Nɔŋba 19:13 - Ŋ̀âla Kɔlɔ Maa Waai

¹³ Ǹúui kélee a ǹyée pɛ̀lɛ poma ma, kɛ́lɛ va gbîŋ wàa a Yâwɛɛ Ŋɔsua kɔlɔ seɣe pɛrɛ maa waai kàra, fɛ̂ɛ dí maa nuui kúla Eezuɛ-ŋai sáma. Maa fé waa ní-laai a lɛɛ ma é lɛ́ɛ la zu dí ŋwaa a zɔnyɔ̂ŋ-su-mɛni lɛɛ-yai.

Nɔŋba 19:13 ပူးပေါင်းရင်းမြစ်များ

Ɛsedɔ 30:33

Ǹúui pâi wúlɔ kpɛtɛ̂i yɛ̂ɛ ǹyaai, kpaa máŋ é da pú ǹúui ma vé a sâla láa-soŋ-nuui, ma nuui ŋɔnûa da pâi gulâi dísama.’ ”

Táre-woo-ŋa 14:32

Ŋ̀wana-lɔ̂ɔ-nuui ŋɔŋwana-lɔ̂ɔ-tuai a ǹyée mɛi ɣâle, kɛ́lɛ tɔ̃yâ-nuu ŋɔtɔ̃yâ-tuai a maa kɔ̃ɔ.

Izikiɛ 44:26

Tãi a m̀aa waa lai, fɛ́ɛ é maa-kpɛŋ kɛ́ a fólo lɔ́ɔlu-mɛi feerɛ.

Levetekɔ 15:31

“Ǹyaŋ Yâwɛɛ è mò Mose da Eelɔŋ dîa a gɛɛ dí Eezuɛ-ŋai lîa-woo ƃó é pîlaŋ dímaa waa-laai mɛ̂ni ma, a gɛɛ dífa lâa Yâwɛɛ ŋɔ pɛ́rɛi maa tĩa kara la nyii kɛ̀ mûui sámai. À kɛ̀ da gɛ̀ tí, gɛ̀ ní da pâi saâi.”

Levetekɔ 20:3

Nuui nyii a ǹóŋ tɛɛ Molɛ pɔ́ nyii pâi ŋá pɛ́rɛi kɛ̂i maa fa kɛ̀ a ŋ̀waâi, é tela ƃâa kula náa maa waai mai, ŋa pâi ḿbôlu tɔ̂ɔi maa nuui tí ma. Ǹyaŋ vé ŋɔ́nɔ pâi kɛ̂i a ŋá ǹûai da.

Levetekɔ 22:3

M̀ó dîa à kɛ̀ dílônii da nyii maa fé waa níi a pà zama-sãa maa waai kɔlɛ nyii Eezuɛ-ŋai dí zìɣe zu ḿaa mɛni mai, maa nuui fé ŋɔ́nɔ wɔ́lɔ pâi tíi kɛ̂i mî ŋ̀âla-teƃelei ma. Ńyãa ƃa Yâwɛɛ.

Levetekɔ 22:4

“Eelɔŋ ǹóŋ nyii kélee gbôdo káa mai, kpaa máŋ yá a kula mai é ŋásama-sãai maa da mii é lɛ́ɛ la zu maa é wáa. Eelɔŋ ǹóŋ da fé lɛɣɛ sɛŋ da ma nyii a lɛɣɛ saa ḿa, kpaa máŋ nuui ma yá a kulâi mai,

Levetekɔ 5:17

À kɛ̀ núu da à sɔnyɔ̂ŋ kɛ̀ a Yâwɛɛ ŋɔtɔ̂ŋ-ŋai da kàra nyii vé gili níi, berei máŋ vé gili ní lai, ŋɔsɔnyɔ̂ŋ káa ŋ̀ûa, ǹyaŋ fɛ̂ɛ é vela fêi kɛ́.

Levetekɔ 5:3

Kpaa máŋ à kɛ̀ núu da a lɛ̀ɣɛ núu kponôi sɛŋ da ma nyii maa liƃiɛɛ̂i Yâwɛɛ ŋɛ́i, berei máŋ è lɛ̀ɣɛ la ma dɛ̂i perei, tãi nɔ́ maa nuui a gɔ̀lɔŋ lai, gɛ̀ ní a sɔnyɔ̂ŋ kɛ́.

Levetekɔ 5:6

é pá a ƃála-sâa kpaa máŋ ƃoli-sâa Yâwɛɛ pɔ́ a ŋɔsɔnyɔ̂ŋ maa sâla sɛŋ. Zâla láa soŋ nuui é ǹúui ŋí ŋɔsɔnyɔ̂ŋ ḿaa sâla kula a m̀álai kpaa m̀ólii ŋí.

Levetekɔ 7:20

Kɛ́lɛ à kɛ̀ nuui nyii maa fé waa ní a zuai ŋí da m̀ii, maa nuui fé pâi wɔ́lɔ kɛ̂i a Ɣâla ŋɔnûai da.

Levetekɔ 7:21

À kɛ̀ núu a lɛ̀ɣɛ sɛŋ da ḿâ nyii m̀aa fé waa níi, é máŋ kɛ́ a, núu, fɛnɛ-sɛŋ, kpaa máŋ sɛŋ da kélee nyii maa fé waa nîi, é Yâwɛɛ ŋɔlii-see sala-sɛŋ ŋí zua da m̀ii, maa ǹúui tí fé pâi wɔ́lɔ kɛ̂i a Ɣâla ŋɔnûai da.

Nɔŋba 15:30

“Kɛ́lɛ ǹúui a giri é sɔnyɔ̂ŋ kɛ́i, a nɛ̃ɛ ma é kɛ́ a Eezuɛ-nuu, kpaa máŋ ŋɔ̃ya, gɛ̀ ní a tɛ-ŋɛi kɛ́ a Yâwɛɛ. Ǹyaŋ fɛ̂ɛ dí maa-nuui tí kúla ŋɔnûai sáma.

Nɔŋba 19:14

“Núu à sàa ŋɔpɛ́rɛi mu, maa tɔ̂ŋ ká ŋí. Ǹúui kélee a lɔ̂ ŋɔpɛ́rɛi mui, da ǹúui kélee gáa naa a maa-tãi tíi, dímaa fé pâi kɛ̂i a ŋwaa a ɣele-kuu lɔ́ɔlu mɛi feerɛ.

Nɔŋba 19:18

Fɛ̂ɛ ǹúui maa waai é kpalo siɣe é ǹɔ́ ǹyái su é gbɛ́mɛŋ bɛ́rɛi ma da mu-sãa kélee, é pɛ́lɛ ǹûai kélee dîa kɛ̀ nàai. É ŋɔ́nɔ gbɛ́mɛŋ ǹúui ma nyii ǹyée pɛ̀lɛ nuu-kaoi, kpaa máŋ ǹúu-pomai mâ nyii dí bàai, kpaa máŋ ǹúui sàa gbɔ́ɔi yee mai, kpaa máŋ é ǹyée pɛ́lɛ ƃolôŋ mai.

Nɔŋba 19:19

Fɛ̂ɛ ǹúui maa waai é ǹyái kpɛ́mɛŋ ǹúui mâ nyii maa fé waa níi a ŋ̀ele kuui zaaƃa-ɣelei da ŋ̀ele-kuui ǹɔ́ɔlu mɛi-feerɛ-ɣelei. Bere ƃé a pâi ǹúui tí maa waâi la a ŋ̀ele-kuui ǹɔ́ɔlu mɛi feerɛ-ɣelei. Fɛ́ɛ maa-nuui é ŋɔseɣe-ŋai wáa é gbîŋ waa máŋ a yá, gɛ̀ ní a pâi kɛ̂i a maa waa a maa ɣele-wulii tí.

Nɔŋba 19:20

“À kɛ̀ ǹúui maa fé waa níi, vé gbîŋ waa ní, fɛ̂ɛ dí maa nuui kúla Eezuɛ-ŋai sáma, a Yâwɛɛ Ŋɔsua kɔlɔ pɛrɛ maa waai maa tĩ̂a kàra. Kpɛni fêi, dífe zɔnyɔ̂ŋ su-mɛni-lɛɛ-yai pú ní mà. Ǹyaŋ maa fé waa ní.

Nɔŋba 19:9

A kɛ̀ tí, ǹúui maa waai, é niŋa-kereŋ-luui ŋá tɛ́ ma é bû kwaa maa waa mâ m̀ûui pôlu-pere. Dí bû naa Eezuɛ-ŋai dímɛni maa waa yai kpɛtɛ-mɛni ma.

Nɔŋba 8:7

Berei ƃa pɔ̂ri dímaa waâi lai ǹyaa ká ŋí. Zɔnyɔ̂ŋ su-mɛni-lɛɛ-yai kpɛ́mɛŋ dîa, dí díkɔlɔ-leɣa pú, dí díseɣe-ŋai wáa, dí díkpîŋ maa waa.

Nɔŋba 9:13

Kɛ́lɛ ǹúui m̀aa waâi vé tela sia mai, à wàla dɛɛ-mɛi-kuui kɛ́ a gɛ́-tãi, fɛ̂ɛ dí maa-nuui kúla ŋɔnûai sáma, kpɛ́ni fêi, vé ŋásama-sɛŋ tɛɛ ní a dɛɛ-tãi. Ǹyaŋ fɛ̂ɛ maa-nuui é ŋɔsɔnyɔ̂ŋ maa-fela-fei kɛ́.’

Zɔ̂ŋ 8:24

Ŋá mò káa a gɛɛ ka pâi saâi kásɔnyɔ̂ŋ su. Kpɛ́ni fêi, ka pâi saâi kásɔnyɔ̂ŋ su, fɛ̂ɛ ka laa la a gɛɛ ńyãa ƃa ǹyaa.”

Ibulu 10:29

Káfe gɔ́lɔŋ a gɛɛ ǹúui a Ɣâla Ǹóŋ kpɔ̀ara é gbanaŋ-woo-kɛɛi maa-ŋãai kara, nyíi maa waai, é tela Mɔlêŋ ŋumɛ nyíi a ƃɛlɛ-sêe tɛ̂ɛi, ŋɔtɔŋ-kpɛ́-maai kɛ́tɛ̂i é tɛ́ɛ nyíŋi ma?

Ibulu 9:10

Kɛ́lɛ, díkaa nɔ́ mii-sɛŋ mɛni ma, kpele-sɛŋ, da núu-waa-pere sii da kpɛni-ŋa, é pɛ́lɛ núu kpono ŋɔtɔ̂ŋ-ŋai dîa nyíi-ŋai da bù ǹûai dîa é lɛ́ɛ la zu mɛni maa-faleŋ tãi é seri.

M̀ɛni-lɛɛi 21:8

Kɛ́lɛ, à kɛ̀ a ǹyao-ƃelai, da diai laa-la fé díyêei, diai díliƃiɛ̂i, à kɛ̀ a ǹúu-paa-ƃelai, da ŋwulu-wulu kɛ́ ƃelai, da ŋwulu-ƃelai, da ŋ̀âla-pɔkɔɔŋ fɛli-ƃelai, da nɛ́ɛ ƃelai kélee, díwɔ̂i a pâi kɛ̂i ŋɔŋ kɛ́tɛi su, nyíi sɔfɔ káa zui, nyíi gáa yɛ̂ɛ pôa kɛ́tɛi, ǹyaŋ zaai veerɛ ɣelei ká ŋí.”

M̀ɛni-lɛɛi 22:11

Tɔɔ zɔnyɔ̂ŋ-ƃelai dí kɛ́ niî sɔnyɔ̂ŋ kɛ̂i, maa-liƃi-ƃelai maa é kɛ́ niî a ǹiƃiɛ, dɔ̃yâ-ƃelai dí kɛ́ niî tɔ̃yâ-tua kɛ̀, diai dímaa waâi, dí kɛ́ niî a dímaa waa.”

M̀ɛni-lɛɛi 22:15

Diai da mɛni maa faleŋ, tɛli-kpɛ́-ƃela, wulu-wulu kɛ́-ƃela, núu-paa-ƃela, ɣâla-pɔkɔɔŋ fɛli-ƃela, da diai kélee dí wôya-mɛni wɛ́li ni, díkɛ maa kɔ̂rii díkaa daa-leei ŋɔsiɣãŋ pôlu pere.