔlɔ-fela nyɔ́mɔɔ káa dîa nyii a gɛ̀ yá kɛ́ kúla diai, da diai kélee dímaa fé waa ní, kpɛ́ni fêi, dí lɛ̀ɣɛ saa mai.

Nɔŋba 6:6

Tãi ma a gbîŋ tɛ̀ɛ la Yâwɛɛ pɔ́i, vé lɛ̀ɣɛ saa kɔlɛ.

Nɔŋba 9:6

Kpakolo da-ni dí kɛ̀ naa dífe pɔ̂ri ní dɛɛ-mɛi-kuui kɛ̂i a maa ɣelei tí, kpɛ́ni fêi, dí lɛ̀ɣɛ saa ma, ǹyaŋ dímaa fé kɛ́ ní a ŋwaa. Mɛni ma ǹûai ŋí dí pà Mose da Eelɔŋ pɔ́ a maa-ɣelei tí dîɛ diai,

Maafîu 23:27

“Kpalo ƃélaâi kâa, káai a gɔlɔ-pɔ̃yɛ-ƃelai da Faresii-ŋai. Kákaa a kiri-ƃelai! Kpɛ́ni fêi, kákaa nɔ yɛ̂ɛ ƃolôŋ kole-ŋa, nyii-ŋai díŋini-ŋa-pere lɛ́lɛɛ̂i, kɛ́lɛ, dísu-pere láa fɛ́ɛ a núu-kao-ŋa da sãa liƃiɛɛ-ŋa.

Lûu 11:44

Kpalo ƃélaâi kâa! Kpɛ́ni fêi, kákaa nɔ yɛ̂ɛ ƃolôŋ nyii núu fa gàa, kɛ́lɛ, nûa díkɛ sia mɛi, dífa gɔlɔŋ.”