Nɔŋba 16:9 - Ŋ̀âla Kɔlɔ Maa Waai

⁹ Gáa a mɛni-loŋ a gɛɛ Eezuɛ-ŋai Díɣâlai é kákula Eezuɛ-ŋai sáma é ká lɛ́ɣɛ gbono ma a gɛɛ ká tíi kɛ́ ŋɔpɛ́rɛ maa waai mu ká tɔ́ɔ Eezuɛ-ŋai láa-tuɛ ká tíi kɛ́ dîɛ?

Nɔŋba 16:9 ပူးပေါင်းရင်းမြစ်များ

Zɛnɛse 30:15

Kɛ́lɛ Liɛ è mò ma ǹyɛɛi, “Nyíti fé táma ní a gɛɛ ƃa ŋásurɔ̂ŋ kúla ńyêei? Ƃa ŋ̀wɛ̂lii ŋɔ́nɔ í ńoŋ ŋɔwúru-ƃai kúla ńyêei?” Leesɛ ǹyɛɛ mai, “Ƃà íloŋ ŋɔwúru-ƃai tɛ̀ɛ ḿbɔ, gɛ̀ ní Zeeka a pâi sâa lâai íkɔlɛ a gbínii.”

Samia Veerɛi 7:19

M̀ɛni-ŋai ŋí fé nɔ́ íŋɛi a mɛni fii-kpɛɛ, óo Yâwɛɛ Ɣala. Ya íkono-teei lí máŋ tuɛ-pere íyee mu-nuui ǹóŋ ŋɔlônii mɛni ma, óo Yâwɛɛ Ɣâla!

Kɔlɔnikɔ Veerɛi 35:3

È mò Liiva-ŋai nyíi-ŋai kɛ sɛŋ lɛ̂i Eezuɛ-ŋai dîa nyii-ŋai dí díkpîŋ maa waa Yâwɛɛ maa mɛni mai ǹyɛɛi, “Ka Gbanaŋ-woo-kɛɛ maa gãla maa waai lɔ Ŋ̀âla-pɛrɛ Kɛ́tɛi mu nyíi Deeƃé ǹóŋ Saloma è wɔ́lɔ dɔ̀ɔi. Káfa ŋɔ́nɔ pɔ̂ri ǹaai kákaraŋ-ŋa ká lí la. A kɛ́ tí, ká tíi kɛ́ Káɣâlai Yâwɛɛ da ŋɔnûai Eezuɛ díɛ.

Niɛmaya 12:44

Maa ɣelei tí, ǹûai láa túɛ-ƃelai dí díyee lɛ̀ nûa dîa a gɛɛ díkɛ Ŋ̀âla-pɛrɛ Kɛ́tɛi ŋɔsãâi lâai kɛ́ kwaai ma mɛni mɛi. Zãâi maa nɛ̃ɛ̂i ǹûai dí pá lai ƃa, dísama-sãai, dísi-sãai m̀á maa ŋuŋ-ŋai, da ǹûai kɔ́ri-sãai buu ɣêle-ŋai. Dîai dí díyee lɛ̀ diai dítii ƃa díkɛ lì gbâlaŋ-ŋai ŋá, a gɛɛ gbâlaŋ ǹâmela díkɛ díkɔri-sãai buu ɣêlei tɛ̀ɛ dípɔ. Zãai ŋí díkɛ zâla lá soŋ ƃelai da Liiva-ŋai mɛni ma yɛ̂ɛ berei Mose ŋɔtɔ̂ŋ è m̀o lai. Zuda-ƃelai díkɛ̀ a dílii láa a berei zâla láa soŋ-ƃelai da Liiva-ŋai díkɛ̀ dítii kɛ̂i lai.

Azaya 7:13

Azaya è mò m̀a ǹyɛɛi, “Deeƃé ǹônii, ka káwoli tɔ́ɔ. Vé lɛ́lɛ ní núu da líi à kɛ̀ a gbeleɛɛ, ká gɛ́ m̀aa nuui fíi é kpɛ́ɛ ŋɔlii-kpêlei su. Kà gɛ̀ tí, káfe gɔ́lɔŋ ka pɔ̂ri gɛ̂i Ɣâla ǹyaa máŋ fíi é kpɛ́ɛ ŋɔlii-kpêlei su?

Izikiɛ 34:18

Kálaa miɛɛ gala lɛ́lɛɛi ŋí ŋá fé lɛ́lɛ ní, ǹyaa ka dáŋ-nîi a ká kɔ́ɔi? Ká kpeliɛɛ a yá-seɣeŋɔɔ fé lɛ́lɛ-ni ǹyaa ká ǹyái nunûi a kákɔɔi?

Izikiɛ 44:16

Dia nɔ́ ƃé pâi pâi ŋápɛrɛi mu dítii kɛ́ ŋáteƃelei ŋá. Dia nɔ́ ƃé pâi kɛ̂i ŋápɛrɛi mu tii mɛi kâai.

Nɔŋba 1:53

Kɛ́lɛ Liiva-ŋai nɔ́ ƃa pɔ̂ri díƃûui tínanîi Zua kɔlɔ seɣe pɛrɛ maa waai ma, dí mɛi káa a gɛɛ núu da fé la pá la naa é ŋ́gɛ ńii é ŋwána Eezuɛ-ŋai dîa.”

Nɔŋba 16:13

Kúkulâi í mò mii-sɛŋ kpɛtɛ-lɔii lɛ́lɛɛi su í pá a kúa ƃɛ́ vɛ̃ɛ-kpâlaŋ su a gɛɛ í kúpaâi gáa a mɛni-loŋ, a gɛɛ í íkpîŋ kɛ́ a kâloŋ kúmɛi?

Nɔŋba 16:8

Nya ƃe Mose è mò Koa mà ǹyɛɛi, “Ka ŋ́oo mɛni káai a Liiva lônii.

Nɔŋba 3:6

“Pá a Liiva ŋɔsuui su-ƃelai zâla láa-soŋ-nuui Eelɔŋ pɔ́ a gɛɛ dí tíi kɛ́ ḿî.

Nɔŋba 3:9

Liiva-ŋai tɛ́ɛ Eelɔŋ pɔ́ da ǹônii. Díkaa a bɔ́ɔ Eezuɛ-ŋai pɔ́ɔ ŋá.

Zia-ƃelai Kɛ́-mɛni-ŋai 13:2

Dí kɛ́ɛ Kúnuu-namui fɛlîi, díkɛ pili suŋ sui, M̀ɔlêŋ Maa Waai è mò dîa ǹyɛɛi, “Ka Banaba da Sɔ̂ɔ kula kásama díi ŋá dítòli a gɛ́ɛ dí gɛ́i mɛni ma.”

Kɔleŋtiɛŋ Maa-ŋuŋ 4:3

Kɛ́lɛ, mɛni a kpera mâ gáa a mɛni-loŋ kuro-te a gɛ́ɛ ka ŋámɛni ŋá tée, kpaa máŋ mɛni ƃo-kêre mu-ƃela kélee. Fa ŋ́gbîŋ maa-mɛni ŋá tèe máŋ.

Dutɛrɔnome 10:8

Maa tãi tí ƃé Yâwɛɛ è Liiva-ŋai sìɣe la a gɛɛ dí kɛ́ sìa a gbana-woo-kɛɛ maa gãlai, dí kɛ́ tíi kɛ̀ mì, dí kɛ́ lûwa làa nûa dîa ǹyaa Yâwɛɛ ǹáai su. Ǹyaŋ bere ƃé gáa la sâa.

Samia Maa-ŋuŋ 18:23

Deeƃé ǹyɛɛ diai, “Ḿve a tɔɔ-nuu. Nûa dífe ŋ́gɔlɔŋ a ǹɛ́lɛɛ a gɛ́ɛ ŋá gâloŋ ǹóŋ Maka kula a nɛnî.”