Nɔŋba 18:23 - Ŋ̀âla Kɔlɔ Maa Waai

²³ Liiva-ŋai nɔ́ ƃe pâi tíi kɛ̂i Zua kɔlɔ seɣe pɛrɛ maa waai mu. Maa mɛni kélee káa a díŋûa-kpiri. Dɔ̂ŋ ŋí káa ísuui su-ƃelai kélee mɛni ma wɔlɔ-wɔlɔ da wɔlɔ-wɔlɔ. Liiva-ŋai díkɔ̃liŋ da kélee fé pâi kɛ̂i ma Eezuɛ.

Nɔŋba 18:23 ပူးပေါင်းရင်းမြစ်များ

Ɛsedɔ 27:21

Eelɔŋ da ǹônii dí laŋpoi ŋí mɛi káa a kpíni da fólo ŋásua kɔlɔ seɣe pɛrɛi mu ƃɛ́i ŋa pâi kɛ̂i ŋánûai kâai naai. Dí zée zeɣei ŋɛ́i-tuɛ gãlai ŋɛ́i-tuɛ nyii dɔ̂ŋ-ŋai díkaa zui. Fɛ̂ɛ Eezuɛ-ŋai dí dɔ̂ŋ ŋí mɛi káa dífulu-laai su da dísuui su wɔlɔ-wɔlɔ da wɔlɔ-wɔlɔ.”

Izikiɛ 44:10

Yâwɛɛ è mò ḿâ ǹyɛɛi, “Liiva-ŋai nyii-ŋai dí pôlu tɔ̀ɔ ḿâ díkɛ ɣâla da kpɛ́ni-ŋa fɛ̀li a tãi Eezuɛ-ŋai díkùla la ḿbôlui, ŋa pâi díkula maa kɛ̂i.

Nɔŋba 18:1

Yâwɛɛ è mò Eelɔŋ mà ǹyɛɛi, “Ka ílônii é pɛ́lɛ Liiva-ŋai dísuui ma ka pâi tɔ̂ŋ-kpɛ-maa sɔlɔ ƃôi à kɛ̀ ka pɔara-maa kɛ̀ Zua kɔlɔ seɣe pɛrɛ maa waai maa-tii kɛ́ɛ su. Ka ílônii nɔ́ ƃé pâi tɔŋ-kpɛ-maa sɔlɔ ƃôi à kɛ̀ kà pɔara-maa kɛ̀ kásâla-laa soŋ-tii kɛ́ɛi su.

Nɔŋba 18:20

Yâwɛɛ è mò Eelɔŋ mà ǹyɛɛi, “Ífe pâi Eezuɛ-ŋai díkɔ̃liŋ da kélee sɔlɔ ƃôi a ípɔɔ kpaa máŋ dílɔii gbua da. Ńyãai a Yâwɛɛ, ńyãa ƃa íkɔ̃liŋ da ílɔii Eezuɛ-ŋai sáma.

Nɔŋba 19:21

Dɔ̂ŋ ŋí káa kámɛni ma wɔlɔ-wɔlɔ da wɔlɔ-wɔlɔ. Ǹúui a zɔnyɔ̂ŋ-su-mɛni lɛɛ-yai kpɛ̂mɛŋ, é ŋɔseɣe-ŋai wáa máŋ. Ǹyaŋ ǹúui a ǹyée pɛ̀lɛ zɔnyɔ̂ŋ-su-mɛni lɛɛ-yai mai, maa-nuui maa fé pâi kɛ̂i a ŋwaa é lɛ́ɛ la zu ɣele-wulii é kɛ́.

Nɔŋba 26:62

Liiva-ŋai dísuui su-sinaai nyii-ŋai dípɔlɔ-pɔlɔ-laa è kɛ̀ é síɣe ɣáloŋ tɔnɔ ma é tɛ́ tuɛ-perei, dí dílòno dí ƃò a núu wála buu feerɛ káo saaƃa (23,000). Dífe dílono ní da Eezuɛ-ŋai a tãi tɔnɔ. Kpɛni fêi, dífe lɔii sɔlɔ ƃó ní yɛ̂ɛ berei Eezuɛ-ŋai dí zɔlɔ ƃò lai.

Nɔŋba 3:7

Dí Zua-kɔlɔ seɣe pɛrɛ maa waai mu tii kélee kɛ́, dí tíi kɛ́ zâla láa-soŋ-ƃelai dîɛ da ǹûai kélee.

Nɔŋba 35:29

Fɛ̂ɛ Eezuɛ-ŋai dí dɔ̂ŋ-ŋai ŋí mɛi káa wɔlɔ-wɔlɔ da wɔlɔ-wɔlɔ ƃɛ́i kélee da kɛ̂ naai.

Dutɛrɔnome 10:9

Mɛnii ŋí ƃé gɛ̀ lɔii kpua da fé la naa Liiva-ŋai mɛni ma Gono-tee lɔɔi su yɛ̂ɛ berei gáa la a díƃarâai. Yâwɛɛ ƃa díkɔ̃liŋ yɛ̂ɛ berei è góno tèe la díyêei.

Zasua 13:14

Mose fé ǹɔii da tɛɛ ní Liiva-ŋai dísuui pɔ́. Díwɔ̂ kɔ̃̂liŋ ƃa géreŋ sala sãai nyíi ǹûai da pâ la Eezuɛ Ɣalai Yâwɛɛ pɔ́, yɛ̂ɛ berei è góno tèe la díyêei.