Nɔŋba 16:16 - Ŋ̀âla Kɔlɔ Maa Waai

¹⁶ Nya ƃe Mose è mò Koa mà ǹyɛɛi, “Ka ínûai kélee ka tínaa pá Yâwɛɛ ŋɛ́i-tuɛ. Eelɔŋ a pâi kɛ̂i naa máŋ.

Nɔŋba 16:16 ပူးပေါင်းရင်းမြစ်များ

Ɛsedɔ 16:9

Nya ƃe Mose è mò Eelɔŋ ma ǹyɛɛi, “M̀ó Eezuɛ-ŋai kélee dîa dí pá dí tɔ́ɔ Yâwɛɛ ŋɛ́i-tuɛ. Kpɛ́ni fêi, a dílii ŋwânai maa mɛ̂ni mɛ̀ni.”

Nɔŋba 12:4

Yâwɛɛ è mò Mose ma da Eelɔŋ é pɛ́lɛ Miriaŋ ma ǹyɛɛ diai, “Ká saaƃaŋɔɔ ka kula m̀ûui su ká pá Zua kɔlɔ seɣe pɛrɛ maa waai lá.” Nya ƃe dísaaƃaŋɔɔ dí kùla dí lí.

Nɔŋba 16:15

Mose è ǹíi ŋwàna kpɔ́ a ŋánaa. È mò Yâwɛɛ mà ǹyɛɛi, “Ífe íyee sèe dísama-sɛŋ mu. Fé niî díwɛlɛ-sôo-ŋai dɔnɔ kpîŋ kula ní díyêei, fé niî tela mɛni nyɔ́mɔɔ kɛ́ ní a Díta.”

Nɔŋba 16:17

Kákelee ka káŋɔŋ-pu-sɛŋ-folo-ŋai síɣe tɛi-tɛi, ká ŋɔŋ pú dísu ká kéreŋ-sɛŋ kúŋ-nɛ̃ɛ pú díŋa, kákelee ká pá Yâwɛɛ ŋɛ́i-tuɛ a káŋɔŋ-pu-sɛŋ-folo-ŋai. Ka Eelɔŋ-ni ka lí máŋ a káŋɔŋ-pu-sɛŋ-folo-ŋai. Gélee puɔ gîe ma káa a ŋɔŋ-pu-sɛŋ-folo ŋuŋ feerɛ pôlu buu lɔ́ɔlu (250).”

Temete Veerɛi 2:14

Mɛni-ŋai ŋí tóo ǹûai kíli ŋá. Mó dîa Kúnuu-namui ŋɛi a gɛ́ɛ dífe díyee pu wóo da-ni maa-sia-toɔɔ su, nyíi va pâ núu pɔ a mɛnii ǹɛ́lɛɛ̂i. Diai da díwoli tɔ̀ɔ mɛni-ŋai ŋí dîai dílaa-lai su a kara.

Samia Maa-ŋuŋ 12:3

Ŋa kámarê kɛ̂i. Ŋa tá niŋa sîrɛ, kpaa máŋ wɛlɛ-sôo kula káta yêei a wála-wala laa? Ŋa tá mɛni ŋánaa kɛ́ a núu da kpaa máŋ ŋá yee-pɛlɛ ǹá-sɛŋ da soŋ núu da yêei a gɛ́ɛ ŋá mɛni ŋá-tee a wôya pere? Ká ŋ́oo su too a gɛ́ɛ Yâwɛɛ da gâloŋ nyíi aâ zìɣe zui da pɔri káwoo mɛnii. À kɛ̀ ŋa tá m̀ɛnii sîi-ŋai ŋí da kɛ́ ní a káa, ŋa pâi bɔɔ tɔ̂ɔ fêi.”

Samia Maa-ŋuŋ 12:7

Yâwɛɛ a pâi kɛ̂i a kámɛni-saa ƃó-nuu. M̀ɛni ma, kà tɔɔ ƃɛ́ ŋí ma ká káwoli tɔ́ɔ ŋá mɛnii-ŋai tóo kákili ŋá berei Yâwɛɛ a pâi káŋuŋ ma ƃôi ka kákpɔara-ƃelai yêei ka kánuu pɔlɔ-ŋai.