Nɔŋba 18:27 - Ŋ̀âla Kɔlɔ Maa Waai

²⁷ Zama-sɛŋ ŋí a pâi kɛ̂i nɔ́ yɛ̂ɛ mii-sɛŋ ninai da ŋwãai ninai gbâlaŋ ŋá-tii kɛ́-nuui a dɛ̀ɛ ḿbɔ a sama-sɛŋ.

Nɔŋba 18:27 ပူးပေါင်းရင်းမြစ်များ

Zɛnɛse 50:10

Tãi dí sèri la Goreŋ Atai, ƃɛ́i nàa káa Zɔdiŋ Ya-leei pôlui, dí Zeeka saa wɔ̂lɔ kɛ̀ naa a zu kɛ́tɛ. Zosɛ è ǹâŋ maa wɔ̂lɔ kɛ̀ naa a fólo lɔ́ɔlu mɛi feerɛ.

Kâloŋ Veerɛi 6:27

Gâloŋ è zu tòo ǹyɛɛi, “À kɛ̀ Yâwɛɛ a wàla kpɔŋ-maa tɛɛ ípɔ, mí ƃé ŋa pâi gbɔŋ-mâai kulai naa a gɛɛ ŋá dɛɛ ípɔi? Ŋa pɔ̂ri gulâi mii-sɛ̂ŋ táŋ kwaai mâ? Ŋa pɔ̂ri gulâi ŋwãai kpɛtɛ kwaai mâ?”

Nɔŋba 15:20

Kà káfelaƃai maa-ŋuŋ kpɛ̀tɛ a kpólo, fɛ̂ɛ ka gbóloi maa-ŋuŋ tɛ́ɛ ḿbɔ a sama-sɛŋ yɛ̂ɛ berei ká kámii-sɛŋ maa-ŋuŋ tɛ̀ɛ la ḿbɔ a kámii-sãai kula tãi.

Nɔŋba 18:26

“M̀ó Liiva-ŋai dîa yɛ̂ɛi, ‘Tãi ka Eezuɛ-ŋai dísama-sãai buu-ɣelei síɣe la nyii-ŋai Yâwɛɛ è dɛ̀ɛ kápɔ a kákɔ̃liŋ, fɛ̂ɛ ká buu-ɣelei tɛ́ɛ ḿbɔ a sama-sɛŋ.

Nɔŋba 18:28

Berei ŋí ƃé ka pâi máŋ kásama-sãai tɛɛ̂i la ḿbɔ. Ǹyaŋ zama-sãai ŋí a pâi kɛ̂i kulâi kásama-sãai buu-ɣelei su nyii-ŋai Eezuɛ-ŋai da dɛ̀ɛ kápɔi. Fɛ̂ɛ ká kásama-sɛŋ ŋí tɛ́ɛ zâla láa-soŋ-nuui Eelɔŋ pɔ́.

Nɔŋba 18:30

Tãi ka zama-sɛŋ ǹɛ́lɛɛi kùla la zu ká dɛ́ɛ ḿbɔi ka pɔ̂ri gbéli seêi kɛ̂i kámɛni ma yɛ̂ɛ berei gbâlaŋ ŋá-tii kɛ́-nuui a ŋɔsama-sãai kpéli seêi kɛ̀ la gbîŋ mɛni mai.

Dutɛrɔnome 15:14

É daa-tulɛi, mìi-sãai da ŋwãai ŋ̀ɔi tɛ́ɛ bɔ́. É dɛɛ bɔ́ yɛ̂ɛ berei Yâwɛɛ è lûwa làa la dîa da ǹuɛi.