Nɔŋba 16:18 - Ŋ̀âla Kɔlɔ Maa Waai

¹⁸ Nya ƃe díkelee dí díŋɔŋ-pu-sɛŋ-folo-ŋai sìɣe dí ŋɔŋ pú dísu dí kéreŋ-sɛŋ kúŋ nɛ̃ɛ pú díŋa da Eelɔŋ-ni é pɛ́lɛ Mose ma dí lí dí tɔ́ɔ Yâwɛɛ Ŋɔsua kɔlɔ seɣe pɛrɛ maa waai lá.

Nɔŋba 16:18 ပူးပေါင်းရင်းမြစ်များ

Kɔlɔnikɔ Veerɛi 26:16

Kɛ́lɛ tãi Uzia è nâa wàla-wala la a ŋ̀ánaai, è nâa kɛ̀tɛ gbîŋ ŋɛ́i gɛ̀ yoŋka tèe zɛŋ ƃé gɛ̀ gɛ́ tòo mu. È nâa bôlu tɔ̀ɔ Yâwɛɛ ma, va kâa ƃaa kɛ́-maa tɛ̀ɛ Yâwɛɛ pɔ́ nyíi kɛ̀ a Ŋɔɣâlai. A kâa lɔ̀ Yâwɛɛ ŋɔpɛ́rɛi kɛ́tɛi mu gɛ́ kéreŋ sala kùla naa géreŋ-sɛŋ kúŋ-nɛ̃ɛi maa Ɣâla-teƃelei ŋá.

Levetekɔ 16:12

A pâi ŋ̀ɔŋ siɣe sɛŋ-foloi siɣêi é géreŋ-sɛŋ kéreŋ teƃelei nyii gáa Yâwɛɛ ŋɛ́i-tuɛi ŋá ŋɔŋ têŋai da pú zu é ǹyée lâa fɛ́ɛ feerɛ a kéreŋ-sɛŋ kúŋ nɛ̃ɛ fũa é pá a dîa Gwaa Maa Waai ma.

Levetekɔ 16:13

Eelɔŋ a pâi géreŋ sɛŋ kúŋ nɛ̃ɛi pûi ŋ̀ɔŋ ŋá Yâwɛɛ ŋɛ́i-tuɛ a gɛɛ ǹurui é Gono-tee Gãlai perêi kpíni a gɛɛ vâa lá saa la.

Nɔŋba 16:17

Kákelee ka káŋɔŋ-pu-sɛŋ-folo-ŋai síɣe tɛi-tɛi, ká ŋɔŋ pú dísu ká kéreŋ-sɛŋ kúŋ-nɛ̃ɛ pú díŋa, kákelee ká pá Yâwɛɛ ŋɛ́i-tuɛ a káŋɔŋ-pu-sɛŋ-folo-ŋai. Ka Eelɔŋ-ni ka lí máŋ a káŋɔŋ-pu-sɛŋ-folo-ŋai. Gélee puɔ gîe ma káa a ŋɔŋ-pu-sɛŋ-folo ŋuŋ feerɛ pôlu buu lɔ́ɔlu (250).”

Nɔŋba 16:19

Nya ƃe Koa è ŋɔnûai kélee ŋá tɛ̀ ma Yâwɛɛ Ŋɔsua kɔlɔ seɣe pɛrɛ maa waai lá, dí díŋɛi tínaŋ Mose da Eelɔŋ pɔ́ naa pere. Yâwɛɛ ŋɔfólo-laai è pà díkelee dípɔ.

Nɔŋba 16:37

“M̀ó zâla láa-soŋ-nuui Eelɔŋ ǹóŋ Ilieza ma a gɛɛ é ŋɔŋ-siɣe sɛŋ-folo-ŋai kúla ŋɔŋ su, ŋɔŋ gáa dísui é dítaa-taa kwaa kôyaa ma. Kpɛni fêi, ŋɔŋ-siɣe sɛŋ-folo-ŋai maa waâi.

Nɔŋba 16:48

È tɔ̀ɔ zaa-ƃelai loai da vúlu-ƃelai, zaa-kɔlɔ-felai é kpɛ́ɛ.