Nɔŋba 18:3 - Ŋ̀âla Kɔlɔ Maa Waai

³ Da pɔ̂ri tíi kɛ́i yɛ̂ da Zua kɔlɔ seɣe pɛrɛ maa waai mu-tii kélee. Kɛ́lɛ dífe lɛ̀ɣɛ Zua kɔlɔ seɣe pɛrɛ maa waai mu-sɛŋ-folo-ŋai kɔlɛ da ŋ̀âla-teƃelei. Dà lɛ̀ɣɛ díkɔlɛ, ka dîa-ni ka pâi saâi.

Nɔŋba 18:3 ပူးပေါင်းရင်းမြစ်များ

Izikiɛ 44:13

Dífe pà ŋ́gɔlɛ ma a gɛɛ dí sâla láa-soŋ tii kɛ́ ḿî. Dífe lɛ̀ɣɛ zãâ maa waai da ma. Bere ƃé ŋa pâi díkula maa kɛ̂i la m̀ɛni nyɔ́mɔɔi dí gɛ̀i maa mɛ̂ni ma.

Nɔŋba 1:51

Liiva-ŋai nɔ́ ƃa pɔ̂ri Ŋásua kɔlɔ seɣe pɛrɛ maa waai pîlanii dí gula. Núu da kpɛ́ni kélee à lɛ̀ɣɛ Ŋásua kɔlɔ seɣe pɛrɛ maa waai kɔlɛ, maa-nuui a pâi sâai.

Nɔŋba 1:53

Kɛ́lɛ Liiva-ŋai nɔ́ ƃa pɔ̂ri díƃûui tínanîi Zua kɔlɔ seɣe pɛrɛ maa waai ma, dí mɛi káa a gɛɛ núu da fé la pá la naa é ŋ́gɛ ńii é ŋwána Eezuɛ-ŋai dîa.”

Nɔŋba 16:40

Nyíŋi è kɛ̀ a kili-too-ŋa Eezuɛ-ŋai mɛni ma a gɛɛ diai kélee dífe a Eelɔŋ ŋɔsuui dai dífe pà ŋ̀âla-teƃelei ma kéreŋ-sɛŋ kúŋ nɛ̃ɛ kêrenii Yâwɛɛ mɛni ma. À kɛ̀ tí m̀aa-nuui su a pâi karâi yɛ̂ɛ Koa da ŋɔnûai. Mɛni-ŋai ŋí kélee è kɛ̀ yɛ̂ɛ berei Yâwɛɛ è mò la Ilieza ma Mose sârai.

Nɔŋba 18:4

Ka dîa-ni ka pɔ̂ri Zua kɔlɔ seɣe pɛrɛ maa waai mu-tii-ŋai da kélee kɛ̂i gîe ma. Kɛ́lɛ ǹúui vé a Liiva-ŋai dísuui dai, vé lɛ̀ɣɛ kâa.

Nɔŋba 18:7

Kɛ́lɛ ka ílônii nɔ́ ƃé ká zâla-laa-soŋ tii-ŋai kélee kɛ́ nyii-ŋai díkaa ŋ̀âla-teƃelei mɛni ma da Gwaa Maa Waai Ŋɔkwaa Maa Waai mai. Ŋa kásâla laa soŋ-tii tɛ́ɛ kápɔ a sama-sɛŋ. Ǹyaŋ núu da kpɛ́ni à lɛ̀ɣɛ naa, a pâi saâi.”

Nɔŋba 3:25

Gɛsɔŋ ǹônii-sinaai dítii ƃé kɛ̀ a gɛɛ dí Zua kɔlɔ seɣe pɛrɛ maa waai mɛi káa. Dí banaŋ ma seɣe-ƃelai da zu-pere seɣe-ƃelai mɛi káa é pɛ́lɛ bɛ́rɛi láƃelei-seɣei mâ.

Nɔŋba 3:31

Dítii ƃé kɛ̀ a gɛɛ dí gbanaŋ-woo-kɛɛ maa gãlai mɛi káa da gbólo maa waai maa-teƃelei, laŋpo siɣe-wuruii, ŋ̀âla-teƃele-ŋai, Zua kɔlɔ seɣe pɛrɛ maa waai mu-sɛŋ folo-ŋai é pɛ́lɛ Gwaa Maa Waai Ŋɔkwaa Maa Waai loai seɣei ma. Dítii ƃé kɛ̀ a gɛɛ dí tíi kɛ́ a zãai ŋí kélee.

Nɔŋba 3:36

Melali ǹônii-sinaai dítii ƃé kɛ̀ a gɛɛ dí Zua kɔlɔ seɣe pɛrɛ maa waai pîlaŋ wuru-ŋai mɛi káa, da maa wuru kôyaa-ŋai, zeɣe soŋ-wuru-ŋai da zee-sãai é pɛ́lɛ maa-tii kɛ́-sãai kélee dîa. Dítii ƃé kɛ̀ a gɛɛ dí tíi kɛ́ a zãâi ŋí kélee.

Nɔŋba 31:30

Zɛŋ kélee Eezuɛ-ŋai dí zɔlɔ ƃòi í buu lɔ́ɔlu kélee dɔnɔ-tɔnɔ kúla zu. Núu-kpune, niŋa-ŋa wɛlɛ-sôo, ƃála-ŋa da ƃoli-ŋa, í dítɛɛ Liiva-ŋai pɔ́ nyii-ŋai tíi kɛ̂i Yâwɛɛ ŋɔsua kɔlɔ seɣe pɛrɛ maa waai mui.”

Nɔŋba 4:15

Eelɔŋ da ǹônii-sinaai da kpɛ̀ɛ a Zua kɔlɔ seɣe pɛrɛ maa waai maa kpíniŋɔɔ da maa-tii kɛ́-sãai kélee, dí nâa díkpîŋ kpɛtɛ dísiai mɛni ma. Koa ǹônii-sinaai ƃé gáa a sɛŋ dí lí a dia. Kɛ́lɛ maa fé nɛ̃ɛ ní dí lɛ́ɣɛ zãa maa waai dɔnɔ kpîŋ ma. Dà lɛ̀ɣɛ da ma, da pâi saâi. Koa ǹônii-sinaa díwɔ̂ tii ƃa dí Zua kɔlɔ seɣe pɛrɛ maa waai síɣe da maa sãai kélee dí lí a dia ƃɛ́i kélee da lî naai.