Nɔŋba 18:1 - Ŋ̀âla Kɔlɔ Maa Waai

¹ Yâwɛɛ è mò Eelɔŋ mà ǹyɛɛi, “Ka ílônii é pɛ́lɛ Liiva-ŋai dísuui ma ka pâi tɔ̂ŋ-kpɛ-maa sɔlɔ ƃôi à kɛ̀ ka pɔara-maa kɛ̀ Zua kɔlɔ seɣe pɛrɛ maa waai maa-tii kɛ́ɛ su. Ka ílônii nɔ́ ƃé pâi tɔŋ-kpɛ-maa sɔlɔ ƃôi à kɛ̀ kà pɔara-maa kɛ̀ kásâla-laa soŋ-tii kɛ́ɛi su.

Nɔŋba 18:1 ပူးပေါင်းရင်းမြစ်များ

Ɛsedɔ 28:38

Fɛ̂ɛ Eelɔŋ é m̀ɔrɔi ŋí sée ŋ̀ûa a tãi kélee a gɛɛ ńyãa Yâwɛɛ ŋá ńyee sée Eezuɛ-ŋai dísâla-sãai kélee mu da dɛ̀ɛ ḿbɔi, à nɛ̃ɛ ma kpîŋ ǹûai dí pɔara-maa kɛ́ a dɛ́ɛ pere ḿbɔ.

Azaya 53:11

Ŋɔmɔ̃́lɛ-laai pôlu ma, lii-nɛ̃̂ɛ a pâi kɛ̂i m̀a. Ŋɔmɔ̃́lɛ-laai fé pâi kɛ̂i kpɛ́ni-kpɛni. Ńii lâai ŋátíi kɛ́-nuui mɛ̂ni ma. A pâi núu támaa dímɛni kula maa kɛ́ɛi maa mɛni solii siɣêi. Ŋa pâi núu támaa dísɔnyɔ̂ŋ su mɛni lɛɛ̂i zarâi.

Azaya 53:6

Kúkelee kú kɛ̀ nɔ́ yɛ̂ɛ ƃála láŋɔɔ-ŋa. Kú kɛ̀ nɔ́ liî kúkpîŋ ŋuŋ ma. Kɛ́lɛ m̀ɛni kula maai kɛ̀ kúmɛni mai, Yâwɛɛ è gélee pù ŋ̀ûa. Kúa ƃé m̀aa nɛ̃ɛ̂i kɛ̀ kú m̀ɛni kula maai ŋí sɔlɔ ƃó.

Izikiɛ 4:4

“À kɛ̀ tí, láa íkɔɔ yêe mɛi pere ŋa pâi Eezuɛ-ŋai dísɔnyɔ̂ŋ pûi íŋûa. Vólo kûui ya gɛ̂i lâai ƃé pâi kɛ̂i a dísɔnyɔ̂ŋ kula maa kɛ́ tãi ŋɔkóraŋ.

Levetekɔ 10:17

“Káfe zɔnyɔ̂ŋ sala-sɛŋ mii ní gwaa ma waai ma lé mɛni ma? Gáa a sama-sɛŋ maa waa kɛ́tɛ ǹyaŋ Yâwɛɛ a dɛ́ɛ ípɔ Eezuɛ-ŋai dísɔnyɔ̂ŋ su mɛni lɛɛ mɛni ma.

Levetekɔ 22:16

ǹyaa ƃa dí ǹɛɛ naa ǹúui maa fé nɛ̃ɛ ní é da mii é da tɛɛ bɔ́. Ǹúui maa fé nɛ̃ɛ ní é da mii a mìi a mɛni kula maa sɔlɔ ƃò, kpɛni fêi, Ńyãa Yâwɛɛ ƃe zâla sãai maa waa.”

Levetekɔ 22:9

“Fɛ̂ɛ zâla láa soŋ-ƃelai dí ŋátɔ̂ŋ-ŋai mɛi káa ŋá dɛ̀ɛ dípɔi. Da wàla gɛ́ da pâi saâi díkpîŋ sɔnyɔ̂ŋ su, kpɛ́ni fêi, da ƃâa kula ńaa ḿa. Ńyãa ƃa Yâwɛɛ nyii dímaa waai.

Nɔŋba 14:34

Ká ɣele-kuu buu náaŋ sìɣe ká ǹɔii su káa la. Mɛni ma ka pâi mɛni-soli kâai kásɔnyɔ̂ŋ mɛni ma a kóraŋ buu náaŋ nyii-ŋai dítɔɔ̂i ŋ̀ele kuu buu náaŋ tí kélee mɛni ma tɛi-tɛi, a gɛɛ ka gɔ́lɔŋ ńdɔɔ̂i kâa.

Nɔŋba 16:10

A gɛ̀ ka Liiva lônii kpéli-ŋai kélee ka lɛɣɛ gɔlɛ. Ǹyaŋ ka ŋ̀wɛ̂lii ká nâa kɛ́ a sâla láa-soŋ-ƃela máŋ.

Nɔŋba 17:13

Ǹúui nyii kélee pâi lɛɣɛ̂i Yâwɛɛ Ŋɔsua kɔlɔ seɣe pɛrɛ maa waai mai, maa-nuui a pâi saâi. Kúkelee kwa pâi sâai.”

Nɔŋba 17:3

Eelɔŋ láa pɔ̃yɛ Liiva ŋɔsia-wuruii ma. Kpɛni fêi, sia-wûru tɔnɔ a pâi kɛ̂i núu-suu tɔnɔ túɛ-nuu mɛni ma.

Nɔŋba 17:7

Nya ƃe Mose è zia-wûru-ŋai ŋí pù Zua kɔlɔ seɣe pɛrɛ maa waai mu Yâwɛɛ ŋɛ́i-tuɛ.

Nɔŋba 18:11

“Ǹíi-see sala-sãai Eezuɛ-ŋai da dítɛ̀ɛ ḿbɔi, díkaa máŋ a kápɔɔ ka ílônii-sinaai da ílônii-nɛyãai wɔlɔ-wɔlɔ da wɔlɔ-wɔlɔ. Ísuui su-ƃelai nyii-ŋai kélee dímaa waâi, da pɔ̂ri da miî.

Nɔŋba 3:6

“Pá a Liiva ŋɔsuui su-ƃelai zâla láa-soŋ-nuui Eelɔŋ pɔ́ a gɛɛ dí tíi kɛ́ ḿî.

Dutɛrɔnome 10:8

Maa tãi tí ƃé Yâwɛɛ è Liiva-ŋai sìɣe la a gɛɛ dí kɛ́ sìa a gbana-woo-kɛɛ maa gãlai, dí kɛ́ tíi kɛ̀ mì, dí kɛ́ lûwa làa nûa dîa ǹyaa Yâwɛɛ ǹáai su. Ǹyaŋ bere ƃé gáa la sâa.

Ibulu 13:17

Ka kátuɛ-ƃelai wóo mɛni ká kɛ́ dímu. Kpɛ́ni fêi, díkaa kámɔlêŋ mɛi kâai yɛ̂ɛ ǹûai fɛ̂ɛ dí díkoraŋ ƃoi. Tɔɔ dí gɛ́ a lii-nɛ̃ɛ, dífe gɛ a lii-too pôlu, kpɛ́ni fêi, à kɛ̀ da kɛ̀ a lii-too pôlu, gɛ̀ ní káfe pâi mɛni lɛ́lɛɛ kulâi zu.

Ibulu 4:15

Kpɛ́ni fêi, zâla láa soŋ-nuui gáa kúyêei vé a zâla láa soŋ-nuu nyíi pɔ̂ri fé mì a gɛɛ é kúmalôŋ káa kúfii-kpɛɛi sui, kɛ́lɛ, gáa a zâla láa soŋ-nuui nyíi su-kɔɔ̂ŋ è pà bɔ̀ pere sii kélee su yɛ̂ɛ kúai. É máŋ kɛ́ tí vé sɔnyɔ̂ŋ kɛ́ ní.

Pitɛ Maa-ŋuŋ 2:24

Ǹyaa kpîŋ è kúsɔnyɔ̂ŋ-ŋai síɣe gbonôi zaa-wurui mâ, a gɛɛ kú kpera kúɣeniɛi kɛ́ɛ ma sɔnyɔ̂ŋ mɛni ma, kú kúɣeniɛi kɛ́ tɔ̃yâ-laa mɛni ma. Ǹókwa-pala-ŋai dí káƃàlo.

M̀ɛni-sâa Ƃó-ƃelai 17:12

Nya ƃe Maka è zèe a ŋɔsâla láa soŋ nûu, gɛ́ ƃò ŋɔpɛ́rɛi mu.