Nɔŋba 18:7 - Ŋ̀âla Kɔlɔ Maa Waai

⁷ Kɛ́lɛ ka ílônii nɔ́ ƃé ká zâla-laa-soŋ tii-ŋai kélee kɛ́ nyii-ŋai díkaa ŋ̀âla-teƃelei mɛni ma da Gwaa Maa Waai Ŋɔkwaa Maa Waai mai. Ŋa kásâla laa soŋ-tii tɛ́ɛ kápɔ a sama-sɛŋ. Ǹyaŋ núu da kpɛ́ni à lɛ̀ɣɛ naa, a pâi saâi.”

Nɔŋba 18:7 ပူးပေါင်းရင်းမြစ်များ

Wule-woo-ŋa 115:10

Káai a Ɣâla ŋɔsâla láa soŋ-ƃelai, ka láa a Yâwɛɛ. A kpɔŋ kâa, gɛ́ kámaa kɔ̃̂ɔ.

Ɛsedɔ 28:1

“Ílîa Eelɔŋ da ǹônii-sinaai kúla Eezuɛ-ŋai sáma í pá a dia a gɛɛ dí kɛ́ a ŋásâla láa soŋ-ƃela. Pá a Eelɔŋ da ǹônii Nada, Abiu, Ilieza é pɛ́lɛ Itama ma.

Ɛsedɔ 29:9

Í bɛ̂ti too díleŋei í ƃɔrɔ sée díŋûa. Da pâi kɛ̂i a ŋásâla láa-soŋ-ƃela wɔlɔ-wɔlɔ da wɔlɔ-wɔlɔ yɛ̂ɛ berei ŋá mò lai. Bere sii ŋí ƃé í Eelɔŋ da ǹônii see la dítii mɛi.

Izikiɛ 44:15

Ŋ̀wála-wâla kélee Yâwɛɛi è mo ǹyɛɛi, “Kɛ́lɛ zâla láa-soŋ-ƃelai nyii-ŋai kùla Liiva ŋɔsuui su, nyii-ŋai díkaa a Zadɔ ŋɔsuui su-ƃelai kɛ́ tíi kɛ̂i ḿî a tãi Eezuɛ-ŋai dí dípôlu tɔ̀ɔ la ḿâi, dia ƃé pâi kɛ̂i tíi kɛ̂i ḿî. Da pâi kɛ̂i tíi kɛ̂i ḿî díkɛ zama-sɛŋ suai wúlɔ da ŋãa kûla a sâla.

Izikiɛ 44:16

Dia nɔ́ ƃé pâi pâi ŋápɛrɛi mu dítii kɛ́ ŋáteƃelei ŋá. Dia nɔ́ ƃé pâi kɛ̂i ŋápɛrɛi mu tii mɛi kâai.

Izikiɛ 44:8

Káfe ŋa sãa maa-waa-ŋai mɛi káa ní kɛ́lɛ, ká dí tɛ̀ɛ ŋɔ̃ya-ŋa pɔ́ a gɛɛ díkɛ ŋápɛrɛi mɛi kâa.

Levetekɔ 16:2

È mò Mose ma ǹyɛɛi, “M̀ó ílîa Eelɔŋ ma a gɛɛ vé pà nɔ́ Gwaa Maa Waai ma nyii zeɣe belai káa sɛlɛnii naa ŋɛ́i tuɛ maloŋ kaa see-sɛŋ ŋɛ́i-tuɛ, nyii gáa see-ni gono-tee gâlai mɛi. Da pâi yenîi maloŋ kaa see-sɛŋ ŋí mai ŋ̀ele kɔlɔŋ kolei su. À gɛ̀ tí a pâi saâi.

Levetekɔ 7:35

Géreŋ salai dí gùla Yâwɛɛ mai m̀ɛi-ŋai ŋí ƃé dí dɛɛ Eelɔŋ pɔ́ da ǹônii a tãi dí dísee la a sâla láa soŋ-ƃelai.

Nɔŋba 1:51

Liiva-ŋai nɔ́ ƃa pɔ̂ri Ŋásua kɔlɔ seɣe pɛrɛ maa waai pîlanii dí gula. Núu da kpɛ́ni kélee à lɛ̀ɣɛ Ŋásua kɔlɔ seɣe pɛrɛ maa waai kɔlɛ, maa-nuui a pâi sâai.

Nɔŋba 16:40

Nyíŋi è kɛ̀ a kili-too-ŋa Eezuɛ-ŋai mɛni ma a gɛɛ diai kélee dífe a Eelɔŋ ŋɔsuui dai dífe pà ŋ̀âla-teƃelei ma kéreŋ-sɛŋ kúŋ nɛ̃ɛ kêrenii Yâwɛɛ mɛni ma. À kɛ̀ tí m̀aa-nuui su a pâi karâi yɛ̂ɛ Koa da ŋɔnûai. Mɛni-ŋai ŋí kélee è kɛ̀ yɛ̂ɛ berei Yâwɛɛ è mò la Ilieza ma Mose sârai.

Nɔŋba 18:20

Yâwɛɛ è mò Eelɔŋ mà ǹyɛɛi, “Ífe pâi Eezuɛ-ŋai díkɔ̃liŋ da kélee sɔlɔ ƃôi a ípɔɔ kpaa máŋ dílɔii gbua da. Ńyãai a Yâwɛɛ, ńyãa ƃa íkɔ̃liŋ da ílɔii Eezuɛ-ŋai sáma.

Nɔŋba 18:3

Da pɔ̂ri tíi kɛ́i yɛ̂ da Zua kɔlɔ seɣe pɛrɛ maa waai mu-tii kélee. Kɛ́lɛ dífe lɛ̀ɣɛ Zua kɔlɔ seɣe pɛrɛ maa waai mu-sɛŋ-folo-ŋai kɔlɛ da ŋ̀âla-teƃelei. Dà lɛ̀ɣɛ díkɔlɛ, ka dîa-ni ka pâi saâi.

Nɔŋba 3:10

Eelɔŋ lɛ́ da ǹônii a gɛɛ dí zâla-laa soŋ-tii kɛ́. Kɛ́lɛ núu da kpɛ́ni kélee à lɛ̀ɣɛ naa, maa-nuui a pâi saâi.”

Nɔŋba 3:38

È kɛ̀ a sɛŋ a gɛɛ Mose da Eelɔŋ é pɛ́lɛ Eelɔŋ ǹônii-sinaai dîa dí díƃûui tɔ́ɔ Zua kɔlɔ seɣe pɛrɛ maa waai ŋɛ́i-tuɛ vóloi kulâi-pere. À kɛ̀ núu da kpɛ́ni kélee a lɛ̀ɣɛ naa, da pâi maa-nuui tí paâi.

Maafîu 10:8

Ka kɔlɔ-fela-ƃela ƃálo, ká saa-ƃela mu siɣe saa yêei, ka gbôdo-ƃela ƃálo, ká nyînaŋ nyɔ́mɔɔ-ŋa kpɛ́. Berei ká zɔlɔ ƃô la kpɛni-kpɛni, ka dɛɛ nɔ́ tí kpɛni-kpɛni.

Zɔ̂ŋ 3:27

Zɔ̂ŋ e zu tòo, ǹyɛɛi, “Núu da kélee fa pɔ̂ri sɛŋ da sɔlɔ ƃôi, fɛ̂ɛ nyii da dɛ̀ɛ bɔ e kula Ɣâla-taai.

Ifisiɛŋ 3:8

Ɣâla è m̀ɛlɛ-seei ŋí tɛ̀ɛ ḿbɔ a gɛ́ɛ ŋá Kôrai ŋɔtɔɔ-laai maa-mɛni ƃo Zɛ̃tai-ŋai dîa, nyíi dɛɛ̂i kúkili-ŋa-siai mai, berei máŋ ŋ́gaa la a Ɣâla ŋɔnûai kélee dídoo-mui.

Dutɛrɔnome 18:2

Lɔii fé pâi kɛ̂i díyêei díƃarâai sáma. Yâwɛɛ ƃa díkɔ̃liŋ yɛ̂ɛ berei è góno tèe la díyêei.

Ibulu 5:4

Núu fa ƃâa kɛ̀ gbɔɔ̂i ḿâ, kɛ́lɛ, Ɣâla ƃa dòli yɛ̂ɛ berei è Eelɔŋ tòli lai.

Zasua 18:7

Fé ǹɔii da tɛ̀ɛ ní Liiva-ŋai pɔ́, kpɛ́ni fêi, Yâwɛɛ ŋɔsâla láa soŋ tii ƃa díwɔ̂ pɔɔ-sɛŋ. Gâa, Lubiŋ da Manasɛ suui su-ƃelai gbéli-ŋai dí díwɔ̂i sɔlɔ ƃô Mose, Yâwɛɛ yée mu-nuui yêei Zɔdiŋ Ya-leei kɔlɛ vóloi kulâi-pere.”

Pitɛ Maa-ŋuŋ 5:2

Ka Ɣâla ŋɔnuu-kpului mɛi káa nyíi kákaa mɛi. Vé a sɛŋ fɛ̂ɛ nɔ́ ká gɛ́, kɛ́lɛ, ka gɛ́ é kúla kálii su yɛ̂ɛ berei Ɣâla a ŋ̀wɛ̂lii ka gɛ lai. Káfe gɛ sɛŋ mɛni ma ŋumɛ-pere su, kɛ́lɛ, ka gɛ́, kpɛ́ni fêi, ka ŋ̀wɛ̂lii kpɔ́ a ŋánaa a gɛɛ ká gɛ́.

Pitɛ Maa-ŋuŋ 5:3

Diai kákaa dímɛi, káfe dímɛi kàa a wala-wala-laa, kɛ́lɛ, ká kɛ́ a pɔkɔɔŋ ǹúu-kpului mɛni ma.

Samia Maa-ŋuŋ 2:28

Maa tãi tí, ŋá Eelɔŋ da ŋɔsuui sìɣe zu Eezuɛ sii-ŋai kélee sáma ŋá díkɛ a ŋásâla láa soŋ-ƃela díkɛ sâla kùla ŋáteƃelei ma, díkɛ kéreŋ-sãa kúŋ nɛ̃ɛ kèreŋ naa, díkɛ zâla-laa kula seɣe-ŋai tòo dîa. Ŋá ŋɔŋ sâla sãai kélee da tɛ́ɛ dípɔ Eezuɛ.