Nɔŋba 17:7 - Ŋ̀âla Kɔlɔ Maa Waai

⁷ Nya ƃe Mose è zia-wûru-ŋai ŋí pù Zua kɔlɔ seɣe pɛrɛ maa waai mu Yâwɛɛ ŋɛ́i-tuɛ.

Nɔŋba 17:7 ပူးပေါင်းရင်းမြစ်များ

Ɛsedɔ 38:21

Zãai dí Ɣâla ŋɔpɛ́rɛi nyii gɔni-ƃela feerɛi Ɣâla ŋɔtɔ̂ŋ puui è kɛ̀ a bɔ̃yɛɛ diai dí kɛ̀ mui tɔ̂ɔ lai ká ŋí. Mose ƃé zãai ŋí lɛ̀. Liiva-ŋai nyii-ŋai ŋí díkɛ̀ tíi kɛ̂i zâla láa soŋ-nuu kɛ́tɛi Eelɔŋ ǹóŋ Itama yée mui dí gbɛ̀tɛi.

Nɔŋba 1:50

Kɛ́lɛ Liiva-ŋai kɛ́ Ŋásua kɔlɔ seɣe pɛrɛ maa waai mɛi da maa-sãa kélee. Dia nɔ́ ƃa pɔ̂ri liî a maa sãa kélee. Ƃɛ́i kélee da lî naai dí bîlaŋ, dí díƃûui tɔ́ɔ dí dínaŋ ma. Dia nɔ́ ƃa pɔ̂ri tíi kɛ̂i mu.

Nɔŋba 1:53

Kɛ́lɛ Liiva-ŋai nɔ́ ƃa pɔ̂ri díƃûui tínanîi Zua kɔlɔ seɣe pɛrɛ maa waai ma, dí mɛi káa a gɛɛ núu da fé la pá la naa é ŋ́gɛ ńii é ŋwána Eezuɛ-ŋai dîa.”

Nɔŋba 14:10

Kɛ́lɛ ǹûai kélee dí mò a gɛɛ dí dísɔɔ a kɔni. Nya ƃe Yâwɛɛ ŋɔfólo-laai è pà Eezuɛ-ŋai kélee pɔ́ Zua kɔlɔ seɣe pɛrɛ maa waai mɛi.

Nɔŋba 17:4

Lí a ŋúru-ŋai Zua kɔlɔ seɣe pɛrɛ maa waai mu í dípu gbanaŋ-woo kɛɛi maa-gãlai kɔlɛ ƃɛ́i kwa kúkîe-ni kàa naai.

Nɔŋba 17:6

Nya ƃe Mose è lòno Eezuɛ-ŋai pɔ́. Ǹúu-suu puu káo feerɛi kélee dí-tuɛ-ƃelai dí sia-wûru tɛ̀ɛ Mose pɔ́ tɛi-tɛi. Eelɔŋ ŋɔsia-wûrii è kɛ̀ zia-wûru-ŋai ŋí sáma.

Nɔŋba 18:2

Ka Liiva-ŋai ka pá máŋ nyii-ŋai dí káa a ínâŋ ŋɔsuui su-ƃelai, a gɛɛ dí kpɔ́ŋ yâ díi kɛ́-mɛni ma, tãi ka ílônii kákaa tíi kɛ̂i la Zua kɔlɔ seɣe pɛrɛ maa waai mui.

Nɔŋba 9:15

Ŋ̀elei dí Zua kɔlɔ seɣe pɛrɛ maa waai tɔ̀ɔ lai, ŋ̀ele-kɔlɔŋ kolei è mɛ̀i pɛ̀lɛ. É síɣe ɣele-wulii ma é tóo ɣele-wala ma. Ŋ̀ele-kɔlɔŋ kolei è pɛ̀lɛ Zua kɔlɔ seɣe pɛrɛ maa waai mɛi yɛ̂ɛ ŋɔŋ-leŋ.

Zia-ƃelai Kɛ́-mɛni-ŋai 7:44

“Ɣâla Ŋɔsua-kɔlɔ seɣe-pɛrɛi è kɛ̀ kúnâŋ-ni yêei vɛ̃ɛ-kpâlaŋ su, gbɛ́tɛɛ yɛ̂ɛ berei Ɣâla è mò la Mose ma a gɛ́ɛ é gbɛtɛ la yɛ̂ɛ berei ǹyaa Mose è gbɛtɛ pere kàa lai.