Nɔŋba 17:5 - Ŋ̀âla Kɔlɔ Maa Waai

⁵ Ǹúui ŋa pâi nɛ̂i, maa-nuui ƃé ŋɔsia-wuruii a pâi pɔmunii. Bere-sii ŋí ƃé ŋa pâi Eezuɛ-ŋai kperâi la díŋuŋ-su-woo saa ma a tãi kélee é pîlaŋ kâa.”

Nɔŋba 17:5 ပူးပေါင်းရင်းမြစ်များ

Kɔlɔnikɔ Veerɛi 26:16

Kɛ́lɛ tãi Uzia è nâa wàla-wala la a ŋ̀ánaai, è nâa kɛ̀tɛ gbîŋ ŋɛ́i gɛ̀ yoŋka tèe zɛŋ ƃé gɛ̀ gɛ́ tòo mu. È nâa bôlu tɔ̀ɔ Yâwɛɛ ma, va kâa ƃaa kɛ́-maa tɛ̀ɛ Yâwɛɛ pɔ́ nyíi kɛ̀ a Ŋɔɣâlai. A kâa lɔ̀ Yâwɛɛ ŋɔpɛ́rɛi kɛ́tɛi mu gɛ́ kéreŋ sala kùla naa géreŋ-sɛŋ kúŋ-nɛ̃ɛi maa Ɣâla-teƃelei ŋá.

Wule-woo-ŋa 105:26

Nya ƃe è ŋɔtíi kɛ́-nuui Mose tɛ̀ɛ da Eelɔŋ nyii è zìɣe zui.

Ɛsedɔ 16:7

Ka pâi Yâwɛɛ ŋɔfólo-laai kâai tínaa ɣele-wâla. A kálii-ŋwanai maa mɛni mɛ̂ni nyii ká gɛ̀ mai. Gbɛ̂ɛ ƃa kúa a gɛɛ ká kálii ŋwána kûa?”

Azaya 11:1

Deeƃé ŋɔsuui káa yɛ̂ɛ wúru nyíi da dèe zame fa sâai. Da dèe ŋume a tɛ̂niŋ ŋɔ́nɔ pôlu. Kâloŋ nina a pâi kulâi ŋɔ́nɔ ŋɔsuui su.

Azaya 13:11

Yâwɛɛ è m̀o ǹyɛɛi, “Ŋa pâi mɛni kpɔ̂lu lâai ǹɔii ma ŋá zu-ƃela kélee kula-maa kɛ́ díŋwana-lɔ̂ɔ tua-ŋai mɛni ma. Diai díŋɛi tɛɛ̂i, ŋa pâi dí maa yenîi. Diai díŋwana-lɔ̂ɔi, díŋɛi tɛ́ɛi, ŋa pâi dí kula maa kɛ̂i.

Azaya 27:6

Ŋ̀ele-ŋai da pâi pâi Eezuɛ-ƃelai da pâi ŋɔ́nɔ dísame nina-ŋa siɣêi yɛ̂ɛ wúru-ŋa. Zeeka ŋɔsuui su-ƃelai ŋí da pâi ŋɔ́nɔ ƃûu ƃôi dí ǹɔii láa-fɛɛ. Mii-sãa támaa da pâi kɛ̂i naa dímɛni ma.

Azaya 5:24

M̀ɛni ma, berei kpɔ́ ŋɔŋ a ŋuŋƃe kpâla da kala kpâla kèreŋ lai, bere ƃé Ɣâla a pâi gɛ̂i la a dia. Díkɔɔ a pâi lûlai dímu, díyee é kpála-kpàla dîa. A pâi kɛ̂i tí, kpɛ́ni fêi, da díyee kúla Ŋ̀wála-wâla kélee Yâwɛɛi nyii gáa a Eezuɛ Ŋɔɣâla Maa Waai ŋɔtɔ̂ŋ-ŋai mu.

Izikiɛ 16:41

Da pâi ípɛrɛ-ŋai kereni. Da pâi íkula maa kɛi nɛnî kpɔŋ ŋ̀ɛ́i. Ŋa pâi gɛi í kpera wulu-wulu kɛ̂i, ífa ŋɔ́nɔ sama-sɛŋ tɛɛ wulu-wulu kɛ mɛni m̀a.

Izikiɛ 23:27

M̀ɛni ma, ŋa pâi íkperâi íwulu-wulu tua-ŋai kélee ma íkula la Izei. Ŋa pâi gɛ̂i tí a gɛɛ ífa pɔ̂ri íŋuŋ mu siɣêi í Ize-ƃelai káa, kpaa máŋ díkili é lɛ́ɛ íkili-ŋá.”

Osia 14:5

Ŋa pâi kɛ̂i yɛ̂ɛ lúu Eezuɛ-ŋai yêei. Da pâi poâi yɛ̂ɛ wúru. Dísame a pâi lɔ̂i ǹɔii mu yɛ̂ɛ wúru.

Nɔŋba 1:51

Liiva-ŋai nɔ́ ƃa pɔ̂ri Ŋásua kɔlɔ seɣe pɛrɛ maa waai pîlanii dí gula. Núu da kpɛ́ni kélee à lɛ̀ɣɛ Ŋásua kɔlɔ seɣe pɛrɛ maa waai kɔlɛ, maa-nuui a pâi sâai.

Nɔŋba 11:1

Ǹûai dí wɔ̀lɔ Yâwɛɛ ma é pîlaŋ la dímɛni kpɔlu-ŋai dîa. Tãi Yâwɛɛ è díwoo mɛni lai, ǹíi è ŋwàna é ŋɔŋ tóo dísama. Ŋɔŋ è m̀ûui m̀éla tɔnɔ kèreŋ.

Nɔŋba 16:11

Mɛni ma Yâwɛɛ ƃé ka ínûai kélee ká tɔ̀ɔ mà. Káfe tɔɔ ní Eelɔŋ ma.”

Nɔŋba 16:5

È mò Koa da ǹûai kélee dîa ǹyɛɛi, “Yâwɛɛ a pâi ǹúui lɛ̂i a tínaa ɣele-wâla nyii gáa a bɔ́ɔi. A pâi ǹúui lɛ̂i nyii maa waâi a pɔ̂ri lɛɣɛ̂i lai. Ǹûui a pâi nɛ̂i ǹyaa ƃé a pâi nɛɛ̂i naa é lɛ́ɣɛ là.

Nɔŋba 17:10

Nya ƃe Yâwɛɛ è mò Mose mà ǹyɛɛi, “Eelɔŋ ŋɔsia-wûrii láa pôlu gbanaŋ-woo kɛ́ɛ maa-gãlai kɔlɛ a gɛɛ é kɛ́ naa a ŋɛi-kɛ-maa dɔɔ-maa-ƃelai mɛni ma a gɛɛ dí kpéra díŋuŋ-su-woo sáa ma dífa lâa saa la.”

Nɔŋba 17:6

Nya ƃe Mose è lòno Eezuɛ-ŋai pɔ́. Ǹúu-suu puu káo feerɛi kélee dí-tuɛ-ƃelai dí sia-wûru tɛ̀ɛ Mose pɔ́ tɛi-tɛi. Eelɔŋ ŋɔsia-wûrii è kɛ̀ zia-wûru-ŋai ŋí sáma.

Nɔŋba 17:8

Naa pôlu ma ɣele-walai Mose è lì é lɔ́ Zua-kɔlɔ seɣe pɛrɛ maa waai mu é Eelɔŋ ŋɔsia-wuruii káa nyii kɛ̀ Liiva ŋɔsuui mɛni mai bɔmûŋɔɔ. È nâa pòa gɛ́ ƃà.

Kɔleŋtiɛŋ Maa-ŋuŋ 10:10

Káfe káŋuŋ su-woo sàa yɛ̂ɛ berei ǹúui da-ni dí gɛ̀ lai. Núu su-kara-nuui è dísu kara.

Zasua 4:7

Gɛ̀ ní, ka pâi m̀ôi dîa a gɛ́ɛ Zɔdiŋ Ya-leei su è tèe káperêi ká tɛ́ɛ naa lɔii kpâla ma a Yâwɛɛ Ŋɔkono-tee gãlai. Mɛni ma, gɔni-ŋai ŋí da pâi kɛ̂i a kili-too ŋ̀á sɛŋ Eezuɛ-ŋai mɛni ma wɔ́lɔ-wɔlɔ da wɔ́lɔ-wɔlɔ.”