Nɔŋba 18:10 - Ŋ̀âla Kɔlɔ Maa Waai

¹⁰ Ka dímii gwaa maa waai ma. Sinâa nɔ́ ƃa pɔ̂ri dímîi. Zãai ŋí maa waâi.

Nɔŋba 18:10 ပူးပေါင်းရင်းမြစ်များ

Izikiɛ 42:13

Nya ƃe ǹalôŋ è mò ḿâ ǹyɛɛi, “Loŋpoi nyii-ŋai díkaa yá-ŋua da séɣai-perei bɛ́rɛi ŋɛ́i tuɛ pere téniŋ mai dímaa waâi. Gwaai ŋí ma ƃé zâla láa-soŋ-ƃelai nyii-ŋai da pâ Yâwɛɛ ŋɛ́i-tuɛi da pâi zâla-sãa maa-waai miî naa. Gwaai ŋí ma ƃé da pâi zâla-sãa maa-waa kɛ́ɛ yɛ̂ɛ mii-sɛŋ sama-sɛŋ, sɔnyɔ̂ŋ sama-sɛŋ, da sama-sɛŋ nyii da dɛ̀ɛ a sɔnyɔ̂ŋ kula maa ŋa-see kɛɛi. Kpɛ́ni fêi gwaai ŋí mà m̀aa waâi.

Levetekɔ 10:13

Ka ílônii ka pɔ̂ri miî gwaa ma waai ma, kpɛ́ni fei, géreŋ sala-sɛŋ Yâwɛɛ mɛni mai káwɔ̂i ká ŋí yɛ̂ɛ, berei Yâwɛɛ è mò la ḿâi.

Levetekɔ 10:17

“Káfe zɔnyɔ̂ŋ sala-sɛŋ mii ní gwaa ma waai ma lé mɛni ma? Gáa a sama-sɛŋ maa waa kɛ́tɛ ǹyaŋ Yâwɛɛ a dɛ́ɛ ípɔ Eezuɛ-ŋai dísɔnyɔ̂ŋ su mɛni lɛɛ mɛni ma.

Levetekɔ 14:13

A pâi m̀álai paâi ƃɛ́i a zɔnyɔ̂ŋ sala taa-tulɛi da géreŋ salai maa-taa-tulɛi ŋai pàa naa. A pâi gɛi tí kpɛ́ni fêi, zɛŋ pɔɔ tôo sâla-sɛŋ nyii gáa yɛ̂ɛ sɔnyɔ̂ŋ sala-sɛŋ káa a zâla láa soŋ nuui pɔ́ɔ. Ǹyaŋ maa waâi a ŋánaa.

Levetekɔ 21:22

A pɔ̂ri mii-sɛŋ sala-sɛŋ da mîi nyii maa waai Yâwɛɛ mɛni mai.

Levetekɔ 6:16

Eelɔŋ da ǹônii dí gbéli kpɛtɛ a kpólo nyii tɛ́-sɛŋ fé zui, dí mii Yâwɛɛ ŋɔpɛ́rɛ maa waai mu.

Levetekɔ 6:18

Eelɔŋ ǹônii sinaai dísuui su sinaai díwɔ̂ sala-sɛŋ mii ká ŋí zâla sɛŋ su nyii da dɛ̀ɛ Yâwɛɛ pɔ́i. Gáa a díwɔ̂i wɔlɔ-wɔlɔ da wɔlɔ-wɔlɔ. Núu da kpɛ́ni a lɛ̀ɣɛ mii-sɛŋ ŋí ḿâ, a pâi naa pɔɔ lɛ̂i, kpɛ́ni-fei m̀aa waai.

Levetekɔ 6:26

Zâla láa soŋ nuui nyii zâlai ŋí kulâi é ma suai míi Gwaa Maa Waai ma Yâwɛɛ Ŋɔsua-kɔlɔ seɣe pɛ́rɛi mu.

Levetekɔ 6:29

Zinâai kélee zâla láa soŋ-ƃelai sámai da pɔ̂ri zâla sɛŋ ŋí da miî. Gáa a sâla sɛŋ maa wâa a ŋ̀ánaa.

Levetekɔ 7:6

Zinâai kélee díkaa zâla láa soŋ ƃelai samai da pɔ̂ri zâla sɛŋ ŋí da miî. Kɛ́lɛ fɛ̂ɛ dí mii gwaa ma waai ma. Gáa a sâla sɛŋ maa waa kɛ́tɛi.

Nɔŋba 18:11

“Ǹíi-see sala-sãai Eezuɛ-ŋai da dítɛ̀ɛ ḿbɔi, díkaa máŋ a kápɔɔ ka ílônii-sinaai da ílônii-nɛyãai wɔlɔ-wɔlɔ da wɔlɔ-wɔlɔ. Ísuui su-ƃelai nyii-ŋai kélee dímaa waâi, da pɔ̂ri da miî.

Nɔŋba 18:9

Zama-sãa maa waai nyii-ŋai dífe a kéreŋ-salai, nyii-ŋai díkaa a kápɔɔ ka ílônii, dia ká ŋí. Mii-sɛŋ sâla, sɔnyɔ̂ŋ su-mɛni lɛɛ sâla da mɛni lɛɛ-maa sala. Sama-sɛŋ maa-waa nyii kélee da dɛ̀ɛ ḿbɔi, díkaa a kápɔɔ ka ílônii.