Nɔŋba 18:16 - Ŋ̀âla Kɔlɔ Maa Waai

¹⁶ Núu-kpune ǹônii sinaai maa-ŋuŋ-ŋai nyii-ŋai dípɔlɔ-pɔlɔ-laa káa a ɣáloŋ tɔnɔi, díŋuŋ-ma-ƃo fela-fei é kɛ́ a káne kpua lɔ́ɔlu nyii ŋɔwiɛ káa yɛ̂ɛ berei ŋ̀âla-pɛrɛ kɛ́tɛi è nɛ̀ lai.

Nɔŋba 18:16 ပူးပေါင်းရင်းမြစ်များ

Ɛsedɔ 30:13

Ǹyaŋ ǹúui kélee da nònoi, fɛ̂ɛ é nyíŋi kɔ́lɛ. Sɛŋ-kao nyii ŋɔwiɛ káa yɛ̂ɛ berei ŋ̀âla-pɛrɛ kɛ́tɛi è nɛ̀ lai. Fɛ̂ɛ ǹúui kélee dí nyíŋi kɔ́lɛ ḿâ a sama-sɛŋ.

Ɛsedɔ 38:24

Gôo-ŋai kélee dí tíi kɛ̀ la bɛ́rɛ maa waai ma, nyii-ŋai dí dɛ̀ɛ Yâwɛɛ mɛni mai a sala-sɛŋ, ŋɔwiɛ è kɛ̀ a pãŋ wála feerɛ, ŋuŋ tɔ̂nɔ pôlu buu lɔ́ɔlu mɛi náaŋ káo lɔ́ɔlu (2,195) yɛ̂ɛ berei ŋ̀âla-pɛrɛ kɛ́tɛi è nɛ̀ lai.

Izikiɛ 45:12

“Ká sɛŋ wuyɛ̂ɛi ŋɔkɔɔŋ maa é kɛ́ ŋí: Gera buu feerɛ é kɛ́ a sɛkɛ tɔnɔ. Sɛkɛ buu lɔ́ɔlu mɛi-da kɛ́ ƃò a mina tɔnɔ.

Levetekɔ 27:25

“Zãâi kélee sɔ̃ɔ a pâi kɛ̂i yɛ̂ɛ berei gwaa maa waai ŋɔmɛni kpɛtɛɛi káa lai.

Nɔŋba 18:15

“Núu-kpune da taa-tulɛ dílônii maa-ŋuŋ-ŋai kélee nyii-ŋai da dítɛ̀ɛ ḿbɔi, díkaa a ípɔɔ. Kɛ́lɛ fɛ̂ɛ í íyee sée núu-kpune ǹônii maa-ŋuŋ-ŋai díŋuŋ-ma-ƃo fela-fei mu. Íyee sée daa-tulɛ lônii maa-ŋuŋ-ŋai díŋuŋ-ma ƃó fela-fei mu nyii-ŋai dímaa fé waa nii.

Nɔŋba 18:17

Kɛ́lɛ vé a sɛŋ a gɛɛ ǹûai dí moli-ŋai, niŋa-ŋai é pɛ́lɛ mála-ŋai dîa dílônii sinaai maa-ŋuŋ-ŋai ŋuŋ-ma-ƃo fela fe kɛ́. Kpɛni fêi, dímaa waâi. Díŋãa pú ŋ̀âla-teƃelei ma í díwulɔ kúla a kéreŋ-sala. Zâla ŋí lɛ̂lɛi a ńîa.

Nɔŋba 3:46

Eezuɛ-ŋai dí lônii-sinaai maa-ŋuŋ-ŋai tâmaai é tɛ́ɛ Liiva-ŋai dîa a núu ŋuŋ feerɛ pôlu buu lɔ́ɔlu mɛi feerɛ káo saaƃa (273).

Nɔŋba 3:47

Mɛni ma fɛ̂ɛ í ǹûai ŋí maa fela-fei kɛ́ tɛ-tɛi. Núu tɔnɔ maa-fela-fei káa a káne kpua lɔ́ɔlu nyii-ŋai díwiɛ káa yɛ̂ɛ berei dɔ̂ŋ è nɛ̀ lai.