Nɔŋba 18:6 - Ŋ̀âla Kɔlɔ Maa Waai

⁶ Ka gáa, Liiva-ŋai nyii-ŋai díkaa a kákaayɔɔ-ŋai, ńyãa ƃé díkùla Eezuɛ-ŋai sáma. Díkaa a sama-sɛŋ kámɛni ma. Ŋa dílɛ a gɛɛ dí tíi kɛ́ ḿɛni ma Zua kɔlɔ seɣe pɛrɛ maa waai mu.

Nɔŋba 18:6 ပူးပေါင်းရင်းမြစ်များ

Zɛnɛse 6:17

Kpɛ́ni fêi, ŋa pâi ya-fɛɛ kɛ́tɛ tɛɛ̂i ǹɔii su a gɛɛ ŋá ŋ̀éniɛi ŋí su fúlu sãa kélee su kara. Ǹyaŋ zɛŋ kélee gáa ǹɔii mai a pâi saâi.

Zɛnɛse 9:9

“Ka gáa, ŋa ŋ́gono tée káyêei ka kálônii nyii-ŋai pâi lɛɛ̂i kápôlui,

Ɛsedɔ 14:17

Ŋa pâi Ize-ŋai líi su kpananîi a gɛɛ dí lɛ́ɛ Eezuɛ-ŋai pôlu. Ǹyaŋ ŋa pâi ŋáfolo-laai lɛ̂i Gâloŋ mâ da ŋɔkɔ́ kɔ́-ƃelai é pɛ́lɛ ŋɔkɔ́kɔ keleŋ-ŋai dîa da ŋɔsoo-mɛi-ƃelai.

Ɛsedɔ 31:6

Ŋa Aisama ǹóŋ Oôlia lɛ́ nyii kùla Daŋ ŋɔsuui sui, a gɛɛ da ǹyaa dí tíi kɛ́. Ŋa táre tɛ́ɛ ǹyɛrɛ tii kɛ́-ƃelai kpéli-ŋai kélee pɔ́ a gɛɛ dí mɛni-ŋai kɛ́ ŋá m̀ó yâ a gɛɛ í gɛ̂i.

Azaya 48:15

Ńyãa ƃé Sarɔ tòli. Ŋa pâi deniŋ tɔɔ̂i gɛ́ mɛni kélee su. M̀ɛnii kélee a pâi gɛ̂i, a pâi ƃûu ƃôi ǹyêei.

Azaya 51:12

Yâwɛɛ è m̀o ǹyɛɛi, “Ńyãa ƃa íŋa-nɛnɛ. Ya yaôi núu-kpune ma lé mɛni ma? Núu-kpune ǹônii káa nɔ́ yɛ̂ɛ kala.

Izikiɛ 34:11

“Ńyãai a Ŋ̀wála-wâla kélee Yâwɛɛi ŋa mò a gɛɛ ńyãa kpîŋ ƃé pâi ŋáƃala-ŋai mɛi kâai. Ŋa pâi díkɔ̂ri ŋá dímɛi káa.

Izikiɛ 34:20

“M̀ɛni ma Ńyãai a Ŋ̀wála-wâla kélee Yâwɛɛi ŋa môi kâa a gɛɛ ŋa pâi mɛni-sâa ƃôi m̀ála wála-walaa-ŋai da m̀ála fíi-kpɛɛ-ŋai loai.

Nɔŋba 3:12

“Gáa, ŋa Liiva-ŋai síɣe Eezuɛ-ŋai dílônii-sinaa maa-ŋuŋ-ŋai pɔ́ɔ ŋa a gɛɛ dí kɛ́ a ḿbɔɔ.

Nɔŋba 3:13

Kpɛni fêi, dílônii-sinaa maa-ŋuŋ-ŋa kélee díkaa a ḿbɔɔ. Ŋelei ŋá Ize-lonii-sinaa maa-ŋuŋ-ŋai kélee pàa la Ize lɔii sui, ŋá Eezuɛ lonii-sinaa maa-ŋuŋ-ŋai da dítaa-tulɛ-ŋai dílônii maa-ŋuŋ-ŋai sìɣe a ḿbɔɔ. Díkaa a ḿbɔɔ. Ńyãa ƃa Yâwɛɛ.”

Nɔŋba 3:45

“Liiva-ŋai síɣe Eezuɛ-ŋai dílônii-sinaa maa-ŋuŋ-ŋai pɔ́ɔ ŋá dí kɛ́ a ḿbɔɔ. Ńyãa ƃa Yâwɛɛ.

Nɔŋba 3:6

“Pá a Liiva ŋɔsuui su-ƃelai zâla láa-soŋ-nuui Eelɔŋ pɔ́ a gɛɛ dí tíi kɛ́ ḿî.

Nɔŋba 3:9

Liiva-ŋai tɛ́ɛ Eelɔŋ pɔ́ da ǹônii. Díkaa a bɔ́ɔ Eezuɛ-ŋai pɔ́ɔ ŋá.