Nɔŋba 18:8 - Ŋ̀âla Kɔlɔ Maa Waai

⁸ Yâwɛɛ è mò Eelɔŋ ma ǹyɛɛi, “Zama-sãai Eezuɛ-ŋai dí dɛ̀ɛ ḿbɔi, nyii-ŋai kélee dífe kɛ́ ní a kéreŋ-salai, ŋa dítɛɛ kápɔ a káwɔ̂i ka ílônii wɔlɔ-wɔlɔ da wɔlɔ-wɔlɔ.

Nɔŋba 18:8 ပူးပေါင်းရင်းမြစ်များ

Kâloŋ Veerɛi 12:16

Zɛŋ kâoi da kâa dɛ̀ɛ a kpa kpɛɛ sama-sɛŋ da sɔnyɔ̂ŋ su-mɛni lɛɛ sama-sɛŋ, dífa kâa bù ŋâla-pɛrɛ kɛ́tɛi mu. Kɛ́lɛ zɛŋ kâoi ŋí a kâa kɛ̀ nɔ́ zâla láa-soŋ-ƃelai mɛni ma.

Kɔlɔnikɔ Veerɛi 31:4

E mò Zerusâlɛŋ-ƃelai dîa a gɛ́ɛ dí zãai m̀aa nɛ̃ɛi dí dɛɛ zâla láa-soŋ-ƃelai da Liiva-ŋai pɔi tɛ́ɛ a gɛ́ɛ dí Yâwɛɛ ŋɔtɔ̂ŋ mɛi káa yɛ̂ɛ berei gaa lai.

Kɔlɔnikɔ Veerɛi 31:5

Dɔ̂ŋ ŋí kɛ́ɛ a serii, Eezuɛ-ŋai dí dísi-sɛŋ m̀aa-ŋuŋ ŋai tɛɛ kpɔ́ a kili-kula pere. Zãai ŋí díkɛ a mii-sɛŋ da ŋwã̂ai nina, ɔle wúlɔ da kwɛ̃ŋ-wulɔ, é pɛlɛ zãai kélee ma kɛ̀ díkpâlaŋ-ŋai. Dí pa sãai kélee buu ɣelei.

Ɛsedɔ 28:43

Fɛ̂ɛ zeɣe-ŋai ŋí dí kɛ́ Eelɔŋ m̀a da ǹônii a tãi kélee dí lɛ́ɛ liî zua-kɔlɔ seɣe pɛrɛi mu kpaa máŋ dí lɛ́ɛ lɛɣɛ̂i ŋ̀âla-teƃelei kɔlɛ a gɛɛ dí tíi kɛ́ mî Gwaa Maa Waai ma. À wàla kɛ́ tí, sɔnyɔ̂ŋ a pâi kɛ̂i dîa, ǹyaŋ gɛ̀ ní da pâi saâi. Tɔ̂ŋ kpanaŋ ká ŋí Eelɔŋ mɛni ma da ŋɔsuui.”

Ɛsedɔ 29:21

Ŋãai gáa ŋ̀âla-teƃelei mai da siɣe í bù-ŋua ŋulɔi da siɣe í gbɛ́mɛŋ Eelɔŋ ma da ŋɔseɣei. Í da kpɛ́mɛŋ Eelɔŋ ǹônii dîa da díseɣe-ŋai. Bere sii ŋí ƃé ǹyaa da ǹônii é pɛ́lɛ díseɣe-ŋai dîa dímaa a pâi kɛ̂i la a ŋwaa.

Ɛsedɔ 29:28

Gáa a ŋatɔ̂ŋ kpanaŋ a gɛɛ zua kpua-ŋai ŋí dí kɛ́ a Eelɔŋ da ǹônii dípɔɔ a tãi kélee, nyii-ŋai kùla Eezuɛ-ŋai yêei a sama-sãai. Eezuɛ-ŋai dí gùla dílii-see sama sãai su dí nâai kɛ́ zâla láa soŋ-ƃelai mɛni ma. Gáa a dísama-sɛŋ ḿɛni ma.

Ɛsedɔ 29:29

“Tãi Eelɔŋ a pâi saâi lai ŋɔseɣe maa-waa-ŋai da pâi kɛ̂i a ǹônii pɔ́ɔ a gɛɛ dí doo dîa dí wúlɔ pú díŋûa.

Ɛsedɔ 40:13

Zâla-laa soŋ-tii kɛ́-seɣei tóo Eelɔŋ ma í wúlɔ pú ŋ̀ûa í zee a gɛɛ é sâla-laa soŋ-tii kɛ́ mî.

Ɛsedɔ 40:15

Í wúlɔ pú díŋûa yɛ̂ɛ berei í bù la dínâŋ ŋûa a gɛɛ dí sâla-laa soŋ-tii kɛ́ mî. Ŋ̀úlɔ púɔɔ díŋûa a pâi dísuui kɛ̂i a sâla laa soŋ-tii kɛ́-ƃela wɔlɔ-wɔlɔ da wɔlɔ-wɔlɔ.”

Azaya 10:27

Tãi tí a sèri, ŋa pâi káŋuŋ maa ƃôi Asiria yêei. Vé pâi ŋɔ́nɔ pɔrîi mɛni da kɛ̂i a káa. Ŋɔkáraŋ-ŋai kákɔŋ mai, ŋa pâi díkulâi naa ŋá dísu kara.”

Levetekɔ 21:10

Zâla láa soŋ-nuui kɛ́tɛi nyii da wulɔ pú ŋ̀ûa, da m̀aa waa, da zâla láa soŋ seɣei tɛ́ɛ bɔ́i, é kɛ́ ŋ̀uŋ su kulâi, vé ŋɔseɣei fâla a gɛ́ɛ malôŋ sèe ƃôi ŋɔnúu da saa mɛ̂ni ma.

Levetekɔ 23:20

Zâla láa soŋ-nuui a pâi m̀ála lonii feerɛi ŋí siɣêi da gbólo kpuai é dílaa seri ḿâ. Díkaa a sama-sãa maa waa ḿɛni ma.

Levetekɔ 6:16

Eelɔŋ da ǹônii dí gbéli kpɛtɛ a kpólo nyii tɛ́-sɛŋ fé zui, dí mii Yâwɛɛ ŋɔpɛ́rɛ maa waai mu.

Levetekɔ 6:18

Eelɔŋ ǹônii sinaai dísuui su sinaai díwɔ̂ sala-sɛŋ mii ká ŋí zâla sɛŋ su nyii da dɛ̀ɛ Yâwɛɛ pɔ́i. Gáa a díwɔ̂i wɔlɔ-wɔlɔ da wɔlɔ-wɔlɔ. Núu da kpɛ́ni a lɛ̀ɣɛ mii-sɛŋ ŋí ḿâ, a pâi naa pɔɔ lɛ̂i, kpɛ́ni-fei m̀aa waai.

Levetekɔ 6:20

Zama-sɛŋ ŋí ƃé Eelɔŋ da ǹônii da pâi dɛɛ̂i Yâwɛɛ pɔ́ tãi da díyee pɛ̀lɛ la Eelɔŋ ŋûai, felaƃa fũa pãŋ feerɛ a ŋ̀ele kélee mii-sɛŋ ḿaa sala sɛŋ. Dí ŋá kɔlɛ gîei feerɛ, gbua tɔnɔ kɛ́ ƃò a ŋ̀ele-wâa sala sɛŋ, gbeli kɛ́ ƃò a ŋ̀ele-wulii ŋ̀ɔi.

Levetekɔ 6:26

Zâla láa soŋ nuui nyii zâlai ŋí kulâi é ma suai míi Gwaa Maa Waai ma Yâwɛɛ Ŋɔsua-kɔlɔ seɣe pɛ́rɛi mu.

Levetekɔ 7:14

É gbólo-ŋai ŋí síɣe tɛi-tɛi yɛ̂ɛ berei díkpɛtɛ pere káa lai é dɛ́ɛ Yâwɛɛ pɔ́. Gáa a zâla láa soŋ nuui nyii a zâla taa-tulɛi ŋãa kpɛ̂mɛŋ ŋ̀âla-teƃelei mai pɔ́ɔ.

Levetekɔ 7:28

Yâwɛɛ è mò Mose ma a gɛɛ é mó Eezuɛ-ŋai dîa ǹyɛɛ

Levetekɔ 7:6

Zinâai kélee díkaa zâla láa soŋ ƃelai samai da pɔ̂ri zâla sɛŋ ŋí da miî. Kɛ́lɛ fɛ̂ɛ dí mii gwaa ma waai ma. Gáa a sâla sɛŋ maa waa kɛ́tɛi.

Levetekɔ 8:30

Gɛ̀ ní Mose é ŋ̀úlɔ maa-waai da sìɣe da zua ŋãai nyii kɛ̀ ŋála-teƃelei ŋái é gbɛ́mɛŋ Eelɔŋ da ǹônii dîa, é da kpɛ́mɛŋ díseɣe-ŋai dîa. Bere sîi ŋí su è dí maa wâa da díseɣe-ŋai Yâwɛɛ ŋɔtíi kɛ́ mɛni ma.

Nɔŋba 18:9

Zama-sãa maa waai nyii-ŋai dífe a kéreŋ-salai, nyii-ŋai díkaa a kápɔɔ ka ílônii, dia ká ŋí. Mii-sɛŋ sâla, sɔnyɔ̂ŋ su-mɛni lɛɛ sâla da mɛni lɛɛ-maa sala. Sama-sɛŋ maa-waa nyii kélee da dɛ̀ɛ ḿbɔi, díkaa a kápɔɔ ka ílônii.

Nɔŋba 5:9

Ǹyaŋ sama-sãa kélee da sãa maa waa kélee nyii-ŋai Eezuɛ-ŋai da pâ la zâla láa soŋ-nuu pɔ́i, díkaa a bɔ́ɔ.

Kɔleŋtiɛŋ Maa-ŋuŋ 9:13

Káfe gɔ́lɔŋ a gɛ́ɛ diai da tíi kɛ̀ Ŋ̀âla-pɛrɛ kɛ́tɛi mui da dímii-sɛŋ sɔlɔ ƃô Ŋ̀âla-pɛrɛ kɛ́tɛi mu, diai da tíi kɛ̀ teƃele mai, díkɛ zâla-sãai da sɔlɔ ƃo?

Dutɛrɔnome 12:11

Ǹaa ƃé Yâwɛɛ a pâi ǹɛ̂i a kásee kwaa ma. Gɛ̀ ní fɛ̂ɛ ká pá naa a kákereŋ sama sãai, kásâla sãai, kákɔ̃liŋ buu-ɣelei, zama sãâ da kpɛ́ni-ŋai da nyii-ŋai kélee ká kákono tèe la Yâwɛɛ mɛni mai.

Dutɛrɔnome 12:6

Ǹaa ƃé ká pá naa a kákereŋ sama sãai, kásâla-sãai, kákɔ̃liŋ buu-ɣelei kásama sãa kpiŋ-kpiŋ-ŋai zama-sãai ká kákono-tee lai, da kátaa-tulɛ lonii m̀aa-ŋuŋ-ŋai.

Dutɛrɔnome 18:1

“Eezuɛ-ƃelai dílɔii da fé a zâla láa-soŋ-ƃelai da Liiva sii su-ƃelai kélee da pɔ́ɔ. Díkɔ̃liŋ ƃé pâi kɛ̂i a zâla sãai ǹûai da pa la Yâwɛɛ pɔi.

Dutɛrɔnome 26:13

Gɛ̀ ní m̀ó Íɣâlai Yâwɛɛ ma yɛ̂ɛi, ‘Ŋaâ zãa m̀á nyii-ŋai gáa a ípɔɔi kélee kúla ŋápɛrɛi mu ŋa dítɛɛ Liiva-ŋai, dee-lôŋ-ŋai da bɔɔ-nɛyãai pɔ́ yɛ̂ɛ berei í mò la ḿâi. Mɛni-ŋai í mò ḿâi, fé ǹyée kula ní da mu, fé tela ǹia ní da ma.

Ibulu 1:9

Í tɔ̃yâ-laa wɛ́li ní. Ya wôya-mɛni kpɔara. Mɛni ma Ɣâla nyíi gáa a Íɣâlai a ísiɣe zu a lii-nɛ̃ɛ kɛ́tɛ da ƃaa-kɛ-maa kɛ́tɛ tɛ́ɛ ípɔ a tɛ̂ɛ íƃarâai dîa.”

Zɔ̂ŋ Maa-ŋuŋ 2:20

Kɛ́lɛ, Núu Maa Waai a wulɔ pú káŋûa. Ǹyaŋ ká kélee ká táreɛɛ̂i zu.

Zɔ̂ŋ Maa-ŋuŋ 2:27

Kɛ́lɛ, ŋulɔ-puɔɔ-ŋuai ká zɔlɔ ƃô ǹyêei, gáa kákponôi, ǹyaŋ vé a sɛŋ núu da é sɛŋ lɛ́ kâa. Kpɛ́ni fêi, ŋɔwùlɔ-pu-ŋuai a mɛni kélee lɛ́ káa é pîlaŋ sɛŋ kélee ma, ǹyaŋ gáa a tɔ̃yâ, lɛ́ɛ fé zu, yɛ̂ɛ berei è ǹɛ la kâai, ka kɛ́ gbonôi.