Nɔŋba 18:20 - Ŋ̀âla Kɔlɔ Maa Waai

²⁰ Yâwɛɛ è mò Eelɔŋ mà ǹyɛɛi, “Ífe pâi Eezuɛ-ŋai díkɔ̃liŋ da kélee sɔlɔ ƃôi a ípɔɔ kpaa máŋ dílɔii gbua da. Ńyãai a Yâwɛɛ, ńyãa ƃa íkɔ̃liŋ da ílɔii Eezuɛ-ŋai sáma.

Nɔŋba 18:20 ပူးပေါင်းရင်းမြစ်များ

Zɛnɛse 15:1

Mɛni-ŋai ŋí kélee pôlu ma, Yâwɛɛ è lòno Eberaŋ pɔ́ zĩ̂a su ǹyɛɛ mai, “Eberaŋ, ífe yào. Ŋa pâi ímaa kɔ̃ɔ̂i. Ífela-fei a pâi kɛ̂i a gɛ́tɛ.”

Wule-woo-ŋa 142:5

Yâwɛɛ, ŋa wɔ̂lɔi yâ kpɔŋ mâ mɛni ma. Yâwɛɛ, yá nɔ́ ƃé íkaa a ḿaa kɔ̃ɔ-nuu. Yá nɔ́ ƃé ŋa íwɛ̂lii ŋáfulu-laai su.

Wule-woo-ŋa 16:5

Yâwɛɛ, yá ƃé ŋ́gili tɔɔ̂i yâ. Zɛŋ kélee ŋa wɛ̂li lai yá ƃa dɛ̀ɛ ḿbɔ. Yá ƃé ŋ́gili káa yâ ŋáfulu-laai mɛni ma.

Wule-woo-ŋa 73:26

Ŋ́gili ŋá à pù, Ɣâla a táre tɛ̀ɛ ḿbɔ. Ŋ́gbonoi fíi a kpɛ̀ɛ, ǹyaa ƃa ŋ́gbonôi kpanaŋ. Ǹyaa tɔ̂nɔ nɔ́ ƃé ŋ́gili káa m̀a.

Zerusâlɛŋ Karáa Maa Wɔ̂lɔ-wooi 3:24

Nya ƃe ŋá mò ńyɛ̂ɛi, “Yâwɛɛ káa a ŋá mɛnii kélee. Ŋa pâi ŋ́gili kɛ̂i mà.”

Izikiɛ 44:28

“Zâla láa-soŋ-ƃelai kɔ̃lîŋ fé pâi kɛ̂i m̀a. Ńyãa ƃa díkɔ̃liŋ. M̀ɛni ma, káfe sɛŋ da tɛ̀ɛ dí pɔ́ a díkɔ̃liŋ Eezuɛ lɔii su.

Nɔŋba 18:7

Kɛ́lɛ ka ílônii nɔ́ ƃé ká zâla-laa-soŋ tii-ŋai kélee kɛ́ nyii-ŋai díkaa ŋ̀âla-teƃelei mɛni ma da Gwaa Maa Waai Ŋɔkwaa Maa Waai mai. Ŋa kásâla laa soŋ-tii tɛ́ɛ kápɔ a sama-sɛŋ. Ǹyaŋ núu da kpɛ́ni à lɛ̀ɣɛ naa, a pâi saâi.”

Nɔŋba 26:62

Liiva-ŋai dísuui su-sinaai nyii-ŋai dípɔlɔ-pɔlɔ-laa è kɛ̀ é síɣe ɣáloŋ tɔnɔ ma é tɛ́ tuɛ-perei, dí dílòno dí ƃò a núu wála buu feerɛ káo saaƃa (23,000). Dífe dílono ní da Eezuɛ-ŋai a tãi tɔnɔ. Kpɛni fêi, dífe lɔii sɔlɔ ƃó ní yɛ̂ɛ berei Eezuɛ-ŋai dí zɔlɔ ƃò lai.

Dutɛrɔnome 10:9

Mɛnii ŋí ƃé gɛ̀ lɔii kpua da fé la naa Liiva-ŋai mɛni ma Gono-tee lɔɔi su yɛ̂ɛ berei gáa la a díƃarâai. Yâwɛɛ ƃa díkɔ̃liŋ yɛ̂ɛ berei è góno tèe la díyêei.

Dutɛrɔnome 12:12

Ǹaa ƃé káa, kálônii sinaai da nɛyãai, káyee mu-sinaai da nɛyãai, ka pâi lii-nɛ̃ɛ kulâi naa Káɣâlai Yâwɛɛ ŋɛ́i-tuɛ ka Liiva-ŋai. Kɛ́lɛ ka kákili-ŋa sía Liiva-ŋai mɛni ma díkaa ká taa-ŋai sui nyii-ŋai ǹɔii da fé a dípɔɔi.

Dutɛrɔnome 14:27

“Káfe ǹia Liiva-ŋai dîa kátaa-ŋai su. Díkɔ̃liŋ da fé ma kpaa máŋ sí-sãa yɛ̂ɛ berei gáa la kámɛni mai.

Dutɛrɔnome 14:29

Ka díŋaa kɔ́lɛ Liiva-ŋai dîa, ŋɔ̃ya-ŋai, dee-loŋ-ŋai, da bɔɔ-nɛyãai dí mii dílii é láa. À kɛ̀ tí, Káɣâlai a pâi lûwa lâai kâa, é gɛ́ ká kɛ́ ƃûu ƃò.

Zasua 13:14

Mose fé ǹɔii da tɛɛ ní Liiva-ŋai dísuui pɔ́. Díwɔ̂ kɔ̃̂liŋ ƃa géreŋ sala sãai nyíi ǹûai da pâ la Eezuɛ Ɣalai Yâwɛɛ pɔ́, yɛ̂ɛ berei è góno tèe la díyêei.

Zasua 13:33

Kɛ́lɛ Mose fé ǹɔii da tɛ̀ɛ ní Liiva-ŋai pɔ́, kpɛ́ni fêi, Eezuɛ Ŋɔɣâla Yâwɛɛ ƃé gáa a díkɔ̃liŋ yɛ̂ɛ berei è mò la dîai.

Zasua 14:3

kpɛ́ni fêi, Mose è ǹúu su feerɛ da gburai díwɔ̂ lɔii tɛ̂ɛ dípɔ Zɔdiŋ Ya-leei pôlu vóloi kulâi-pere. Kɛ́lɛ vé ǹɔii da tɛ̀ɛ ní Liiva-ŋai pɔ́.

Zasua 18:7

Fé ǹɔii da tɛ̀ɛ ní Liiva-ŋai pɔ́, kpɛ́ni fêi, Yâwɛɛ ŋɔsâla láa soŋ tii ƃa díwɔ̂ pɔɔ-sɛŋ. Gâa, Lubiŋ da Manasɛ suui su-ƃelai gbéli-ŋai dí díwɔ̂i sɔlɔ ƃô Mose, Yâwɛɛ yée mu-nuui yêei Zɔdiŋ Ya-leei kɔlɛ vóloi kulâi-pere.”

M̀ɛni-lɛɛi 21:3

Nya ƃe ŋá wóo su kɛ́tɛ mɛ̀ni é kúla gâloŋ see-sɛŋ ma, nyɛɛi, “Gáa, Ɣâla-kɛi káa núu-kpune sama. A pâi kɛ̂i dísama, dí kɛ́ a ŋɔnûa, ǹyaŋ Ɣâla ǹyaa kpîŋ a pâi kɛ̂i dísama é kɛ́ a Díɣâla.