Nɔŋba 16:5 - Ŋ̀âla Kɔlɔ Maa Waai

⁵ È mò Koa da ǹûai kélee dîa ǹyɛɛi, “Yâwɛɛ a pâi ǹúui lɛ̂i a tínaa ɣele-wâla nyii gáa a bɔ́ɔi. A pâi ǹúui lɛ̂i nyii maa waâi a pɔ̂ri lɛɣɛ̂i lai. Ǹûui a pâi nɛ̂i ǹyaa ƃé a pâi nɛɛ̂i naa é lɛ́ɣɛ là.

Nɔŋba 16:5 ပူးပေါင်းရင်းမြစ်များ

Wule-woo-ŋa 105:26

Nya ƃe è ŋɔtíi kɛ́-nuui Mose tɛ̀ɛ da Eelɔŋ nyii è zìɣe zui.

Wule-woo-ŋa 115:10

Káai a Ɣâla ŋɔsâla láa soŋ-ƃelai, ka láa a Yâwɛɛ. A kpɔŋ kâa, gɛ́ kámaa kɔ̃̂ɔ.

Wule-woo-ŋa 65:4

Lûwa káa ǹúui ma í zìɣe zu í nɛɣɛ a yâi, a gɛɛ é kɛ́ ípɛrɛi mui. Kúlii a pâi lâai zãai mɛni ma ya dɛ̀ɛ kúpɔ ípɛrɛi mui, nyíi gáa a Ípɛrɛ Maa Waai.

Ɛsedɔ 28:1

“Ílîa Eelɔŋ da ǹônii-sinaai kúla Eezuɛ-ŋai sáma í pá a dia a gɛɛ dí kɛ́ a ŋásâla láa soŋ-ƃela. Pá a Eelɔŋ da ǹônii Nada, Abiu, Ilieza é pɛ́lɛ Itama ma.

Ɛsedɔ 28:41

Zeɣe-ŋai ŋí tóo ílîa Eelɔŋ ma da ǹônii-sinaai. Nàa pôlu ma díseɣe í dítɛɛ ḿbɔ a wúlɔ púɔɔ díŋûa a gɛɛ dí kɛ́ a ŋásâla láa-soŋ-ƃela.

Ɛsedɔ 28:43

Fɛ̂ɛ zeɣe-ŋai ŋí dí kɛ́ Eelɔŋ m̀a da ǹônii a tãi kélee dí lɛ́ɛ liî zua-kɔlɔ seɣe pɛrɛi mu kpaa máŋ dí lɛ́ɛ lɛɣɛ̂i ŋ̀âla-teƃelei kɔlɛ a gɛɛ dí tíi kɛ́ mî Gwaa Maa Waai ma. À wàla kɛ́ tí, sɔnyɔ̂ŋ a pâi kɛ̂i dîa, ǹyaŋ gɛ̀ ní da pâi saâi. Tɔ̂ŋ kpanaŋ ká ŋí Eelɔŋ mɛni ma da ŋɔsuui.”

Zɛlemaya 30:21

Díkpɔɔi nuu a pâi kɛ̂i dílaa túɛ. Dílaa túɛ-nuui a pâi kulâi dísama. Tãi ŋa pâi dôlii lai, da pâi pâi ŋ́gɔlɛ. Ǹúui nênɛ ƃé pâi pâi ŋ́gɔlɛ mâ à kɛ̀ ḿve dòli nii? M̀ɛni ma, ka pâi kɛ̂i a ŋánûa, ńyaŋ ŋ́gɛ ƃò a Káɣâla. Ńyãa Yâwɛɛ ƃé mò tí.”

Zɛlemaya 49:19

Ŋa pâi pâi dîa yɛ̂ɛ yala-sulu a kùla ǹɔɔi su Zɔdiŋ Ya-leei kɔlɛ a pɛ̀lɛ ƃála-ŋa dîa gala ŋûnui ŋá ƃɛ́i da dílaa-mii naai. Ŋa pâi pâi ŋá Idɔŋ-ƃelai kɛ́ dí pú a maa félaa dí kúla dílɔii su. Gɛ̀ ní, ŋa pâi dílaa túɛ-nuu lɛ̂i nyíi pâi dímɛi kâai. Gbɛ̂ɛ ƃé ka pɔ̂ri gɔɔ̂ni ḿâi? Gbɛ̂ɛ ƃa pɔ̂ri tɔɔ̂i ŋ́ɛi túɛi?

Zɛlemaya 50:44

“Ńyãa Yâwɛɛ, ŋa pâi pâi yɛ̂ɛ yala-sulu ƃé kulâi wolâai Zɔdiŋ Ya-leei kɔlɛ, ŋá pá gala ŋûnui ŋá, ŋá gɛ́ Babelɔŋ é pú a maa félaa é kúla daa lêei su. Gɛ̀ ní ǹúu mɛi-nuui ŋa pâi ziɣêi, ǹyaa ƃé pâi ǹɔii-ŋuŋ tí mɛi kâai. Gbɛ̂ɛ ƃé ka pɔ̂ri gɔɔ̂nii ḿâi? Gbɛ̂ɛ ƃa pɔ̂ri tɔɔ̂i ḿâi? Kâloŋ nênɛ ƃa pɔ̂ri tɔɔ̂i ŋ́ɛi?

Izikiɛ 40:46

Nyii ǹá kulâai yá-ŋua perei gáa a zâla-laa-soŋ-ƃelai nyii-ŋai da tíi kɛ̀ Ŋ̀âla-teƃelei mai pɔ́ɔ. Ǹûai ŋí ƃé díkaa a Zadɔ ǹônii-sinaai nyii-ŋai díkaa a Liiva ǹônii-sinaai sáma nyii-ŋai nɔ́ ƃé da pɔ̂ri pâi Yâwɛɛ ŋɛ́i-tuɛ a gɛɛ dítii kɛ́ mì.

Izikiɛ 43:19

Ńyãai a Ŋ̀wála-wâla kélee Yâwɛɛ ŋa môi yâ a gɛɛ zâla láa-soŋ-ƃelai nyii-ŋai díkaa a Liiva ŋɔsuui su-ƃelai nyii-ŋai díkaa a Zadɔ ǹônii dîa nɔ́ ƃé dí pá ŋɛ́i-tuɛ a gɛɛ dítii kɛ́ ḿî. Ka niŋa sîrɛ-loŋ tɛɛ dí pɔ́ a gɛɛ dí sɔnyɔ̂ŋ-sala kula la.

Izikiɛ 45:4

Nàa é kɛ́ a ǹɔii kpûai nyii maa waâi. Ǹaa é kɛ́ a zâla láa-soŋ-ƃelai nyii-ŋai da tíi kɛ̀ ḿî Ŋ̀âla-pɛrɛi mui pɔ́ɔ díkɛ pà Yâwɛɛ ŋɛ́i-tuɛ díkɛ tíi kɛ̀ mìi. Ǹaa a pâi kɛ̂i a dípɛrɛ-ŋai tɔɔ̂i da Ŋ̀âla-pɛrɛ Kɛ́tɛi tɔɔ̂i.

Levetekɔ 10:3

Nya ƃe Mose è m̀o Eelɔŋ ma ǹyɛɛi, “M̀ɛnii ká ŋí Yâwɛɛ è mòi, ‘Ŋa pâi ŋ́gîŋ lɛ̂i a ḿaa waa diai sáma díkaa ŋ́gɔlɛi, ǹyaŋ ǹûai kélee da pâi ńaa maa tɛ̂i.’ ” Eelɔŋ è lɛ̀ɛ a m̀ɛi saa.

Levetekɔ 8:2

“Eelɔŋ siɣe da ǹônii, í zâla láa soŋ-ƃelai maa ɣîri seɣe-ŋai síɣe, wúlɔ dísee mɛni ma, zɔnyɔ̂ŋ sala kula taa-tulɛi, m̀ála sîrɛ feerɛi da dɛ́-sɛŋ fé zu gbóloi gbɔ̂lɔ tɔnɔ.

Malakai 3:18

Ŋánûai da pâi ŋɔ́nɔ mɛni sîi feerɛ loai kɔ́lɔnîi, zɔnyɔ̂ŋ-ƃelai da zɔŋ lɛ̂lɛ-ƃelai, ǹúui va ŋ́oo mɛnii da ǹúui a ŋ́oo mɛnii.”

Nɔŋba 16:3

Dí díŋa tɛ̀ díkîe mà dîyɛɛ Mose da Eelɔŋ-ni diai, “Kâa nâa lí póŋ. Kúai a Eezuɛ-ŋai kúkelee kúmaa waâi. Yâwɛɛ kɛ́ ƃò kúkɔlɛ. Ka kákpîŋ kɛ́ ŋaŋ kúmɛi lé mɛni ma?”

Nɔŋba 16:6

Tínaa ɣele-wâla, ka káŋɔŋ siɣe-sɛŋ-folo-ŋai síɣe.

Nɔŋba 17:5

Ǹúui ŋa pâi nɛ̂i, maa-nuui ƃé ŋɔsia-wuruii a pâi pɔmunii. Bere-sii ŋí ƃé ŋa pâi Eezuɛ-ŋai kperâi la díŋuŋ-su-woo saa ma a tãi kélee é pîlaŋ kâa.”

Nɔŋba 17:8

Naa pôlu ma ɣele-walai Mose è lì é lɔ́ Zua-kɔlɔ seɣe pɛrɛ maa waai mu é Eelɔŋ ŋɔsia-wuruii káa nyii kɛ̀ Liiva ŋɔsuui mɛni mai bɔmûŋɔɔ. È nâa pòa gɛ́ ƃà.

Zɔ̂ŋ 15:16

Káfe ńziɣe ni. Kɛ́lɛ, ŋá kásìɣe ŋá kálɛ a gɛɛ ká lí ká ƃa a gɛɛ ǹyaŋ káƃa é lɛ́ɛ. A gɛɛ sɛŋ kélee ka m̀are-kɛ̂ɛ kɛ̀ Nàŋ-nuui ma ńaai sui é dɛɛ kápɔ.

Zia-ƃelai Kɛ́-mɛni-ŋai 1:2

é lɛ́ɛ la zu dí dɛ́ ɣelêi. É lɛ́ɛ pâi tɛ̂i ŋ̀elei su, è bàma ŋɔsia-ƃelai dîa M̀ɔlêŋ Maa Waai sârai, nyíi-ŋai a wɔ́lɔ dísiɣei.

Zia-ƃelai Kɛ́-mɛni-ŋai 1:24

Dí Ɣâla fɛ̀li, dîyɛɛi, “Kúnuu-namui, ƃiai í núu kélee líi su kɔ́lɔŋ, ǹúu feerɛi ŋí nyíi lɛ́ kûa ya ziɣe zui,

Zia-ƃelai Kɛ́-mɛni-ŋai 13:2

Dí kɛ́ɛ Kúnuu-namui fɛlîi, díkɛ pili suŋ sui, M̀ɔlêŋ Maa Waai è mò dîa ǹyɛɛi, “Ka Banaba da Sɔ̂ɔ kula kásama díi ŋá dítòli a gɛ́ɛ dí gɛ́i mɛni ma.”

Zia-ƃelai Kɛ́-mɛni-ŋai 15:7

Díkɛɛ sîa támaa toôi, Pitɛ è sìɣe é tɔ́ɔ ǹyɛɛ dîai, “Sinâa da ŋánûa, ka gɔ́lɔŋ a gɛ́ɛ kóraŋ támaa tɛ̂ɛ pôlu ma, Ɣâla a wɔ́lɔ ńɛ kásama a gɛ́ɛ Zɛ̃tai-ŋai dí Duŋ Lɛ́lɛɛi mɛni ńa dí láa la.

Zia-ƃelai Kɛ́-mɛni-ŋai 22:14

È mò, ǹyɛɛi, ‘Kúnâŋ-ni Díɣâlai a ílɛ a gɛ́ɛ í ŋɔnîa-mɛnii kɔ́lɔŋ í Dɔ̃yâ Ɣalai káa í ǹá woo mɛni.

Ifisiɛŋ 2:13

Ká kɛ̀ a kámaa kôyaa Ɣâla ma, kɛ́lɛ, ka nâa lɛɣɛ la Kôrai ŋɔŋãai sarâi.

Temete Veerɛi 2:19

Kɛ́lɛ, Ɣâla ŋɔmɛni kɔ́ɔ pîlaŋɔɔi káa tɔ̂ɔni a gbanaŋɔɔ ŋ̀óo-ŋai ŋí pɔ̃yɛɛ ma: “Kúnuu-namui e dîai kɔ́lɔŋ díkaa a bɔ́ɔi.” “Tɔɔ dîai kélee da Kúnuu-namui láa tòlii dí disu kula ŋwana-lɔɔ ma.”

Ibulu 12:14

Ka kɔ́ a gbanaŋɔɔ a gɛɛ lii-sêe é kɛ́ káloai ká núu kélee da maa-waa-laa nyíi à wàla kɛ́ núu yêei va Kúnuu-namui kâai.

M̀ɛni-lɛɛi 1:6

nyíi kâloŋ-laa kɛ̀ kúmɛni mai, é kúkɛ a Ŋɔɣâlai da Ǹâŋ ŋɔsâla láa soŋ-ƃelai, fólo-laa da núu-mɛi-laa é kɛ́ ǹyêei wɔlɔ-wɔlɔ da wɔlɔ-wɔlɔ. É kɛ́ tí.

Samia Maa-ŋuŋ 2:28

Maa tãi tí, ŋá Eelɔŋ da ŋɔsuui sìɣe zu Eezuɛ sii-ŋai kélee sáma ŋá díkɛ a ŋásâla láa soŋ-ƃela díkɛ sâla kùla ŋáteƃelei ma, díkɛ kéreŋ-sãa kúŋ nɛ̃ɛ kèreŋ naa, díkɛ zâla-laa kula seɣe-ŋai tòo dîa. Ŋá ŋɔŋ sâla sãai kélee da tɛ́ɛ dípɔ Eezuɛ.