Nɔŋba 18:5 - Ŋ̀âla Kɔlɔ Maa Waai

⁵ Ílônii nɔ́ ƃé ka dîa-ni ká Zua kɔlɔ seɣe pɛrɛ maa waai mu-tii-ŋai kɛ́ é pɛ́lɛ ŋ̀âla-teƃelei maa-tii-ŋai dîa a gɛɛ ńii fé ŋɔ́nɔ ŋwàna Eezuɛ-ŋai dîa.

Nɔŋba 18:5 ပူးပေါင်းရင်းမြစ်များ

Kɔlɔnikɔ Maa-ŋuŋ 23:24

Liiva ŋɔnúu-suui su-ƃelai ká ŋí kɛ̀ yɛ̂ɛ berei díkoli-ŋai díkaa-laa-ŋai díkɛ̀ lai. Dí díkelee dílòno dílaa ma é siɣe kóraŋ buu feerɛ-ƃela dîa é tɛ́ ǹaa mɛi pere. Dí dílɛ̀ a gɛ́ɛ díkɛ a Yâwɛɛ ŋɔpɛ́rɛi lá tii kɛ́-ƃela da-ŋa.

Kɔlɔnikɔ Maa-ŋuŋ 23:32

Liiva-ŋai dítii ƃé kɛ̀ a gɛ́ɛ díkɛ zua-kɔlɔ-seɣe pɛrɛi da Ŋ̀âla-pɛrɛ Kɛ́tɛi mɛi kàa Yâwɛɛ ŋɛ́i-tuɛ. Díkɛ naa díkɛ̀ kpɔŋ mâa tɛɛ ŋ̀âla-fɛli mɛni-ŋai su díkaayɔɔ-ŋai kɛ̀ a Eelɔŋ ǹônii-sinaai yée mu.

Kɔlɔnikɔ Maa-ŋuŋ 24:5

Ilieza da Itama dísuui su-ƃelai da-ni díkɛ̀ tíi kɛ̂i Ŋ̀âla-pɛrɛ Kɛ́tɛi mu da-ni díkɛ tíi kɛ̂i Ɣâla mì. M̀ɛni ma, dí kpɛyɛŋ tòo a gɛ́ɛ dí díŋaa kɔ́lɛ a teniŋ ƃo-pere.

Kɔlɔnikɔ Maa-ŋuŋ 9:19

Saluŋ è kɛ̀ a Kore ǹóŋ, Kore kɛ́ ƃò a Ibiasa ǹóŋ. Ibiasa è kɛ̀ a Koa ǹóŋ. Da m̀arâai kùla Koa ŋɔsuui sui ƃé ziɣãŋ mɛi káa mɛni è kɛ̀ dîa. Díwɔ̂ tii ƃé kɛ̀ a gɛ́ɛ dí Ŋ̀ala-pɛrɛ kɛ́tɛi lá-ƃerei mɛi kaa yɛ̂ɛ berei dínûa-pɔlɔ-ŋai da kâa kɛ̀ Yâwɛɛ Ŋɔsua-kɔlɔ-pɛrɛi la-ƃerei mɛi kâai lai.

Kɔlɔnikɔ Maa-ŋuŋ 9:23

Ǹûai ŋí da kâa nyìi Ŋ̀âla-pɛrɛ Kɛ́tɛi lá díkɛ ǹaa mɛi kâa. Dia ƃé da kâa ziɣãŋ lá ƃò a ɣele-wâla díkɛ ǹáa tɛ̀ a ɣele-wûlii.

Kɔlɔnikɔ Maa-ŋuŋ 9:33

Liiva-ŋai da-ŋa díkɛ̀ a ŋ̀ule too-ƃelai Ŋ̀âla-pɛrɛi Kɛ́tɛi mu. Ǹûai ŋí láa túɛ-ƃelai da kâa ǹyii Ŋ̀âla-pɛrɛi Kɛ́tɛi ŋɔloŋpo da-ni su, kpɛ́ni fêi, dítii ƃé kɛ̀ dí wule tóo Ŋ̀âla-pɛrɛ Kɛ́tɛi mu a kpíni da fólo.

Ɛsedɔ 27:21

Eelɔŋ da ǹônii dí laŋpoi ŋí mɛi káa a kpíni da fólo ŋásua kɔlɔ seɣe pɛrɛi mu ƃɛ́i ŋa pâi kɛ̂i ŋánûai kâai naai. Dí zée zeɣei ŋɛ́i-tuɛ gãlai ŋɛ́i-tuɛ nyii dɔ̂ŋ-ŋai díkaa zui. Fɛ̂ɛ Eezuɛ-ŋai dí dɔ̂ŋ ŋí mɛi káa dífulu-laai su da dísuui su wɔlɔ-wɔlɔ da wɔlɔ-wɔlɔ.”

Zɛlemaya 23:15

“M̀ɛni ma, m̀ɛnii ńyãa Ŋ̀wála-wâla kélee Yâwɛɛi ŋá mó é pîlaŋ Ɣâla ŋɔlóno kɛ́-ƃelai dîa Zerusâlɛŋ ƃa: Ŋa pâi wúru ŋwánaa tɛɛ̂i dípɔ dí mii, ŋá ŋ̀ale-maa tɛ́ɛ dípɔ dí gbele. Kpɛ́ni fêi dûai nyíi-ŋai m̀ɛlɛ fé ŋ́goi, da dáa-taa ǹɔii gwaa kélee ma.”

Izikiɛ 44:15

Ŋ̀wála-wâla kélee Yâwɛɛi è mo ǹyɛɛi, “Kɛ́lɛ zâla láa-soŋ-ƃelai nyii-ŋai kùla Liiva ŋɔsuui su, nyii-ŋai díkaa a Zadɔ ŋɔsuui su-ƃelai kɛ́ tíi kɛ̂i ḿî a tãi Eezuɛ-ŋai dí dípôlu tɔ̀ɔ la ḿâi, dia ƃé pâi kɛ̂i tíi kɛ̂i ḿî. Da pâi kɛ̂i tíi kɛ̂i ḿî díkɛ zama-sɛŋ suai wúlɔ da ŋãa kûla a sâla.

Izikiɛ 44:16

Dia nɔ́ ƃé pâi pâi ŋápɛrɛi mu dítii kɛ́ ŋáteƃelei ŋá. Dia nɔ́ ƃé pâi kɛ̂i ŋápɛrɛi mu tii mɛi kâai.

Levetekɔ 10:6

Mose è mò Eelɔŋ ǹônii Ilieza da Itama-ni dîa ǹyɛɛi, “Káfe káŋuŋ leɣa lɛ̀ɛ a gbiniŋ-kpíniŋɔɔ kpaa máŋ ká káseɣe-ŋai fála yɛ̂ɛ ka kɛ̀ malôŋ see ƃoi. Ka gɛ̀ tí ka pâi saâi. Ǹyaŋ Yâwɛɛ líi a pâi ŋwanâi Eezuɛ-ŋai kélee dîa. Kɛ́lɛ Eezuɛ ƃelai kpéli-ŋai da pɔ̂ri ŋɔŋ saai ŋí maa wɔ̂lɔ kɛ̂i nyii Yâwɛɛ a dooi.

Levetekɔ 24:3

Ɣele-wulii a kɛ̀ Eelɔŋ é laŋpo-ŋai ŋí tɔ́ɔ é dísee Gono-tee Gãlai seêni Gwaa Maa Waai ma perêi seɣei ŋɛ́i-tuɛ. Nyiŋi káa a tɔ̂ŋ ǹyaŋ fɛ̂ɛ dí mɛi káa a tãi kélee.

Zɛkɛrâya 10:3

Yâwɛɛ è mò ǹyɛɛi, “Ńii ŋwânai m̀ála-mɛi-káa-ƃelai dîa, ǹyaŋ ŋá pâi tɔ̂ŋ kpɛ̂i ǹúu-ŋuŋ-tuɛ-ƃelai dîa kpɛ́ni fêi, Ńyãai a Ŋ̀wála-wâla kélee Yâwɛɛi, Ŋ́gbaaŋɔɔ̂i ŋáƃala-ŋai mɛni ma Zuda lɔii su, ǹyaŋ ŋa pâi díkɛ̂i yɛ̂ɛ ŋákɔkɔ-sôo-ŋa.

Nɔŋba 1:50

Kɛ́lɛ Liiva-ŋai kɛ́ Ŋásua kɔlɔ seɣe pɛrɛ maa waai mɛi da maa-sãa kélee. Dia nɔ́ ƃa pɔ̂ri liî a maa sãa kélee. Ƃɛ́i kélee da lî naai dí bîlaŋ, dí díƃûui tɔ́ɔ dí dínaŋ ma. Dia nɔ́ ƃa pɔ̂ri tíi kɛ̂i mu.

Nɔŋba 1:53

Kɛ́lɛ Liiva-ŋai nɔ́ ƃa pɔ̂ri díƃûui tínanîi Zua kɔlɔ seɣe pɛrɛ maa waai ma, dí mɛi káa a gɛɛ núu da fé la pá la naa é ŋ́gɛ ńii é ŋwána Eezuɛ-ŋai dîa.”

Nɔŋba 16:46

Mose è mò Eelɔŋ ma ǹyɛɛi, “Íŋɔŋ-siɣe-sɛŋ-foloi síɣe í ŋɔŋ kula ŋ̀âla-teƃelei ma í bú zu í kéreŋ-sɛŋ kúŋ nɛ̃ɛ pú ŋá í lí la Eezuɛ-ŋai pɔ́ naa a maa félaa í dísɔnyɔ̂ŋ maa sâla kula. Kpɛni fêi, Yâwɛɛ a ǹíi ŋwána. Ǹyaŋ zaa-kɔlɔ-felai a nâa pâi.”

Nɔŋba 18:4

Ka dîa-ni ka pɔ̂ri Zua kɔlɔ seɣe pɛrɛ maa waai mu-tii-ŋai da kélee kɛ̂i gîe ma. Kɛ́lɛ ǹúui vé a Liiva-ŋai dísuui dai, vé lɛ̀ɣɛ kâa.

Nɔŋba 4:18

“Káfe nɛ̀ɛ naa Koa ŋɔsuui-su-ƃelai su fé kàra Liiva-ŋai sáma.

Nɔŋba 8:19

Ŋa Liiva-ŋai kúla Eezuɛ-ŋai sáma ŋa dítɛɛ Eelɔŋ pɔ́ da ǹônii a gɛɛ dí tíi kɛ́ Eezuɛ-ŋai dîɛ Zua kɔlɔ seɣe pɛrɛ maa waai mu, a gɛɛ ŋɔ́nɔ dí sâla kula Eezuɛ-ŋai dísɔnyɔ̂ŋ su-mɛni-lɛɛ mɛni ma, a gɛɛ da lɛ̀ɣɛ Zua kɔlɔ pɛrɛ maa waai kɔlɛ mɛni nyɔ́mɔɔ fé díkɛ̀.”

Nɔŋba 8:2

“M̀ó Eelɔŋ ma à laŋpo-see-wuruii tɔ̀ɔ, fɛ̂ɛ laŋpo lɔ́ɔlu mɛi feerɛ léŋ é laŋpo see-wuruii túɛ pono.”

Temete Maa-ŋuŋ 1:18

Ŋa nyíŋi ƃôi yâ, ńoŋ Temete, yɛ̂ɛ berei mɛnii káa la nyíi Ɣâla ŋɔlóno-kɛ́-ƃelai dí mo e pîlaŋ yâi, a gɛ́ɛ dí íkɛ í namu lɛ́lɛɛ kɔ.

Temete Maa-ŋuŋ 3:15

à kɛ̀ ḿba-mɛnii a tòo pôlu, ká gɔ́lɔŋ berei ka pɔ̂ri tuâi la Ŋâla-pɛrɛ mu-ƃelai sama nyíi gáa a vulu-laa-Ɣalai ŋɔtóli-kpɔŋ, nyíi gáa a dɔ̃yâi soŋ-wuru da gɔ́ɔ pîlanii.

Temete Maa-ŋuŋ 5:21

Ŋa môi yâ Ɣâla ŋɛ́i da Zîsɛ Kôrai é pɛ́lɛ Ŋ̀âla-taa kela-ŋai dîa Ɣâla è dílɛ̀ a gɛ́ɛ í dɔ̂ŋ-ŋai mɛi káa ífe niî mɛni ŋá tèe fɛ̂ɛ í maa-mɛnii su káa, ífe núu su ɣɛ̀ɛ.

Temete Maa-ŋuŋ 6:20

Óo Temete, zɛŋ dí nɛ̀ɛ íyeêi, m̀ɛi káa. Ƃoo-lono nyíi maa fé waa ni, íkɛ̂i kôyaa ma, da sîa-mɛnii nyíi da dòli a táre lɛ́ɛ-perei sui,